Лука 9:28 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²⁸ Уыцы ныхӕстыл иу аст боны куы рацыди, уӕд Йесо Йемӕ ахуыдта Петр, Иоанн ӕмӕ Йаковы ӕмӕ хохмӕ ссыди кувынмӕ.

Лука 9:28 Iomraidhean Croise

Псаломтӕ 109:4

Сомы ракодта Дунедарӕг ӕмӕ Йӕ дзырд нӕ фӕсайдзӕн: «Ды Мелхиседекы хуызӕн Алчер дӕ мыггагмӕ».

Матфей 14:23

Адӕмы куы ауагъта, уӕд хохмӕ ссыди хибарӕй скувынмӕ ӕмӕ, куы баизӕр, уӕд дӕр ма уым уыдис иунӕгӕй.

Матфей 5:1

Уый бӕрц адӕм фенгӕйӕ, Йесо ссыди хохы сӕрмӕ. Куы ӕрбадти, уӕд Ӕм Йӕ ахуыргӕнинӕгтӕ бацыдысты,

Марк 1:35

Сӕударӕй Йесо сыстад ӕмӕ хӕдзарӕй рацыд, хибар ранмӕ Йӕхи айста ӕмӕ уым куывта.

Марк 6:46

Куы сӕ ауагъта, уӕд хохмӕ ссыди скувынмӕ.

Лука 3:21

Иоанн, иннӕ адӕмыл куы аргъуыдта, уӕд Йесойыл дӕр саргъуыдта. Аргъуыд исгӕйӕ, Йесо куывта, афтӕмӕй арвы дуар фегом ис,

Лука 5:16

Йесо-иу Йӕхи ӕдзӕрӕг рӕттӕм айста ӕмӕ куывта.

Лука 6:12

Иуахӕмы Йесо хохмӕ ссыди кувынмӕ, ӕмӕ ӕнӕхъӕн ӕхсӕв уым, Хуыцаумӕ кувгӕйӕ, арвыста.

Лука 8:51

Ӕмӕ йын йӕ хӕдзармӕ куы бацыди, уӕд Петр, Иоанн ӕмӕ Йаков, стӕй сабийы фыд ӕмӕ мады йеддӕмӕ никӕй бауагъта Йемӕ мидӕмӕ бацӕуын.

Лука 9:18

Иуахӕмы Йесо хибарӕй куывта, ӕмӕ Йӕм Йӕ ахуыргӕнинӕгтӕ бацыдысты. Йесо сӕ бафарста: «Адӕм Мын Чи ӕнхъӕл сты?»

Иоанн 6:3

Йесо ссыди хохмӕ ӕмӕ Йӕ ахуыргӕнинӕгтимӕ уым бадти.

2 Коринфӕгтӕм 13:1

Ныр уӕм ӕртыккаг хатт цӕуын. «Алы хъуыддаг дӕр хъуамӕ дыууӕ кӕнӕ ӕртӕ ӕвдисӕны раз ӕвзӕрст цӕуа».

Дзуттӕгтӕм 5:7

Йӕ зӕххон буары ма куы уыди, уӕд дзыназгӕйӕ ӕмӕ цӕссыг калгӕйӕ куывта ӕмӕ куырдта, мӕлӕтӕй Йӕ фервӕзын кӕнын Кӕй бон уыди, уыцы Хуыцауӕй, ӕмӕ Йӕ Уый фехъуыста, аргъуыц Ын кӕй кодта, уый тыххӕй.

2 Петр 1:16

Мах уын нӕ Бардарӕг Йесо Чырыстийы хъаруйы ӕмӕ Йе ’рцыды кой куы кодтам, уӕд кӕйдӕр ӕрымысгӕ рӕсугъд аргъӕуттӕ нӕ фӕзмыдтам — нӕхи цӕстӕй Йын федтам Йе стыр кад.