Йеремиа 38:10 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁰ Паддзах эфиопаг Еведмелехӕн бардзырд радта: «Демӕ дӕс ӕмӕ ссӕдз лӕджы акӕн, ӕмӕ пехуымпар Йеремиайы цъайӕ сисут, цалынмӕ нӕ амарди, уӕдмӕ.

Йеремиа 38:10 Iomraidhean Croise

Естер 5:2

Естер-ӕхсины кӕрты лӕугӕ куы ауыдта, уӕд ӕм кӕсгӕйӕ аззади. Йӕ къухы цы зӕрин лӕдзӕг уыди, уымӕй йын ацамыдта. Естер хӕстӕг бацыди ӕмӕ лӕдзӕджы хъуымбылӕгыл бандзӕвыди къухӕй.

Естер 8:7

Ӕмӕ загъта паддзах Ксеркс ӕхсин-паддзах Естер ӕмӕ иудейаг Мардохейӕн: «Ӕз Аманы исбон радтон Естерӕн, йӕхи та йын цӕджындзыл сауыгътой, иудейӕгты кӕй цӕгъдын кодта, уый тыххӕй.

Псаломтӕ 75:10

Ды, Хуыцау, тӕрхон кӕнын куы райдыдтай ӕмӕ ӕфхӕрд адӕмы сӕрыл куы рахӕцыдтӕ, уӕд.

Ӕмбисӕндтӕ 21:1

Паддзахы зӕрдӕ Дунедарӕджы къухы ис, цӕугӕдонау ӕй, кӕцырдӕм Ӕй фӕнды, уырдӕм здахы.

Йеремиа 38:11

Еведмелех йемӕ адӕмы акодта ӕмӕ бацыди паддзахы галуанмӕ, дзаумӕтты къӕбицмӕ. Уырдыгӕй зӕронд хӕцъилтӕ ӕмӕ бызгъуыртӕ райста ӕмӕ сӕ бӕндӕнтыл Йеремиамӕ цъаймӕ ӕруагъта».

Йеремиа 38:7

Паддзахы галуаны барджынтӕй иу уыди эфиопаг, йӕ ном — Еведмелех. Уый, Йеремиайы цъайы кӕй ныппӕрстой, уыцы хабар фехъуыста. Уыцы рӕстӕг паддзах бадти Бениамины кулдуары раз.

Йеремиа 38:9

«Мӕ хицау ӕмӕ мӕ паддзах! Ацы адӕм пехуымпар Йеремиайӕн цы бакодтой, уый стыр фыдракӕнд у! Цъайы йӕ ныппӕрстой, ӕмӕ уым сыдӕй амӕлдзӕн, уымӕн ӕмӕ сахары дзул нал ис».