Исайа 13:6 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁶ Ӕрдиаг кӕнут — Дунедарӕгӕн Йӕ тӕрхоны бон ӕрӕввахс, Ӕппӕтхъомыс дӕрӕнгӕнгӕ ӕрцӕудзӕн.

Исайа 13:6 Iomraidhean Croise

Иовы чиныг 31:23

Ӕз Хуыцауы азарӕй тынгдӕр ницӕмӕй тарстӕн, Йе стырады раз ахӕм исты ракӕнын нӕ бауӕндыдаин.

Исайа 10:25

Чысыл ма, хӕрз чысыл ма, ӕмӕ уӕм Мӕ маст ссӕудзӕн, ӕмӕ уӕд ассириӕгты Мӕ азары амӕттаг бакӕндзынӕн».

Исайа 10:3

Тӕрхоны бон куы ралӕууа, дардӕй уӕм фыдбылыз куы фӕзына, уӕд чердӕм цы кӕндзыстут, ӕххуысагур кӕмӕ лидздзыстут? Кӕм бафснайдзыстут уӕ бирӕ исбон?

Исайа 13:9

Дунедарӕджы азары бон ӕрӕввахс — судзгӕ мастӕй йедзаг! Уыцы бон бабын уыдзӕни зӕхх, тӕригъӕдджынтӕ фесӕфдзысты зӕххы цъарӕй.

Исайа 14:23

Вавилон фестын кӕндзынӕн уызынты бӕстӕ ӕмӕ цъымара, рамӕрздзынӕн ӕй куынӕггӕнӕг уисойӕ», — зӕгъы Уӕларвӕфсады Бардарӕг.

Исайа 14:31

Сахары кулдуар, дзыназ! Нырдиаг кӕн ды дӕр, сахар! Фыр тӕссӕй ризут, филистимӕгтӕ, уымӕн ӕмӕ цӕгатӕрдыгӕй ӕрбаввахс сты фӕздӕджы къуыбылӕйттӕ — уый ӕрбацӕуы ӕфсад, бырсынц ӕмдых-ӕмзондӕй.

Исайа 2:12

Иу бон Уӕларвӕфсады Бардарӕг стӕрхон кӕндзӕни ӕнӕввӕрсон, схъӕл ӕмӕ сӕрхызтӕн — ӕрныллӕг сӕ кӕндзӕни.

Исайа 23:1

Рагуац Тиры тыххӕй. Кӕут, дзыназут, Таршишы наутӕ! Наулӕууӕн сахар ныппырх ис — иу бӕстыхай дӕр дзы нал баззад! Наутӕрджытӕ уыцы хабар фехъуыстой, Киттимӕй сӕхимӕ куы ’рбаздӕхтысты, уӕд.

Исайа 34:2

Дунедарӕджы маст ссыгъд ӕппӕт адӕмтӕм, ӕппӕт дзыллӕтӕм. Йӕ азары амӕттаг сӕ бакодта, мӕлӕты тӕрхон сын рахаста.

Исайа 34:8

Уый уыдзӕни Дунедарӕджы мастисӕн бон, Сионы фыдгултӕн се сӕфты заман.

Исайа 47:11

Фӕлӕ фыдбылызы амӕттаг бауыдзынӕ. Зонгӕ дӕр ӕй нӕ бакӕндзынӕ, кӕцӕй дӕм фӕзындзӕн, уый. Дӕ фӕсонӕрхӕджы дӕр нӕй, ахӕм бӕллӕх дыл ӕрцӕудзӕн ӕнӕнхъӕлӕджы.

Исайа 52:5

Ӕмӕ Мын цы кӕнгӕ у ныр? Мӕ адӕмы Мын акодтой лӕвар, сӕ хицӕуттӕ дзыназынц, — зӕгъы Дунедарӕг, — ӕмӕ Мын ӕппынӕдзух, ӕрвылбон фауынц Мӕ ном.

Исайа 61:2

Рарвыста мӕ, Дунедарӕгӕн Йӕ хорзӕхы аз кӕй ралӕууыд ӕмӕ Йӕ адӕмы маст фыдгултӕй кӕй райсдзӕн, уый фехъусын кӕнынмӕ. Рарвыста мӕ хъынцъымгӕнджыты зӕрдӕ фӕфидар кӕнынмӕ,

Исайа 63:4

Ӕрцыди Мӕ адӕмы ссӕрибар кӕныны ӕмӕ сын сӕ фыдгултӕй сӕ маст райсыны заман.

Исайа 65:14

Мӕ цагъартӕ цинӕй райдзысты, зардзысты сӕ зӕрдӕйы дзӕбӕхӕн, сымах та хъыгзӕрдӕйӕ ӕрдиаг кӕндзыстут, дзыназдзыстут ныфссастӕй.

Йеремиа 25:34

Фыййӕуттӕ, кӕут ӕмӕ дзыназут! Рӕгъауы фӕтӕгтӕ, уӕхиуыл рыг ӕркалут, уымӕн ӕмӕ уе ’ргӕвдыны рӕстӕг ӕрхӕццӕ; ныххӕлиу уӕ кӕндзысты, ӕмӕ зынаргъ мигӕнӕнау ныппырх уыдзыстут.

Йеремиа 49:3

Ку, Хешбон, — хӕлӕттаг фӕци Гайы сахар! Раввайы чызджытӕ, кӕут ӕмӕ дзыназут! Уӕ уӕлӕ сӕхъис скӕнут ӕмӕ систы рӕзты хъеллау кӕнут, уымӕн ӕмӕ Милком ӕд сауджынтӕ ӕмӕ ӕд уӕздӕттӕ уацары ацӕудзӕн.

