Левит 23:3 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³ Ӕхсӕз боны кусут, ӕвдӕм бон та ӕнцойбон у — сабат, уыцы бон-иу уазӕмбырд скӕнут. Мацы-иу бакусут, кӕмфӕнды куы цӕрат, уӕд дӕр: уый Дунедарӕджы сабат у.

Левит 23:3 Iomraidhean Croise

Рацыд 16:23

уӕд сын Моисейы ныхас уыди: «Уый тыххӕй Дунедарӕг дзырдта. Райсом ӕнцойбон у, Дунедарӕджы уаз сабат. Цы фыцинаг стут, уый абон сфыцут, уӕ хӕринагӕй ма цы баззайа, уый та райсоммӕ бавӕрут».

Рацыд 16:29

Хъусгӕ кӕнут: Дунедарӕг уын радта сабат, ӕмӕ уын уымӕ гӕсгӕ ӕхсӕзӕм бон дыууӕ боны фаг хӕринаг ӕрвиты. Ӕвдӕм бон-иу уӕ алчи йӕ хӕдзары бадӕд ӕмӕ макуыдӕм цӕуӕд».

Рацыд 16:30

Ӕмӕ ӕвдӕм бон адӕм сӕ фӕллад уагътой.

Рацыд 23:12

Ӕхсӕз боны дӕргъы кӕнут уӕ хъуыддӕгтӕ, ӕвдӕм бон та уын уӕд ӕнцойы бон, цӕмӕй баулӕфой уӕ галтӕ ӕмӕ уӕ хӕрджытӕ дӕр, сӕ фӕллад суадзой уӕ цагъайраг сылгоймӕгты фырттӕ ӕмӕ ӕрцӕуӕггӕгтӕ.

Рацыд 34:21

Ӕхсӕз боны дӕргъы кусут, ӕвдӕм бон та баулӕфут. Хуымгӕнӕнтӕ уой ӕви хуымгӕрдӕнтӕ — уӕ куыст-иу бауромут.

Исайа 56:2

Тӕхудиаг сты, Мӕ уынаффӕтӕ Мын чи ӕххӕст кӕны, фидар сыл чи хӕцы, сабаты уагӕвӕрдтӕ халын чи нӕ уадзы ӕмӕ ӕнӕгъдау мийӕ йӕхи чи хизы, уыдон».

Исайа 56:6

Уӕдӕ ӕцӕгӕлӕттӕй дӕр Дунедарӕгимӕ чи баиу ис, лӕггад Ын кӕныны охыл, Дунедарӕджы ном чи уарзы, йӕхи Йын цагъар чи скодта ӕмӕ Йын Йӕ сабаты уагӕвӕрдтӕ чи ӕххӕст кӕны, Мӕ уагӕвӕрдтӕ йӕ уды рӕбинаг кӕмӕн сты,

Исайа 58:13

Дунедарӕг зӕгъы: «Сабат Мӕ уаз бон кӕй у, уый уӕ макуы ферох уӕд, ӕмӕ йӕ нымайут. Нымайут ӕй цытджын бӕрӕгбоныл ӕмӕ уӕхиуыл хӕцут, сабатбон мацы хъуыддаг кӕнут. Кад ын скӕндзыстут уымӕй дӕр, стӕй, уыцы бон уӕ алы зӕрдиаг фӕндтӕ куы аиргъӕват, ноджы ма ӕдзӕлгъӕд ныхӕстӕ дӕр куынӕ кӕнат, уӕд.

Левит 19:3

Алчидӕр уӕ нымайӕд йӕ мад ӕмӕ йӕ фыды, ӕххӕст Мын кӕнут Мӕ сабаты уагӕвӕрдтӕ. Ӕз Дунедарӕг дӕн, уӕ Хуыцау.

Лука 13:14

Уӕд синагогӕйы хицау смӕсты ис, Йесо сылгоймаджы сабаты кӕй сдзӕбӕх кодта, уый тыххӕй ӕмӕ адӕмӕн загъта: «Кусынӕн ис ӕхсӕз боны, гъемӕ-иу уӕхи дзӕбӕх кӕнынмӕ уыцы бонты цӕут, сабаты та — нӕ».

Лука 23:56

Куы раздӕхтысты, уӕд ӕрцӕттӕ кодтой хӕрздӕфгӕнӕнтӕ. Сабат сын, иудейаг Ӕгъдаумӕ гӕсгӕ, уыди ӕнцойбон.

Апостолты хъуыддӕгтӕ 15:21

Моисейы Ӕгъдау рагӕй-ӕрӕгмӕ алы сахары дӕр куы амонынц ӕмӕ йӕ синагогӕты алы сабат дӕр куы кӕсынц».

Ӕргомад 1:10

Хуыцаубоны ӕз уыдтӕн Сыгъдӕг Удӕй разӕнгард ӕмӕ фӕстейӕ фехъуыстон нӕргӕ хъӕлӕс, сыкъауадындзы зӕлыны хуызӕн: «[Ӕз дӕн Альфӕ ӕмӕ Омегӕ, Фыццаг ӕмӕ Фӕстаг.]