Иоанн 18:1 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Йесо куы скуывта, уӕд Йӕ ахуыргӕнинӕгтимӕ араст сты Кедроны тӕрфы иннӕ фарсмӕ, ӕмӕ уым дыргъдонмӕ бацыдысты.

Иоанн 18:1 Iomraidhean Croise

Райдиан 2:15

Дунедарӕг Хуыцау Адамы ӕрцӕрын кодта Едемы дыргъдоны, цӕмӕй дзы змӕла, зила йӕм.

Райдиан 3:23

Ӕмӕ Дунедарӕг Хуыцау рарвыста Адамы Едемы дыргъдонӕй, цы зӕххӕй ист ӕрцыди, ууыл кусынмӕ.

2 Паддзахӕдтӕ 15:23

Ӕгас бӕстӕ хъӕлӕсыдзагӕй куыдта, паддзахы адӕм куы фӕцӕйцыдысты, уӕд. Паддзах лӕууыди Кедроны тӕрфы, йе ’ппӕт ӕфсад йӕ рӕзты ӕдзӕрӕг быдырмӕ фӕндагыл куы ивгъуыдтой, уӕд.

3 Паддзахӕдтӕ 15:13

Суанг ма йӕ фыдымад Маахайӕн дӕр айста йӕ ус-паддзахы кады ном, Ашерӕйы ӕлгъаг гуымиры кӕй саразын кодта, уый тыххӕй. Аса бардзырд радта, цӕмӕй уыцы гуымирыйы акъуырой ӕмӕ йӕ Кедроны тӕрфы басудзой.

3 Паддзахӕдтӕ 2:37

Искуы искӕцырдӕм рабалц кодтай, намӕ Кедроны тӕрфыл бахызтӕ, зӕгъгӕ, уӕд дӕ гуырӕй райгӕ у, уымӕн ӕмӕ тӕккӕ уыцы бон дӕ мӕлӕт ӕрцыд».

4 Паддзахӕдтӕ 23:12

Иудейаг паддзӕхтӕ Ахазы галуаны уӕлхӕдзар цы нывондхӕссӕнтӕ скодтой, Менассиа та — Дунедарӕджы Кувӕндоны дыууӕ кӕрты, уыдон дӕр ныппырх кӕнын кодта ӕмӕ сын сӕ бырон Кедроны тӕрфы ныккалын кодта.

4 Паддзахӕдтӕ 23:4

Уӕд паддзах бафӕдзӕхста алчер Хилкиайӕн ӕмӕ Дунедарӕджы Кувӕндоны къӕсӕры раз хъалагъур хӕссӕг сауджынтӕн, цӕмӕй Кувӕндонӕй ӕддӕмӕ рахӕссой, Баалӕн, Ашерӕйӕн ӕмӕ стъалытӕн цы дзауматӕ арӕзт ӕрцыд, уыдон. Йерусалимӕй сӕ фӕссахармӕ рахӕссын кодта ӕмӕ сӕ уым Кедроны тӕрфы басудзын кодта. Уый фӕстӕ сын се ’ртхутӕг Вефилмӕ ахӕссын кодта.

4 Паддзахӕдтӕ 23:6

Ашерӕйы цӕджындз Дунедарӕджы Кувӕндонӕй Йерусалимы фӕссахармӕ Кедроны тӕрфмӕ рахӕссын кодта ӕмӕ йӕ уым басудзын кодта. Йе ’взалытӕ йын бассын кодта, ӕмӕ ӕртхутӕг хуымӕтӕг адӕмы уӕлмӕрдты акалдтой.

2 Азфыстытӕ 15:16

Аса йӕ фыды мад Маахайӕн йӕ паддзахы кад айста, Ашерӕйы кадӕн цы ӕлгъаг цӕджындз саразын кодта, уый тыххӕй. Цӕджындз акъуырдта, ныззыгуым ӕй кодта ӕмӕ йӕ Кедроны дӕлвӕзы басыгъта.

