Левит 16:8 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁸ Цӕуты тыххӕй хӕлттӕ сӕппарӕд: иу дзы хъӕуы Дунедарӕгӕн нывондӕн ӕрхӕссын, иннӕ та — ӕдзӕрӕг быдырмӕ, Азазелмӕ, аскъӕрын.

Левит 16:8 Iomraidhean Croise

Ӕмбисӕндтӕ 16:33

Адӕм хӕлттӕ сӕппарынц, фӕлӕ алы уынаффӕ дӕр Дунедарӕгӕй рацӕуы.

Езекиел 48:29

Гъе уый у, Израилы хӕдзарвӕндӕгтӕн халӕппӕрстӕй кӕй байуардзыстут, уыцы зӕхх, сӕ зӕххы хӕйттӕ, — зӕгъы Дунедарӕг Хуыцау.

Левит 16:10

Тӕригъӕд ныббарыны охыл нывондӕн хаст ӕрцӕуӕд, зӕгъгӕ, йӕ хал цы цӕуӕн схауа, уый та-иу Дунедарӕджы раз удӕгасӕй баззайӕд, цӕмӕй ӕххӕстгонд ӕрцӕуа адӕмы тӕригъӕдтӕ ныббарыны ӕгъдау ӕмӕ йӕ аскъӕрой ӕдзӕрӕг быдырмӕ, Азазелмӕ.

Левит 16:26

Цӕу Азазелмӕ чи аскъӕрдта, уый-иу ныхсӕд йӕ дарӕс ӕмӕ йӕхи цынайӕд, ӕмӕ йын уӕд уыдзӕни рӕсӕнуатмӕ бацӕуыны бар.

Левит 16:7

Дыууӕ цӕуы ӕрлӕууын кӕнӕд Дунедарӕджы раз, Фембӕлды Цатыры къӕсӕры цур.

Левит 16:9

Дунедарӕджы номыл йӕ хал цы цӕуӕн схауа, уый Аарон ӕрхӕссӕд тӕригъӕды нывондӕн.

Ионӕ 1:7

Уӕд науы кусджытӕ кӕрӕдзийӕн загътой: «Цӕй ӕмӕ хӕлттӕ сӕппарӕм, ацы бӕллӕх кӕй азарӕй ӕййафӕм, уый базонынӕн». Сӕппӕрстой, ӕмӕ Ионӕйы хал схаудта.

Нымӕцтӕ 26:55

Зӕхх дихгонд ӕрцӕудзӕн хӕлттӕм гӕсгӕ, алчи йӕ хӕдзарвӕндаджы фыдӕлы номӕй исдзӕни хай.

Нымӕцтӕ 33:54

Хӕлттӕм гӕсгӕ байуарут бӕстӕ уӕ хӕдзарвӕндӕгтыл. Стырдӕр мыггӕгтӕн скӕнут стырдӕр хӕйттӕ, сӕ нымӕц бирӕ кӕмӕн нӕу, уыдонӕн та — къаддӕр хӕйттӕ. Халмӕ гӕсгӕ кӕмӕ цы хай ӕрхауа, уым уыдзӕн йӕ бынат. Уӕ фыдӕлты хӕдзарвӕндӕгты ’хсӕн адих кӕнут зӕхх.