Йеремиа 32:7 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁷ дӕ фыды ’фсымӕр, Шаллумы фырт Ханамел дӕм ӕрбацӕудзӕн ӕмӕ дын зӕгъдзӕн: „Анатоты сахары раз мын цы зӕххы хай ис, уый балхӕн, мӕ хӕстӕджытӕй мын дӕуӕй ӕввахсдӕр ничи у, ӕмӕ йын цъындыаргъ хъуамӕ ды бафидай“».

Йеремиа 32:7 Iomraidhean Croise

3 Паддзахӕдтӕ 14:5

Ныр Дунедарӕг та Ахийайӕн рагацау загъта: «Ныртӕккӕ дӕм ӕрбацӕудзӕн Йоровамы ус ӕмӕ дӕ бафӕрсдзӕн йӕ рынчын лӕппуйы тыххӕй, ӕцӕг йӕхи афтӕ дардзӕн, цыма дын ӕнӕзонгӕ у». Дунедарӕг Ахийайӕн бацамыдта, сылгоймагӕн цы хъуамӕ зӕгъа, уый.

Йеремиа 1:1

Ацы чиныджы фыст ӕрцыдысты Хилкиайы фырт Йеремиайы ныхӕстӕ. Уый уыдис Анатоты сауджынтӕй, Бениамины зӕххӕй.

Йеремиа 11:21

Уымӕ гӕсгӕ афтӕ зӕгъы Дунедарӕг Анатоты цӕрджыты тыххӕй, дӕ мӕлӕтмӕ дын чи бӕллы ӕмӕ дын афтӕ чи дзуры: «Дунедарӕджы номӕй пехуымпариуӕг ма кӕн, науӕд дӕ амардзыстӕм».

Йеремиа 32:6

Йеремиа дзуапп радта: «Дунедарӕг мын фехъусын кодта Йӕ ныхас:

Йеремиа 32:8

Ӕмӕ мӕнӕ, Дунедарӕг куыд загъта, афтӕ мӕм мӕ фыды ’фсымӕры фырт Ханамел хъахъхъӕнджыты кӕртмӕ ӕрбацыд ӕмӕ загъта: «Бениамины зӕххыл мын, Анатоты сахары цур, зӕххы хай ис, ӕмӕ йӕ балхӕн, уымӕн ӕмӕ уыцы зӕхх дӕу хъуамӕ уа, йӕ цъындыаргъ дӕуӕн фидгӕ у, балхӕн ӕй». Уӕд ӕз бамбӕрстон, Дунедарӕджы ныхас кӕй сӕххӕст ис, уый.

Левит 25:23

Зӕхх мыггагмӕ ауӕй кӕнӕн нӕй, уымӕн ӕмӕ уый Мӕн у, сымах та стут, Мӕ зӕххыл чи ӕрцард, ахӕм ӕрцӕуӕггӕгтӕ.

Левит 25:24

Зӕхх куы ӕлхӕнат, уӕд хъуамӕ бар раттат фӕстӕмӕ йӕ балхӕнынӕн.

Левит 25:25

Де ’фсымӕр, израилаг, куы смӕгуыр уа ӕмӕ йӕ зӕххы хай куы ауӕй кӕна, уӕд-иу йӕ хӕстӕгдӕр къабӕзтӕй исчи ӕрбацӕуӕд ӕмӕ йын йӕ зӕхх фӕстӕмӕ балхӕнӕд.

Левит 25:34

Сӕ сахарты раз цы сӕрвӕттӕ ис, уыдонӕн та уӕйгӕнӕн нӕй, уымӕн ӕмӕ мыггагмӕ сӕ исбон сты.

Левит 25:49

йӕ фыды ’фсымӕр, йӕ фыды ’фсымӕры фырт кӕнӕ та ӕндӕр хион — тугхӕстӕг ын чи ӕййафы, ахӕмӕн. Кӕд йӕхицӕн йӕ къух амона, уӕд та-иу йӕхӕдӕг йӕхи балхӕнӕд фӕстӕмӕ.

Нымӕцтӕ 35:2

«Зӕгъ израилӕгтӕн, цӕмӕй сӕ исбоны хӕйттӕй левиттӕн сахартӕ раттой цӕрынӕн, ӕмӕ сын уыцы сахарты алфамбылай быдыртӕ дӕр раттут.