2 Азфыстытӕ 29:16

Сауджынтӕ Кувӕндонмӕ бацыдысты ӕмӕ дзы ӕнӕсыгъдӕгӕй цыдӕриддӕр ссардтой, уыдон кӕртмӕ рахастой. Уырдыгӕй та сӕ левиттӕ ахастой Кедроны тӕрфмӕ.

2 Азфыстытӕ 30:14

Йерусалимы ӕцӕгӕлон хуыцӕуттӕн цы нывондхӕссӕнтӕ уыди, уыдон иууылдӕр, стӕй будсудзӕн нывондхӕссӕнтӕ ныппырх кодтой ӕмӕ сӕ Кедроны тӕрфмӕ ныппӕрстой.

Неемиа 2:15

Раздӕхтӕн Кедроны дӕлвӕзыл талынджы, сисмӕ фӕкӕстытӕ кодтон ӕмӕ Дӕлвӕзы кулдуарыл фӕстӕмӕ ӕрбацыдтӕн.

Йеремиа 31:40

Абон мӕрдтӕ ӕмӕ фӕнычы бын чи фӕци, уыцы дӕлвӕз, Кедроны цӕугӕдон ӕмӕ, скӕсӕны чи ис, уыцы Бӕхы кулдуары онг цы быдыртӕ ’ххӕссынц, уыдон иууылдӕр Дунедарӕджы уаз зӕххы хай суыдзысты, никуыуал сӕ ничи ныппырх кӕндзӕн ӕмӕ фесафдзӕн».

Левит 2:6

Дзул асӕстытӕ кӕн ӕмӕ йыл оливӕйы сой ауадз. Уый дын — хойраджы хуын.

Матфей 26:30

Стӕй азарыдысты арфӕйы зарджытӕ ӕмӕ ацыдысты Елеоны хохмӕ.

Матфей 26:36

Уый фӕстӕ Йесо Йӕ ахуыргӕнинӕгтимӕ ӕрцыди, Гефсимани, зӕгъгӕ, уыцы бынатмӕ, ӕмӕ сын загъта: «Сымах уал ам абадут, Ӕз та уал иуварс ацӕуон ӕмӕ бакувон».

Марк 14:26

Уый фӕстӕ азарыдысты арфӕйы зарӕг ӕмӕ Елеоны хохмӕ ацыдысты.

Марк 14:32

Уӕд ӕрцыдысты, Гефсимани кӕй хонынц, уыцы бынатмӕ. Йесо Йӕ ахуыргӕнинӕгтӕн загъта: «Цалынмӕ кувон, уӕдмӕ уал ам абадут».

Марк 14:42

Сыстут ӕмӕ цӕуӕм! Уӕртӕ Мӕ уӕйгӕнӕг ӕрбаввахс ис».

Иоанн 14:31

фӕлӕ, Ӕз Фыды кӕй уарзын ӕмӕ Мын Фыд куыд бафӕдзӕхста, афтӕ кӕй кӕнын, уый дуне хъуамӕ базона. Ныр сыстут, ӕмӕ ардыгӕй ацӕуӕм.

Иоанн 18:26

Алчеры цагъартӕй иу, — Петр йӕ хъус кӕмӕн ахауын кодта, уымӕн йӕ хӕстӕг, — Петрӕн загъта: «Дыргъдоны Йемӕ дӕу нӕ федтон, ӕви?»

Апостолты хъуыддӕгтӕ 21:11

Уый нӕм бацыд, райста Павелы рон, сбаста дзы йӕ къухтӕ ӕмӕ йӕ къӕхтӕ, стӕй загъта: «Афтӕ зӕгъы Сыгъдӕг Уд: ацы рон кӕй у, уыцы лӕджы иудейӕгтӕ Йерусалимы мӕнӕ афтӕ сбӕтдзысты ӕмӕ йӕ ратдзысты муртаттӕгты къухтӕм».