Лука 2:1 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Уыцы рӕстӕг кесӕр Август уынаффӕ рахаста ӕппӕт бӕстӕйы цӕрджыты сфыссыны тыххӕй.

Лука 2:1 Iomraidhean Croise

Естер 10:1

Паддзах Ксеркс снысан кодта ног хъалон — денджызгӕрон зӕххытӕн дӕр ӕмӕ иннӕ зӕххытӕн дӕр.

Матфей 22:17

Уӕдӕ нын зӕгъ: куыд Дӕм кӕсы, кесӕрӕн хъалон фидын ӕмбӕлы ӕви нӕ?»

Матфей 24:14

Ацы Фарны Уац фӕхӕццӕ уыдзӕн дунейы ӕппӕт кӕрӕттӕм, Уӕларвон Паддзахады тыххӕй ӕппӕт адӕмтӕ дӕр фехъусдзысты, ӕмӕ уӕд ӕрцӕудзӕни кӕрон.

Марк 14:9

Ӕцӕг цы у, уый уын зӕгъын: Фарны Уац ӕгас дунейы кӕмдӕриддӕр айхъуыса, уым ацы сылгоймаджы ӕрымысынӕн, цы сарӕзта, уый тыххӕй загъдӕуыдзӕн».

Марк 16:15

Ӕмӕ сын загъта: «Ӕрзилут ӕгас дунейыл ӕмӕ Фарны Уац хъусын кӕнут алкӕмӕн дӕр.

Лука 2:3

Алчи йӕхи ныффыссын кӕнынмӕ цыди йӕхи сахармӕ.

Лука 2:5

Йемӕ ракодта йӕ усаг Мариайы дӕр, цӕмӕй сӕхи ныффыстаиккой. Мариа та йӕхи бар нӕ уыди,

Лука 3:1

Уыцы цау ӕрцыди кесӕр Тиверийы паддзахиуӕджы фынддӕсӕймаг аз. Уӕд Понтий Пилат хицауиуӕг кодта Иудейы, Ирод — Галилейы, йе ’фсымӕр Филипп — Итурей ӕмӕ Трахониты, Лисани — Абилинийы,

Апостолты хъуыддӕгтӕ 11:28

Уыдонӕй иу, йӕ ном — Агав, сыстад ӕмӕ радзырдта, Сыгъдӕг Уд ын цы раргом кодта, уый: ӕппӕт дунейы скӕндзӕн ӕххормаг заман. Йӕ рагуац сӕххӕст кесӕр Клавдийы заманы.

Апостолты хъуыддӕгтӕ 25:11

Кӕд ӕз, амарыны аккаг цы у, ахӕмӕй исты ракодтон, уӕд цӕттӕ дӕн мӕлӕтмӕ. Фӕлӕ кӕд, азымджын мӕ цӕмӕй кӕнынц, ӕппӕт уыдӕттӕ ӕрымысгӕ сты, уӕд мӕн сӕ къухмӕ раттын никӕй бон у. Ӕз домын кесӕры тӕрхон».

Апостолты хъуыддӕгтӕ 25:21

Фӕлӕ Павел ӕрдомдта, цӕмӕй йӕ ныууадзой ахӕстоны, цалынмӕ кесӕр уынаффӕ рахӕсса, уӕдмӕ. Уӕд ӕз бардзырд радтон, цалынмӕ йӕ кесӕрмӕ арвитон, уӕдмӕ йӕ ахӕстоны куыд дарой».

Ромӕгтӕм 1:8

Фыццаджыдӕр Йесо Чырыстийы фӕрцы арфӕ кӕнын мӕ Хуыцауӕн уе ’ппӕты тыххӕй дӕр, уымӕн ӕмӕ ӕгас дунейӕн уӕ уырнындзинад зындгонд у.

Филиппӕгтӕм 4:22

Саламтӕ уын ӕрвитынц ӕппӕт сыгъдӕджытӕ, уӕлдайдӕр та кесӕры хӕдзаронтӕ.