Матфей 12:2 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

² Фарисейтӕ уый куы федтой, уӕд Йесойӕн загътой: «Кӕс-ма, Дӕ ахуыргӕнинӕгтӕ, сабаты цы не ’мбӕлы, уый кӕнынц».

Матфей 12:2 Iomraidhean Croise

Рацыд 23:12

Ӕхсӕз боны дӕргъы кӕнут уӕ хъуыддӕгтӕ, ӕвдӕм бон та уын уӕд ӕнцойы бон, цӕмӕй баулӕфой уӕ галтӕ ӕмӕ уӕ хӕрджытӕ дӕр, сӕ фӕллад суадзой уӕ цагъайраг сылгоймӕгты фырттӕ ӕмӕ ӕрцӕуӕггӕгтӕ.

Рацыд 35:2

Ӕхсӕз боны дӕргъы кусут, ӕвдӕм бон та уын уӕд уаз ӕнцойбон, сабат, Дунедарӕгӕн — уаз. Уыцы бон чидӕриддӕр бакуса, уый мард ӕрцӕудзӕн.

Исайа 58:13

Дунедарӕг зӕгъы: «Сабат Мӕ уаз бон кӕй у, уый уӕ макуы ферох уӕд, ӕмӕ йӕ нымайут. Нымайут ӕй цытджын бӕрӕгбоныл ӕмӕ уӕхиуыл хӕцут, сабатбон мацы хъуыддаг кӕнут. Кад ын скӕндзыстут уымӕй дӕр, стӕй, уыцы бон уӕ алы зӕрдиаг фӕндтӕ куы аиргъӕват, ноджы ма ӕдзӕлгъӕд ныхӕстӕ дӕр куынӕ кӕнат, уӕд.

Матфей 12:10

Уым уыдис, йӕ къух кӕмӕн бахуыскъ ис, ахӕм адӕймаг. Ӕмӕ фарисейтӕ, цӕмӕй Йӕ истӕмӕй фӕазымджын кӕной, уый тыххӕй Йесойы бафарстой: «Сабаты рынчынты дзӕбӕх кӕнын ӕмбӕлы ӕви нӕ?»

Матфей 12:3

Йесо сын дзуапп радта: «Давид, йӕхӕдӕг дӕр ӕмӕ йе ’мбӕлттӕ дӕр куы сыстонг сты, уӕд цы бакодта, уый тыххӕй нӕ кастыстут, ӕви?

Марк 2:24

Ӕмӕ Йын фарисейтӕ загътой: «Кӕс-ма! Сабаты цы не ’мбӕлы, уый куыд кӕнынц?»

Лука 14:3

Йесо бафарста динамонджытӕ ӕмӕ фарисейты: «Сабаты рынчынты дзӕбӕх кӕнын ӕмбӕлы ӕви нӕ?»

Лука 23:56

Куы раздӕхтысты, уӕд ӕрцӕттӕ кодтой хӕрздӕфгӕнӕнтӕ. Сабат сын, иудейаг Ӕгъдаумӕ гӕсгӕ, уыди ӕнцойбон.

Лука 6:2

Фарисейтӕй сын чидӕртӕ загътой: «Сабаты цы не ’мбӕлы, уый цӕмӕн кӕнут?»