Йеремиа 23:33 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³³ Адӕмӕй, пехуымпартӕй кӕнӕ сауджынтӕй дӕ исчи куы фӕрса, Дунедарӕг цавӕр рагуац рарвыста, зӕгъгӕ, уӕд-иу сын зӕгъ: Дунедарӕг афтӕ зӕгъы: «Уӕхӕдӕг уӕхицӕн рагуацтӕ систут, Ӕз уӕ ныууагътон».

Йеремиа 23:33 Iomraidhean Croise

4 Паддзахӕдтӕ 23:27

Дунедарӕг загъта: «Израилы адӕмау Мӕхи атигъ кӕндзынӕн Иудейы адӕмыл дӕр, Ме ’ргом аздахдзынӕн Ме ’взӕрст сахар Йерусалимӕй ӕмӕ, Мӕ ном дзы цӕрдзӕни, зӕгъгӕ, кӕмӕй загътон, уыцы Кувӕндонӕй».

2 Азфыстытӕ 15:2

ӕмӕ уый Асайы размӕ рацыд ӕмӕ йын загъта: «Аса, стӕй Иудӕ ӕмӕ Бениамины адӕм, ӕрбайхъусут-ма уе ’ппӕт дӕр! Дунедарӕг уыдзӕни уемӕ, цалынмӕ уӕхӕдӕг Йемӕ уат, уӕдмӕ. Куы Йӕ агурат, уӕд уӕм раргом уыдзӕн. Фӕлӕ Йӕ куы ныууадзат, уӕд уыл Уый дӕр Йӕхи атигъ кӕндзӕн.

Исайа 13:1

Рагуац Вавилоны тыххӕй, Амоцы фырт Исайайӕн Дунедарӕг рагагъоммӕ кӕй раргом кодта, уый.

Исайа 14:28

Паддзах Ахазы амарды аз уыдис ахӕм рагуац:

Йеремиа 12:7

Ӕз ныууагътон Мӕ Хӕдзар ӕмӕ Мӕ исбон, ӕппӕтӕй зынаргъдӕр Мын цы у, уый знӕгты къухтӕм радтон.

Йеремиа 17:15

Алчи мын дзуры: «Цӕй, кӕм ис Дунедарӕджы ныхас? Сӕххӕст уӕд!»

Йеремиа 6:30

Хъодыгонд ӕвзист сӕ схондзысты, уымӕн ӕмӕ сӕ Дунедарӕг Йе ’ргом аздӕхта».

Йеремиа 7:15

Ме ’ргом уӕ аздахдзынӕн, уе ’фсымӕрты, Ефремы байзӕддӕгты, Мӕхицӕй куыд аппӕрстон, афтӕ.

Езекиел 12:21

Дунедарӕг мын загъта:

Осиа 9:12

Сабитӕ куы схӕссой, уӕд дӕр сын се ’ппӕты дӕр байсдзынӕн. Додой сӕ къона, Ӕз сыл Мӕхи куы атигъ кӕнон, уӕд!

Наум 1:1

Рагуац Ниневийы тыххӕй. Елкошаг Наумы чиныг — цӕстылуайӕнты йын цы раргом ис, уый.

Аввакум 1:1

Пехуымпар Аввакумы цӕстылуайӕн — рагуац.

Захариа 9:1

Дунедарӕг рагуацы хуызы хъусын кӕны: Уый ӕрцӕрдзӕн Хадрахы бӕстӕйы, стӕй Дамаскы сахары, ӕппӕт адӕм ӕмӕ Израилы хӕдзарвӕндӕгтӕ се ’ппӕт дӕр сӕ цӕстӕнгас Дунедарӕгмӕ сараздзысты;

Малахиа 1:1

Дунедарӕг Малахиайы уылты Израилӕн хъусын кӕны рагуац: