Лука 19:5 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁵ Йесо уырдӕм куы бахӕццӕ ис, уӕд ӕм уӕлӕмӕ скасти ӕмӕ загъта: «Закхей, рӕвдздӕр ӕрхиз, Ӕз абон дӕ хӕдзары хъуамӕ уон».

Лука 19:5 Iomraidhean Croise

Экклесиаст 9:10

Дӕ бон цыдӕриддӕр у, уый кӕн, уымӕн ӕмӕ мӕрдтыбӕстӕм куы ацӕуай, уӕд дын уым кусын, хъуыды кӕнын ӕмӕ куырыхон уӕвынӕн фадат нӕ уыдзӕн.

Езекиел 16:6

Ӕз рацӕйцыдтӕн дӕ цурты ӕмӕ дӕ туджы мӕцгӕ куы федтон, уӕд дын загътон: „Кӕд дӕ туджы мӕцыс, уӕддӕр цӕр!“ О, афтӕ дын загътон: „Кӕд дӕ туджы мӕцыс, уӕддӕр цӕр!“

Лука 19:10

Адӕймаджы Фырт ӕрцыд сӕфтыты бацагурынмӕ ӕмӕ сӕ фервӕзын кӕнынмӕ».

Лука 19:2

Уым та уыдис иу адӕймаг, йӕ ном Закхей — хъалонисджыты хицау ӕмӕ хъӕздыг лӕг.

Лука 19:4

Уӕд азгъордта размӕ ӕмӕ Йӕ кӕд афтӕмӕй фенин, зӕгъгӕ, легъуи бӕласмӕ схызти, уымӕн ӕмӕ Йесойӕн Йӕ фӕндаг ууылты уыди.

Лука 19:6

Уый рӕвдзгомау ӕрхызти ӕмӕ Йӕ, цингӕнгӕ, суазӕг кодта.

Иоанн 1:48

Нафанаил Ӕй бафарста: «Ды мӕ кӕцӕй зоныс?» Йесо йын дзуапп радта: «Филипп дӕм нӕма фӕдзырдта, афтӕ дӕ Ӕз федтон легъуи бӕласы бын».

Иоанн 14:23

Йесо йын дзуапп радта: «Чи Мӕ уарзы, уый сӕххӕст кӕндзӕн Мӕ ныхас, ӕмӕ йӕ Мӕ Фыд бауарздзӕн. Мах ӕм ӕрцӕудзыстӕм ӕмӕ йемӕ ӕрцӕрдзыстӕм.

2 Коринфӕгтӕм 6:1

Мах, Хуыцауы ӕмкусджытӕ, курӕм сымахӕй: Хуыцау уӕ цы хорзӕхӕй схайджын кодта, уый уын дзӕгъӕлы ма фӕуӕд.

Эфесӕгтӕм 3:17

уӕ уырнындзинады фӕрцы Чырысти уӕ зӕрдӕты куыд ӕрцӕра. Уарзондзинад уӕд уӕ царды бындур.

Дзуттӕгтӕм 13:2

Уазӕгуарзон кӕй хъуамӕ уат, уый уӕ рох ма уӕд. Уазӕгуарзон кӕй уыдысты, уымӕ гӕсгӕ иуӕй-иутӕ, кӕй уазӕг кӕнынц, уый нӕ зонгӕйӕ, суазӕг кодтой зӕдты.

Ӕргомад 3:20

Мӕнӕ Ӕз дуармӕ лӕууын ӕмӕ хойын. Мӕ хъӕлӕс Мын чи фехъуса ӕмӕ дуар чи байгом кӕна, уымӕ бацӕудзынӕн ӕмӕ йемӕ минас кӕндзынӕн, уый та — Мемӕ.