Левит 25:6 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁶ Сабаты аз зӕххыл цыдӕриддӕр ӕрзайа, уый уыдзӕни уӕ хойраг — уӕхицӕн, уӕ цагъар нӕлгоймӕгтӕн ӕмӕ уӕ цагъар сылгоймӕгтӕн, уе ’ххуырстытӕн, уе ’хсӕн цӕрӕг ӕрцӕуӕггӕгтӕн,

Левит 25:6 Iomraidhean Croise

4 Паддзахӕдтӕ 19:29

Дӕуӕн та, Езекиа, дӕттын нысан: ацы аз хӕрут, хауӕггаг нӕмыгӕй цы хор ӕрзад, уый, иннӕ аз — йӕхигъӕдӕй цы хор ӕрзайа, уый, ӕртыккаг аз та-иу байтаут ӕмӕ бафснайут уӕ хортӕ, ныссадзут сӕнӕфсиртӕ ӕмӕ сын хӕрут сӕ дыргътӕ.

Рацыд 23:11

фӕлӕ-иу сӕ ӕвдӕм аз мауал байтаут. Йӕхигъӕдӕй уӕ хуымты цы ’рзайа, уый-иу хӕрӕнт уӕ адӕмы мӕгуыртӕ, уыдоны уӕлдӕйттӕ та — сырдтӕ. Афтӕ-иу бакӕнут уӕ сӕндӕттӕ ӕмӕ уӕ оливӕ бӕлӕстӕн дӕр.

Левит 25:20

Сымах бафӕрсдзыстут: „Куы ницы байтауӕм ӕмӕ тыллӕг куынӕ ӕрӕмбырд кӕнӕм, уӕд ӕвдӕм аз цы хӕрдзыстӕм?“

Левит 25:21

Ӕз уын ӕхсӕзӕм аз раарфӕ кӕндзынӕн, ӕмӕ уӕ зӕхх ӕртӕ азы бӕркад ратдзӕн.

Левит 25:5

Уӕ хуымты йӕхи ’гъдауӕй цы ӕрзайа, уыдон-иу ма ӕркӕрдут; кӕй нӕ бахсӕстой, уыцы сӕнӕфсиры цупӕлттӕ дӕр-иу ма ӕртонут. Уыцы аз уӕд ӕнцойы аз зӕххӕн.

Левит 25:7

уӕ фосӕн ӕмӕ, уӕ зӕххыл хъӕддаг сырдӕй цы ис, уыдонӕн.

Апостолты хъуыддӕгтӕ 2:44

Уырнджытӕ се ’ппӕт дӕр уыдысты ӕмуд-ӕмвӕнд, сӕ исбон дӕр иумӕйаг уыд.

Апостолты хъуыддӕгтӕ 4:32

Цы бирӕ адӕм баууӕндыд, уыдон ӕмзӕрдӕ ӕмӕ ӕмуд уыдысты. Мӕ мулк мӕхи у, зӕгъгӕ, ахӕм хъуыды сӕ никӕмӕ уыдис, алцыдӕр сын иумӕйаг уыди.