Хъарӕг 2:8 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁸ Дунедарӕг сфӕнд кодта ныппырх кӕнын Сионы систӕ, зӕххимӕ сӕ сиу кодта, ӕвӕллайгӕйӕ сӕ дӕрӕн кӕны. Дзыназынц систӕ ’мӕ бырутӕ, уӕ, хъизӕмар куы кӕнынц!

Хъарӕг 2:8 Iomraidhean Croise

2 Паддзахӕдтӕ 8:2

Басаста моавӕгты дӕр; зӕххыл сӕ ӕрхуыссын кодта, бӕндӕнӕй сӕ абарста ӕмӕ ӕртӕ бӕндӕны рауадысты: дыууӕ бӕндӕны дзы марынмӕ радта, иу та удӕгасӕй ныууагъта. Моавӕгтӕ Давиды дӕлбар баисты ӕмӕ йын хъалон фидын райдыдтой.

4 Паддзахӕдтӕ 21:13

Йерусалим абардзынӕн, Самари цы ӕмвӕзбарӕн синагӕй барст ӕрцыд ӕмӕ Ахавы галуан цы уырдыгбарӕнӕй барст ӕрцыд, уыдонӕй. Къус куыд ныссӕрфынц ӕмӕ йӕ фӕдӕлгом кӕнынц, афтӕ Ӕз дӕр равдӕлон кӕндзынӕн ӕмӕ сфӕлдахдзынӕн Йерусалимы сахар.

Иовы чиныг 13:21

Дӕ къух мӕм мауал ис ӕмӕ мын мӕ уд мауал лас Де стыр тасӕй!

Исайа 22:5

Уый у Дунедарӕджы, Уӕларвӕфсады Бардарӕджы, бон Цӕстылуайӕнты Дӕлвӕзы. Уый у сахары систӕ дӕрӕнгӕнӕн бон ӕмӕ хӕхтӕм ӕххуысмӕ дзыназыны бон.

Исайа 28:17

Уым Мӕ раст тӕрхон ӕрӕвӕрдзынӕн барӕн синагау, Мӕ рӕстдзинад та — ауыгъд здыйау». Уе ’мбӕхсӕн — мӕнгдзинад, фӕлӕ йӕ ихуард ныххафдзӕн, доны бын фӕуыдзӕн.

Исайа 34:11

Фестдзӕни зымтӕ ӕмӕ уызынты бӕстӕ, сидахъхъытӕ ӕмӕ сынтыты цӕрӕн. Дунедарӕг ӕй абардзӕни бӕндӕнӕй ӕмӕ йын йӕ арӕнтыл алырдыгӕй ӕрӕвӕрдзӕн арӕндуртӕ, цӕмӕй мыггагмӕ уа гӕныстон ӕмӕ ӕдзӕрӕг.

Исайа 5:5

Уӕдӕ уын Ӕз зӕгъдзынӕн, Мӕ сӕндонӕн цы бакӕндзынӕн, уый. Йӕ каутӕ йын афӕлдахдзынӕн — уадз ӕмӕ ныггӕныстон уа, йӕ быру йын ныппырх кӕндзынӕн — уадз ӕмӕ фосы къӕхты бын фӕуа.

Йеремиа 14:2

Кӕуы Иудей, йӕ кулдуӕрттӕ фӕлмӕцынц, ныссау сты, лӕзӕрынц зӕххыл; Йерусалимӕй хъарӕг хъуысы.

Йеремиа 5:10

Йӕ систӕм ын схизут ӕмӕ сӕ ныппырх кӕнут, фӕлӕ кӕронмӕ нӕ. Йӕ дыргъдӕттӕ йын ныззыгуым кӕнут, уымӕн ӕмӕ уыдон Дунедарӕджы адӕм нал сты.

Йеремиа 52:13

Уый басудзын кодта Дунедарӕджы хӕдзар, паддзахы галуан ӕмӕ Йерусалимы хӕдзӕрттӕ — стыр хӕдзӕрттӕ иууылдӕр саусыгъд бакодта.

Хъарӕг 2:17

Дунедарӕг сӕххӕст кодта Йӕ фӕндон, рагзаманы цы загъта, уый ӕрцыди, — ӕгъатырӕй дӕ ныр дӕрӕн кӕны, фыдгултӕн дӕ хынджылӕггаг скодта. О, радта сын уӕлахиз!

Хъарӕг 2:18

О, Дунедарӕгмӕ зӕрдиагӕй скув! Сионы Чызджы Сис, ӕхсӕвӕй-бонӕй ку! Дӕ цӕссыг иу уысммӕ дӕр ма ’рлӕууӕд! О, ферох кӕн ӕнцой!

Хъарӕг 2:2

Ӕгъатырӕй ныппырх кодта Йаковы хӕдзӕрттӕ, ныддӕрӕн кодта фыр мӕстӕй Иудӕйы фидӕрттӕ. Фӕчъизи кодта, афӕлдӕхта зӕххыл паддзах ӕмӕ уӕздӕтты.

Хъарӕг 2:5

Дунедарӕг йе знаг фестади, фесӕфта Израилы! Ныддӕрӕн кодта галуантӕ ’мӕ фидӕрттӕ; байдзаг кодта Иудейы зӕхх хъарӕгӕй, кӕуынӕй.

Езекиел 20:22

Фӕлӕ Ӕз Мӕ къух ӕруагътон ӕмӕ Мӕ номы сӕраппонд бакодтон ахӕм хъуыддаг, цӕмӕй Мын ма фауой Мӕ ном, кӕй цӕстыты раз сӕ ракодтон, уыцы адӕмтӕ.