Йеремиа 51:8

Фӕлӕ Вавилон ӕвиппайды ӕрхауд ӕмӕ ныззыгуым ис. Дзыназут ыл! Йӕ хъӕдгӕмттӕн ын ӕвдадзы хос ӕрбахӕссут, чи зоны, ӕмӕ сдзӕбӕх уа».

Езекиел 13:5

Сымах, сахары быру кӕм ракӕлы, уыцы рӕттӕм нӕ цыдыстут ӕмӕ сӕ нӕ амадтат, цӕмӕй Дунедарӕджы тӕрхоны Бон, тохы бон, фидар лӕууа Израилы адӕмы хъахъхъӕнӕн быру.

Езекиел 21:12

Адӕймаджы фырт! Хъӕр кӕн ӕмӕ дзыназ, уымӕн ӕмӕ уыцы кард райстӕуыдзӕни Мӕ адӕмы ныхмӕ, уыимӕ Израилы ӕппӕт фӕтӕгты ныхмӕ. Уыдон карды амӕттаг бауыдзысты Мӕ адӕмимӕ. Дӕ уӕрджытӕ ныххой уӕдӕ!

Даниил 5:26

Уыцы дзырдтӕн сӕ мидис ахӕм у: МЕНЕ — „Хуыцау дын дӕ паддзахдзинадӕн кӕрон скодта“.

Даниил 5:9

Уӕд паддзах Балтасар ноджы тынгдӕр фӕтарст, хуызы цъыртт дзы нал баззад, ӕмӕ йе ’лдӕрттӕ скатай сты.

Иоел 1:11

Къӕмдзӕстыгӕй лӕуут, зӕхкусджытӕ, ныддодой кӕнут, сӕндондартӕ, мӕнӕу ӕмӕ хъӕбӕрхорыл ныккӕут, уымӕн ӕмӕ быдырты бӕркад фесӕфтис.

Иоел 1:13

Сауджынтӕ, уӕ уӕлӕ сӕхъис скӕнут ӕмӕ дзыназут! Додой кӕнут, нывондхӕссӕны лӕггадгӕнджытӕ! Ӕрбацӕут, мӕ Хуыцауы лӕггадгӕнджытӕ, сӕхъисты арвитут уе ’хсӕв! Уымӕн ӕмӕ уӕ Хуыцауы хӕдзармӕ сӕн ӕмӕ хойраджы хуынтӕ нал хӕссынц!

Иоел 1:15

О, уыцы бон! Ӕрхӕццӕ кӕны Дунедарӕджы Бон, Ӕппӕтхъомысы гӕныстонау ӕрцӕудзӕн.

Иоел 1:5

Райхъал ут, расыггӕнджытӕ! Сӕн уарзджытӕ, кӕут ӕмӕ дзыназут, уымӕн ӕмӕ сӕны хъӕстӕ нал фӕуыдзыстут.

Иоел 2:1

Сионы хохыл сыкъауадындзтӕй ныууасут! Фӕдисхъӕр райхъуысӕд Мӕ уаз хохӕй! Зӕххон цӕрджытӕ се ’ппӕт дӕр нырризӕнт, уымӕн ӕмӕ ӕрхӕццӕ кӕны, ӕрбахӕстӕг ис Дунедарӕджы Бон.

Иоел 2:11

Дунедарӕгӕн Йе ’фсады раз райхъуысдзӕни Йӕ хъӕлӕс. Ӕнӕнымӕц, тыхджын сты Йӕ фӕндон ӕххӕстгӕнджытӕ, хъусынц Ын Йӕ ныхасмӕ. Ӕвирхъау ӕмӕ тынг тӕссаг у Дунедарӕджы бон! Чи бафӕраздзӕн?

Иоел 2:31

Хур баталынг уыдзӕн, мӕй туджы хуызӕн суыдзӕн Дунедарӕджы стыр ӕмӕ ӕвирхъау Боны размӕ.

Амос 5:18

Додойаг сты, Дунедарӕджы тӕрхоны бонмӕ чи бӕллы, уыдон! Цӕмӕн уӕ хъӕуы уыцы бон? Уый рухс нӕ, фӕлӕ талынг у.

Софониа 1:14

Дунедарӕджы тӕрхоны бон ӕрӕввахс! Ралӕудзӕни тагъд! Ныридӕгӕн йӕ уынӕр хъуысы! Уыцы бон куы ралӕууа, уӕд суанг хъӕбатыр хӕстонтӕ дӕр ныдздзыназдзысты!

Софониа 1:7

Ныхъхъус ут Дунедарӕг Хуыцауы раз! Дунедарӕгӕн Йӕ тӕрхоны бон ӕрӕввахс. Йӕ нывонд дӕр ӕрцӕттӕ кодта, ныридӕгӕн фӕхуыдта уазджыты.

Захариа 14:1

Мӕнӕ ӕрхӕццӕ кӕны Дунедарӕджы Бон, тыхгӕнӕг дӕ ӕфтиагӕн цы байста, уыдон дын де ’хсӕн куы уардзысты, уыцы бон.

Малахиа 4:5

Мӕнӕ уӕм ӕз Дунедарӕджы стыр ӕмӕ тӕссаг боны размӕ арвитдзынӕн пехуымпар Илийайы.

Йаков 5:1

Байхъусут сымах, бонджынтӕ. Кӕут ӕмӕ дзыназут, цы бӕллӕхтӕ уӕ ӕрӕййафынц, уыдоны тыххӕй.

Ӕргомад 18:10

Йӕ хъизӕмӕрттӕм кӕсгӕйӕ, стыр тасы бацӕудзысты ӕмӕ дзурдзысты: «Додойаг фӕдӕ, додойаг, стыр сахар, Вавилоны тыхджын сахар! Уымӕн ӕмӕ иунӕг сахатмӕ ӕрцыди дӕ азар!»