Лука 22:17 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁷ Райста сӕны кӕхц, Хуыцауӕн арфӕ ракодта ӕмӕ загъта: «Айсут ӕй ӕмӕ дзы алчидӕр ануазӕд.

Лука 22:17 Iomraidhean Croise

Псаломтӕ 23:5

Ахӕм адӕймаг райсдзӕни Дунедарӕджы, йӕ Ирвӕзынгӕнӕджы, арфӕ ӕмӕ хорзӕх.

Йеремиа 16:7

Зӕрдӕсастыты барӕвдауынӕн уыцы мӕрдты номыл кӕрдзын ничи асӕтдзӕн; сӕ ныййарджыты куы мысой, уӕд сын сӕ зӕрдӕтӕ фӕфидар кӕнынӕн нуазӕн кӕхц ничи ратдзӕн.

Матфей 14:19

Адӕмы ӕрбадын кодта кӕрдӕгыл, райста фондз дзулы ӕмӕ дыууӕ кӕсаджы, арвмӕ скасти, Хуыцауӕн арфӕ ракодта, стӕй дзултӕ ӕрсаста ӕмӕ сӕ Йӕ ахуыргӕнинӕгтӕм алӕвӕрдта, уыдон та сӕ байуӕрстой адӕмыл.

Матфей 15:36

райста авд дзулы ӕмӕ кӕсӕгтӕ, Хуыцауӕн арфӕ ракодта, ӕрсаста сӕ ӕмӕ сӕ Йӕ ахуыргӕнинӕгтӕм алӕвӕрдта, ахуыргӕнинӕгтӕ та сӕ байуӕрстой адӕмыл.

Матфей 26:26

Хӕргӕ ма куы кодтой, уӕд Йесо райста дзул, Хуыцауӕн арфӕ ракодта, асаста йӕ, ахуыргӕнинӕгтӕм ӕй алӕвӕрдта ӕмӕ загъта: «Айсут ӕмӕ хӕрут — уый Мӕ Буар у».

Марк 14:22

Фынджы уӕлхъус куы ӕрбадтысты, уӕд Йесо Йӕ къухмӕ райста дзул, Хуыцауӕн арфӕ ракодта, ӕрсаста йӕ, алӕвӕрдта сӕм ӕй ӕмӕ загъта: «Айсут ӕмӕ хӕрут — уый Мӕ Буар у».

Лука 22:19

Уый фӕстӕ райста дзул, раарфӕ кодта Хуыцауӕн, ӕрсаста йӕ, алӕвӕрдта сӕм ӕй ӕмӕ загъта: «Ай Мӕ Буар у, ӕмӕ уӕ сӕраппонд лӕвӕрд цӕуы мӕлӕтмӕ. Афтӕ-иу кӕнут Мӕ ном арыны охыл».

Лука 9:16

Йесо райста фондз дзулы ӕмӕ дыууӕ кӕсаджы, скасти уӕларвмӕ, Хуыцауӕн раарфӕ кодта, ӕрсаста сӕ ӕмӕ сӕ ахуыргӕнинӕгтӕм радта, цӕмӕй сӕ адӕмӕн байуарой.

Ромӕгтӕм 14:6

Иу бон иннӕмӕй ахсджиагдӕрыл чи нымайы, уый йӕ Бардарӕджы кадӕн нымайы. [Иу бон иннӕмӕй ахсджиагдӕрыл чи нӕ нымайы, уый йӕ Бардарӕджы кадӕн нӕ нымайы.] Чи хӕры, уый Бардарӕджы кадӕн хӕры, уымӕн ӕмӕ арфӕ кӕны Хуыцауӕн. Чи нӕ хӕры, уый Бардарӕджы кадӕн нӕ хӕры, ӕмӕ арфӕ кӕны Хуыцауӕн.

1 Коринфӕгтӕм 10:16

Цы арфӕйы кӕхцы тыххӕй арфӕ кӕнӕм, уый мах Чырыстийы Тугимӕ нӕ иу кӕны, ӕви? Ӕмӕ цы дзул асӕттӕм, уый мах Чырыстийы Буаримӕ нӕ иу кӕны, ӕви?

1 Коринфӕгтӕм 11:23

Уымӕн ӕмӕ, Бардарӕгӕй цы базыдтон, ӕз уый сымахӕн дӕр бацамыдтон: гадзрахатӕй Йыл куы рацыдӕуыд, уыцы ӕхсӕв Бардарӕг Йесо райста дзул,

Фӕлхатгонд ӕгъдау 8:10

Ӕмӕ-иу куы бахӕрат ӕмӕ куы бафсӕдат, уӕд-иу кӕддӕриддӕр арфӕ ракӕнут Дунедарӕгӕн, уӕ Хуыцауӕн, ахӕм диссаджы бӕстӕ уын кӕй радта, уый тыххӕй.

1 Паддзахӕдтӕ 9:13

Сахармӕ куы бацӕуат, уӕд ӕй уайтагъд ссардзыстут. Фӕтагъд кӕнут, цалынмӕ кувӕн къуыбырмӕ нӕма ссыди куывдмӕ, уӕдмӕ. Ӕнӕ уымӕй куывддзау адӕм нӕ саходдзысты — уый нывонд куы ныххӕлар кӕна, ӕрмӕст уӕд райдайдзысты хӕрын. Цӕут ӕмӕ йӕ баййафдзыстут».