Йеремиа 48:33 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³³ «Моавӕн йӕ дидинӕгкалӕг зӕхх ӕнӕхай фӕци цин ӕмӕ хъӕлдзӕгдзинадӕй. Ӕз сӕндуцӕнты сӕн нал ныууагътон, ӕмӕ уым, цины хъӕр кӕнгӕйӕ, ничиуал дуцы сӕн. Хъӕр райхъуысы, фӕлӕ уый цины хъӕр нӕу.

Йеремиа 48:33 Iomraidhean Croise

Исайа 5:10

Галты цӕд иу бонмӕ кӕй бахуым кӕнид, ахӕм сӕндон иу батӕй фылдӕр сӕн нӕ ратдзӕни, хоры хомер — ефӕйӕ фылдӕр тыллӕг».

Исайа 7:23

Фӕлӕ мингай сӕнӕфсиры талатӕ цы бынӕтты рӕзыд — алы тала дӕр — ӕвзисты къӕртты аргъ — уым уыцы заман ӕрзайдзӕни какон сындзытӕ ӕмӕ бӕхгӕрдӕг.

Исайа 9:3

О Хуыцау, Ды сбирӕ кӕндзынӕ ацы адӕмы, стыр цин сын бауадздзынӕ сӕ зӕрдӕты. Уыдон цин кӕндзысты Дӕ разы, цыма зӕххӕй бӕркадджын тыллӕг исынц кӕнӕ ӕфтиаг уарынц, уыйау.

Иоел 1:16

Нӕхи цӕстӕй йӕ уынӕм, сыдӕй кӕй мӕлӕм ӕмӕ нӕ Хуыцауы хӕдзарӕй цин ӕмӕ бӕрӕгбоны уынӕр кӕй нал цӕуы, уый?

Иоел 1:5

Райхъал ут, расыггӕнджытӕ! Сӕн уарзджытӕ, кӕут ӕмӕ дзыназут, уымӕн ӕмӕ сӕны хъӕстӕ нал фӕуыдзыстут.

Амос 5:17

Алы сӕндонӕй дӕр хъуысдзӕн кӕуын, уымӕн ӕмӕ Ӕз уе ’хсӕнты ацӕудзынӕн, — зӕгъы Дунедарӕг.

Аггей 2:16

уӕд уӕ хъуыддӕгтӕ куыд цыдысты? Ссӕдз бӕрцуаты кӕм уыди, уыцы кӕримӕ-иу куы бацыдыстут, уӕд-иу дзы разынди дӕс; сӕндуцӕнмӕ-иу куы бацыдыстут, дӕс ӕмӕ дыууиссӕдз бӕрцуаты сӕн сӕвгӕнон, зӕгъгӕ, уӕд-иу дзы разынди ссӕдз.