Левит 23:21 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²¹ Тӕккӕ уыцы бон-иу уазӕмбырд скӕнут, мацы-иу бакусут. Уый уын уыдзӕни мыггагмӕйы уагӕвӕрд, кӕмдӕриддӕр цӕрат, уым, фӕлтӕрӕй-фӕлтӕрмӕ.

Левит 23:21 Iomraidhean Croise

Райдиан 17:7

Ӕз сараздзынӕн фидыд демӕ ӕмӕ дӕ байзӕддӕгтимӕ, мыггагмӕйы фидыд, фӕлтӕрӕй-фӕлтӕрмӕ: Ӕз уыдзынӕн дӕу ӕмӕ дӕ байзӕддаджы Хуыцау.

Рацыд 27:21

Аарон ӕмӕ йӕ фырттӕ сӕ цӕст дарӕнт, цӕмӕй цырагъдарӕны цырӕгътӕ изӕрӕй райсоммӕ судзой Дунедарӕджы раз — Фембӕлды Цатыры мидӕг, Фидыды Чырын цы мидӕмбӕрзӕны фӕстӕ ис, уый раз. Уый — мыггагмӕйы уагӕвӕрд израилӕгтӕн фӕлтӕрӕй-фӕлтӕрмӕ.

Исайа 11:10

Уыцы заман куы ралӕууа, уӕд, Йессейы Ӕвзарӕй цы тала сырӕза, уый адӕмтӕн суыдзӕни цӕстуынгӕ нысан, адӕмтӕ йӕ бацагурдзысты. Цы бынаты ӕрцӕра, уымӕн йӕ кады кой айхъуысдзӕни дӕрдтыл.

Левит 23:14

Мадӕр дзул, мадӕр цӕкуытӕ, мадӕр хъуыдыды нартхор бахӕрут, цалынмӕ уӕ Хуыцауӕн иууылсудзинаг нывонд ӕрбахӕссат, уӕдмӕ. Уый уын уыдзӕни мыггагмӕйы уагӕвӕрд, фӕлтӕрӕй-фӕлтӕрмӕ, кӕмдӕриддӕр цӕрат, уым.

Левит 23:2

цӕмӕй израилӕгтӕн зӕгъа: «Мӕнӕ — Дунедарӕджы бӕрӕгбӕттӕ, ӕмӕ-иу хъуамӕ уазӕмбырдтӕ скӕнат. Уыцы бонтӕ снысан кодтон Мӕхӕдӕг.

Левит 23:20

Сауджын-иу дыууӕ фыргуисты Дунедарӕджы раз хӕрдмӕ сисӕд хоры сӕртӕй конд дзултимӕ. Уыдон уыдзысты Дунедарӕджы уаз хай, сауджыны хай.

Левит 23:25

Мацы-иу бакусут, Дунедарӕгӕн-иу нывӕндтӕ ӕрхӕссут».

Левит 23:31

Мацы-иу бакусут. Уый уын уыдзӕни мыггагмӕйы уагӕвӕрд, фӕлтӕрӕй-фӕлтӕрмӕ, кӕмдӕриддӕр цӕрат, уым.

Левит 23:4

Мӕнӕ Дунедарӕджы бӕрӕгбӕттӕ, уазӕмбырдтӕ. Бӕрӕг кӕнын сӕ хъӕуы бӕлвырд афонты.

Левит 23:7

Фыццаг бон-иу уазӕмбырд скӕнут, мацы-иу бакусут.

Левит 3:17

Уый уын — мыггагмӕйы уагӕвӕрд, фӕлтӕрӕй-фӕлтӕрмӕ: кӕмдӕриддӕр цӕрат, кусарты фиутӕ ӕмӕ тугӕй уӕхи макуы фӕхъӕстӕ кӕнут».

Нымӕцтӕ 18:23

Ӕрмӕстдӕр левиттӕ хъуамӕ кусой Фембӕлды Цатыры, ӕмӕ уыдон дзупп дӕтдзысты, тӕригъӕд ӕй куы фӕчъизи кӕна, уӕд. Уыцы уагӕвӕрд уын мыггагмӕ лӕвӕрд у, ӕмӕ йӕ ӕххӕст кӕнут фӕлтӕрӕй-фӕлтӕрмӕ. Левиттӕн зӕххы хай нӕ уыдзӕн израилӕгты ’хсӕн.

Фӕлхатгонд ӕгъдау 16:11

Цин кӕн Йӕ разы, Дунедарӕг, дӕ Хуыцау, Йӕ номыл цы бынат равзӕрста, уым, демӕ — дӕ цот чызгӕй, лӕппуйӕ, дӕ цагъартӕ нӕлгоймагӕй, сылгоймагӕй, дӕ сахары цӕрӕг левиттӕ, ноджы ма, уе ’хсӕн чи ӕрбынӕттон, уыцы ӕрцӕуӕггӕгтӕ, стӕй сидзӕртӕ ӕмӕ идӕдзтӕ.