Ионӕ 2:4 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁴ Сӕрсӕфӕнмӕ, денджызы арфмӕ мӕ нывзылдтай, мӕ алыварс дон фестади, Дӕ дӕттӕ ӕмӕ Дӕ уылӕнтӕ ивылдысты мӕ сӕрты.

Ионӕ 2:4 Iomraidhean Croise

3 Паддзахӕдтӕ 8:42

уымӕн ӕмӕ Дын фехъуыста Дӕ цытджын ном ӕмӕ Де стыр хъомысы кой — ӕмӕ Дӕм, Дӕ Кувӕндонмӕ йе ’ргом саразгӕйӕ, куы скува,

3 Паддзахӕдтӕ 8:48

Гъемӕ сӕ уацары чи акодта, уыцы фыдгулты зӕххыл Дын сӕ уд, сӕ зӕрдӕ куы снывонд кӕной, се ’ргом куы саразой, кӕддӕр сын сӕ фыдӕлтӕн цы зӕхх саккаг кодтай, Дӕхицӕн цы сахар равзӕрстай ӕмӕ ӕз Дӕ номыл цы Кувӕндон сарӕзтон, уыдонмӕ,

3 Паддзахӕдтӕ 9:7

уӕд Израилы адӕмы рамӕрздзынӕн, цы зӕхх сын радтон, уымӕй, Мӕхи атигъ кӕндзынӕн, Мӕ номы сӕраппонд цы Кувӕндон срухс кодтон, ууыл дӕр, ӕмӕ Израилы адӕмыл худдзысты ӕмӕ сын фидис кӕндзысты ӕппӕт адӕмтӕ дӕр.

2 Азфыстытӕ 6:38

уацары сӕ кӕдӕм акодтой, уыцы зӕххыл Дӕм се ’ргом зӕрдиагӕй куы раздахой ӕмӕ Дӕм куы кувой, кӕддӕр сын сӕ фыдӕлтӕн цы зӕхх раттай, цы сахар равзӕрстай ӕмӕ ӕз Дӕ номыл цы Кувӕндон сарӕзтон, уыдонмӕ се ’ргом куы саразой,

Псаломтӕ 5:7

Фӕлитойты бабын кӕндзынӕ Ды, марӕг ӕмӕ мӕнгардыл Дунедарӕг ӕлгъ кӕны.

Псаломтӕ 88:6

Дунедарӕг! Уӕлӕрвтӕ стауынц Дӕ диссӕгтӕ, Дӕ иузӕрдиондзинад стауынц сыгъдӕджытӕ.

Псаломтӕ 88:7

Дунедарӕгимӕ кӕй абарӕн ис уӕлӕрвты? Хуыцауы фыртты ’хсӕн Дунедарӕджы хуызӕн чи у?

Исайа 38:17

Мӕ хъизӕмар мын хорзӕрдӕм фӕци. Ингӕны къӕсӕрӕй мӕ раздӕхтай, мӕ тӕригъӕдтӕ мын Дӕ фӕсчъылдыммӕ фехстай дард.

Исайа 49:14

Ныр Сионы сахары адӕм та дзырдтой, Дунедарӕг нӕ ныууагъта, Нӕ Хуыцауӕй ферох стӕм, зӕгъгӕ.

Йеремиа 15:1

Дунедарӕг мын загъта: «Мӕ разы суанг Моисей ӕмӕ Самуел куы ӕрлӕууыдаиккой, уӕд дӕр Ӕз ацы адӕмӕн нӕ фӕтӕригъӕд кодтаин. Фесаф сӕ Мӕ цурӕй, цӕугӕ кӕнӕнт!

Йеремиа 7:15

Ме ’ргом уӕ аздахдзынӕн, уе ’фсымӕрты, Ефремы байзӕддӕгты, Мӕхицӕй куыд аппӕрстон, афтӕ.

Хъарӕг 3:54

Цӕугӕдӕттӕ мӕ сӕрмӕ схӕццӕ сты, ныцъцъӕхахст кодтон: «Уӕ, ӕрцыди ме сӕфт!»

Езекиел 37:11

Дунедарӕг мын загъта: «Адӕймаджы фырт! Ацы стджытӕ сты Израилы ӕппӕт адӕм. Уыдон дзурынц, зӕгъгӕ, бахус сты не стджытӕ, асасти нӕ ныфс, не сӕфт ӕрцыд».

Даниил 6:10

Кӕд Даниил паддзахы бардзырд зыдта, уӕддӕр-иу йӕ хӕдзары уӕллаг уатмӕ ссыди; йӕ уаты рудзгуытӕ арӕзт уыдысты Йерусалимы ’рдӕм. Бон ӕртӕ хатты-иу йӕ зонгуытыл ӕрлӕууыд ӕмӕ раздӕрау куывта ӕмӕ арфӕ кодта йӕ Хуыцауӕн.

Ионӕ 2:7

Хӕхтӕн сӕ бындурмӕ ныххӕццӕ дӕн, зӕхх мыл йе ’вдузӕнтӕ сӕхгӕдта мыггагмӕ, фӕлӕ мын Ды, Дунедарӕг, мӕ Хуыцау, мӕ уд ракӕндзынӕ зындонӕй.