Лука 15:13 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹³ Цалдӕр боны фӕстӕ кӕстӕр фырт, цыдӕриддӕр ӕм уыд, уый бамбырд кодта ӕмӕ йӕхи дард бӕстӕм айста. Уым ӕнӕуаг цард кодта ӕмӕ йӕ бынтӕ бахордта.

Лука 15:13 Iomraidhean Croise

Ӕмбисӕндтӕ 18:9

Фыдӕвзаджы ныхӕстӕ адджинаджы хуызӕн адӕймагӕн йӕ хуылфмӕ бахизынц.

Ӕмбисӕндтӕ 21:17

Йӕ рӕстӕг цинты ’рвитын чи уарзы, уымӕн цӕрӕн фӕрӕзтӕ нӕ фаг кӕны; сӕн ӕмӕ зынаргъ сӕрдӕнтӕ чи уарзы, уый не схъӕздыг уыдзӕн.

Ӕмбисӕндтӕ 21:20

Куырыхоны хӕдзары зынаргъ ӕвӕрӕнтӕ ӕвидигӕ сты, ӕдылы та сӕ ’нӕвгъауӕй хардз кӕны.

Ӕмбисӕндтӕ 27:8

Йӕ райгуырӕн къона чи ныууадзы, уый, йӕ ахстонӕй цы маргъ фӕхицӕн ис, уый хуызӕн у.

Ӕмбисӕндтӕ 28:7

Зондджын лӕппу Хуыцауы ’гъдау ӕххӕст кӕны, ӕнӕуагтимӕ йӕ рӕстӕг чи ’рвиты, уый та йӕ фыды худинаг кӕны.

Ӕмбисӕндтӕ 29:3

Уӕлзонд чи уарзы, уымӕй йӕ фыды зӕрдӕ райы; хӕтаг сылтимӕ йӕ рӕстӕг чи ’рвиты, уый та йӕ хӕдзары исбон ныкъкъуыввитт кӕны.

Ӕмбисӕндтӕ 6:26

Хъахбай сылы фӕдыл куы ацӕуай, уӕд къӕбӕры фаг дӕр нал кӕндзынӕ, уымӕн ӕмӕ искӕй ус дӕ царды фӕдыл зилы.

Исайа 1:4

Додойаг фестут, тӕригъӕдджын адӕм, ӕгӕр стыр у уӕ азым! Фыдгӕнджыты мыггаг, фыдбоны гуырдтӕ! Ныууагътат Дунедарӕджы, Израилы Стыр Хуыцауы нал хъуыды кӕнут, уӕ чъылдым Ӕм раздӕхтат.

Исайа 22:13

Фӕлӕ сымах уый бӕсты хъӕлдзӕгдзинад сарӕзтат; цин кӕнут, галтӕ ӕмӕ фыстӕ ӕргӕвдут, дзидза хӕрут, сӕн нуазут ӕмӕ дзурут: «Цӕй уӕдӕ хӕрӕм ӕмӕ нуазӕм — уӕддӕр райсом мӕлгӕ кӕндзыстӕм!»

Исайа 30:11

Рӕстдзинады фӕндагӕй, дам, иуварс ахизут ӕмӕ нын Израилы Уаз Хуыцауӕн Йӕ кой дӕр мауал кӕнут.

Исайа 56:12

Сидынц: «Цомут ӕмӕ абон дзӕбӕх нынцъухӕм сӕн ӕмӕ махсымӕ, райсом та дзы ноджы хуыздӕр фӕкӕсдзыстӕм нӕхимӕ!»

Йеремиа 2:13

Мӕ адӕм ракодтой дыууӕ фыдракӕнды: ныууагътой Мӕн, цардӕгас доны Суадоны, ӕмӕ сӕхицӕн донуӕттӕ скодтой. Фӕлӕ уыдон пырх сты, дон уромын нӕу сӕ бон.

Йеремиа 2:31

О абоны фӕлтӕр! Дунедарӕджы ныхас бамбарут! Мыййаг, Ӕз искуы Израилӕн ӕдзӕрӕг быдыр, саудалынг зӕхх фестадтӕн? Уӕдӕ цӕмӕн зӕгъынц Мӕ адӕм: «Кӕдӕм нӕ фӕнды, уырдӕм цӕудзыстӕм, нӕ Дӕм раздӕхдзыстӕм?»

Йеремиа 2:5

Афтӕ зӕгъы Дунедарӕг: Уӕ фыдӕлтӕ Мӕм цавӕр азым ссардтой, цӕмӕн адард сты Мӕнӕй? Уыдон мӕнгдзинады фӕдыл ацыдысты ӕмӕ сӕхӕдӕг дӕр смӕнг сты.

Михей 6:3

Мӕ адӕм, цы уын кодтон? Цавӕр маст уӕ бауагътон? Дзуапп Мын раттут.

Лука 15:12

Кӕстӕр йӕ фыдӕн загъта: „Мӕ фыд, дӕ исбонӕй мӕм цы хауы, уый мын ратт“. Ӕмӕ фыд йӕ мулк байуӕрста се ’хсӕн.

Лука 15:14

Куы ницыуал ӕм баззад, уӕд уыцы бӕстӕйы стонг заман скодта, ӕмӕ хъуаг ӕййафын райдыдта.

Лука 15:30

Фӕлӕ дын хъахбайтимӕ дӕ мулк чи бахордта, дӕ уыцы фырт та дӕм куыддӕр фӕзынди, афтӕ йын хӕрзхаст род аргӕвстай“.

Лука 16:1

Йесо Йӕ ахуыргӕнинӕгтӕн загъта: «Иу хъӕздыг лӕг йӕ исбонӕн уынаффӕгӕнӕг дардта, ӕмӕ йӕм фӕхабар чындӕуыд, дӕ мулк дын хӕлӕттаг кӕны, зӕгъгӕ.

Лука 16:19

Уыдис иу хъӕздыг лӕг, уый дардта зынаргъ ӕмӕ рӕсугъд дарӕс, хъал цард кодта.

Эфесӕгтӕм 2:13

Сымах кӕддӕр дард уыдыстут, ныр та Йесо Чырыстиимӕ иудзинады фӕрцы баиу стут, ӕмӕ уӕ Йӕ Туг ӕрбахӕстӕг кодта кӕрӕдзимӕ.

Эфесӕгтӕм 2:17

Ӕмӕ куы ӕрцыди, уӕд ӕрхаста фидыды Фарны Уац сымахӕн, Хуыцауӕй дард чи уыди, уыдонӕн ӕмӕ Йӕм хӕстӕг чи уыди, уыдонӕн.

2 Петр 2:13

Уыдонӕн сӕ хӕрам хъуыддӕгтӕ бафыстӕуыдзӕн хӕрамӕй. Ӕхсызгон сын сты се ’рвылбоны хиирхӕфсӕнтӕ; ӕлгъӕгтӕ ӕмӕ ӕгадгӕнджытӕ, райгонд вӕййынц сӕ фӕливӕн митӕй, уемӕ куы фӕцӕл кӕнынц, уӕд.