Левит 1:1 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Дунедарӕг фӕсидти Моисеймӕ Фембӕлды Цатырӕй ӕмӕ йын загъта:

Левит 1:1 Iomraidhean Croise

4 Паддзахӕдтӕ 16:13

ӕмӕ йыл басыгъта иууылсудзинаг нывонд ӕмӕ хойраджы хуын, стӕй йыл сӕн ӕркалдта. Уый фӕстӕ нывондхӕссӕныл бапырх кодта фидыды нывонды тугӕй.

2 Азфыстытӕ 29:32

Иууылсудзинаг нывӕндтӕ нымадӕй уыдысты: дӕс ӕмӕ ӕртиссӕдз галы, сӕдӕ фыры ӕмӕ дыууӕсӕдӕ уӕрыччы. Уыдон иууылдӕр Дунедарӕгӕн иууылсудзинаг нывондӕн ӕрхастой.

Рацыд 19:3

Моисей ссыди хохы сӕрмӕ, ӕмӕ йын Дунедарӕг загъта: «Йаковы хӕдзарвӕндагӕн, израилӕгтӕн, афтӕ зӕгъ:

Рацыд 24:12

Дунедарӕг Моисейӕн загъта: «Ссу Мӕм хохы сӕрмӕ. Ӕз дӕм ратдзынӕн, ацы адӕмӕн Мӕ фӕдзӕхстытӕ ӕмӕ уагӕвӕрдтӕ цы къӕйдуртыл ныффыстон, уыдон. Адӕмӕн-иу бацамон, цы сӕ домын, уый».

Рацыд 25:22

Ӕз-иу дӕм раргом уыдзынӕн Фидыды Чырыны сӕрмӕ, дыууӕ херувимы астӕу, ӕмӕ дӕу уылты израилӕгтӕн Мӕ фӕдзӕхстытӕ хъусын кӕндзынӕн.

Рацыд 29:42

Ацы иууылсудзинаг нывонд Фембӕлды Цатыры къӕсӕрмӕ, Дунедарӕджы размӕ, хӕссут ӕрвылбон, фӕлтӕрӕй-фӕлтӕрмӕ — уыцы Цатыры уӕм Ӕз ӕргом кӕндзынӕн Мӕхи ӕмӕ дзурдзынӕн демӕ.

Рацыд 3:4

Дунедарӕг федта, Моисей хӕстӕгдӕр бацыд, уый ӕмӕ йӕм къутӕрӕй радзырдта: «Моисей! Моисей!» Уый дзуапп радта: «Мӕнӕ дӕн!»

Рацыд 33:7

Уӕдӕй фӕстӕмӕ-иу Моисей рӕсӕнуатӕй дӕрддзӕф ран сӕвӕрдта цатыр, ӕмӕ йӕ хуыдта Фембӕлды Цатыр. Исчи-иу Дунедарӕджы бафӕрсинаг куы уыд, уӕд-иу Моисей рӕсӕнуатӕй ацыди Фембӕлды Цатырмӕ.

Рацыд 39:32

Ӕппынфӕстаг Фембӕлды Цатыр саразыны куыстытӕ иууылдӕр фесты. Израилӕгтӕ бакодтой, Дунедарӕг Моисейӕн цыдӕриддӕр бафӕдзӕхста, уый.

Рацыд 40:29

Фембӕлды Цатыры къӕсӕрмӕ ӕрӕвӕрдта иууылсудзинӕгты нывондхӕссӕн ӕмӕ йыл ӕрхаста иууылсудзинаг нывӕндтӕ ӕмӕ хойраджы хуынтӕ, Дунедарӕг ын куыд бафӕдзӕхста, афтӕ.

Левит 7:38

Дунедарӕг сӕ Моисейӕн радта ӕдзӕрӕг быдыры, Синайы хохыл, Израилы адӕмӕн Дунедарӕгӕн нывӕндтӕ хӕссын куы бафӕдзӕхста, уӕд.

Левит 9:16

Уый фӕстӕ уагӕвӕрдмӕ гӕсгӕ ӕрхаста иууылсудзинаг нывонд.

Нымӕцтӕ 1:1

Дунедарӕг загъта Моисейӕн Синайы ӕдзӕрӕг быдыры, Фембӕлды Цатыры, Мысырӕй куы рацыдысты, уымӕн йӕ дыккаг азы дыккӕгӕм мӕйы фыццаг бон:

Нымӕцтӕ 7:15

гал, фыр ӕмӕ фыргуист — иууылсудзинаг нывондӕн;

Нымӕцтӕ 7:89

Моисей-иу куы бацыди Фембӕлды цатырмӕ, Дунедарӕгимӕ дзурынмӕ, уӕд-иу Фидыды Чырыны сӕрмӕ дыууӕ херувимы астӕуӕй хъуыста хъӕлӕс. Ахӕм хуызы дзырдта Дунедарӕг йемӕ.

Иоанн 1:17

уымӕн ӕмӕ нын Ӕгъдау Моисейы фӕрцы лӕвӕрд уыд, Хуыцауы хорзӕх, фарн ӕмӕ ӕцӕгад та нын раргом кодта Йесо Чырысти.

Фӕлхатгонд ӕгъдау 27:6

Ӕнӕвнӕлд дуртӕй скӕнут нывондхӕссӕн Дунедарӕгӕн, уӕ Хуыцауӕн, ӕмӕ йыл хӕссут иууылсудзинаг нывӕндтӕ Дунедарӕгӕн, уӕ Хуыцауӕн.