Иоанн 21:20 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²⁰ Петр фӕстӕмӕ фӕкасти ӕмӕ Йесойы уарзон ахуыргӕнинаджы федта сӕ фӕдыл цӕугӕ. Уый уыди уыцы ахуыргӕнинаг, ӕхсӕвӕры рӕстӕг Йесомӕ йӕхи чи бакъул кодта ӕмӕ Йӕ афтӕ чи бафарста: «Хицау, гадзрахатӕй Дыл чи рацӕудзӕн?»

Иоанн 21:20 Iomraidhean Croise

Матфей 26:46

Сыстут ӕмӕ ацӕуӕм. Мӕнӕ Мӕ уӕйгӕнӕг ӕрбаввахс ис».

Иоанн 20:2

Уыйадыл азгъордта, бацыди Симон Петрмӕ, стӕй Йесойы уарзон ахуыргӕнинагмӕ ӕмӕ сын загъта: «Хицауы ахастой зӕппадзӕй, ӕмӕ Йӕ кӕм бавӕрдтой, уый нӕ зонӕм».

Иоанн 21:21

Петр ӕй куы федта, уӕд Йесойы бафарста: «Хицау, ӕмӕ уый та цы фӕуыдзӕн?»

Иоанн 21:24

Уыцы ахуыргӕнинаг ӕвдисӕн у ӕппӕт уыдӕттӕн, ӕмӕ сӕ фысгӕ дӕр уый ныккодта. Ӕмӕ мах зонӕм, йӕ ныхас ӕцӕг кӕй у, уый.

Иоанн 21:7

Йесойы уарзон ахуыргӕнинаг загъта Петрӕн: «Ай Бардарӕг у». Симон Петр, Бардарӕг у, зӕгъгӕ, куы фехъуыста, уӕд йӕ пӕлӕз ронӕй ӕрбалвӕста (ӕндӕр ыл ницы уыд) ӕмӕ йӕхи денджызмӕ фехста.