Лука 9:19 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁹ Уыдон загътой: «Иутӕ — Аргъауӕг Иоанн, иннӕтӕ — Илийа, аннӕтӕ та зӕгъынц, незаманты пехуымпартӕй чидӕр райгас ис, зӕгъгӕ».

Лука 9:19 Iomraidhean Croise

Малахиа 4:5

Мӕнӕ уӕм ӕз Дунедарӕджы стыр ӕмӕ тӕссаг боны размӕ арвитдзынӕн пехуымпар Илийайы.

Матфей 14:2

ӕмӕ йӕ фӕсдзӕуинтӕн загъта: «Уый Аргъауӕг Иоанн у. Мӕрдтӕй райгас ӕмӕ диссӕгтӕ дӕр уымӕн аразы».

Матфей 3:1

Уыцы рӕстӕг фӕзындис Аргъауӕг Иоанн ӕмӕ Иудейы ӕдзӕрӕг быдыры хъусын кодта:

Марк 6:14

Уыцы хабӕрттӕ паддзах Ироды хъустыл дӕр ӕрцыдысты, уымӕн ӕмӕ алы ран дӕр Йесойы кой кодтой. Иутӕ дзырдтой: «Уый Аргъауӕг Иоанн мӕрдтӕй растад ӕмӕ ахӕм диссӕгтӕ дӕр уымӕн аразы».

Марк 6:15

Иннӕтӕ дзырдтой: «Уый Илийа у»; аннӕтӕ та: «Уый пехуымпар у, рагзаманы пехуымпарты хуызӕн».

Лука 9:18

Иуахӕмы Йесо хибарӕй куывта, ӕмӕ Йӕм Йӕ ахуыргӕнинӕгтӕ бацыдысты. Йесо сӕ бафарста: «Адӕм Мын Чи ӕнхъӕл сты?»

Лука 9:20

Йесо сӕ бафарста: «Сымах та Мӕ Чи ӕнхъӕлут?» Петр Ын дзуапп радта: «Хуыцауы Чырысти».

Иоанн 1:21

Уӕд ӕй бафарстой: «Уӕдӕ чи дӕ? Илийа дӕ?» Уый сын загъта: «Нӕ дӕн». «Пехуымпар дӕ?» Уый дзуапп радта: «Нӕ дӕн».

Иоанн 1:25

Ӕмӕ йӕ бафарстой: «Уӕдӕ кӕд нӕдӕр Чырысти дӕ, нӕдӕр Илийа, нӕдӕр пехуымпар, уӕд цӕмӕн аргъауыс?»

Иоанн 7:40

Адӕм ацы ныхӕстӕ куы фехъуыстой, уӕд иутӕ дзырдтой: «Уый, ӕнӕмӕнг, пехуымпар у».

Иоанн 9:17

Уӕд та ногӕй фӕрсынц куырмы: «Ды та уыцы Адӕймаджы тыххӕй цы зӕгъдзынӕ? Цӕстӕй дӕ куы ракӕсын кодта». Уый сын дзуапп радта: «Пехуымпар у».