Йеремиа 22:20 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²⁰ Ливаны хӕхтӕм ссу ӕмӕ дзыназ! Башаны хъарӕг кӕн, ныхъхъӕр кӕн Аваримӕй: дӕ цӕдисонтӕ иууылдӕр бабын сты!

Йеремиа 22:20 Iomraidhean Croise

4 Паддзахӕдтӕ 24:7

Уыцы заман Мысыры паддзах нал уӕндыд йӕ паддзахадӕй йӕ сӕр ӕддӕмӕ радарын, уымӕн ӕмӕ йын Евфраты донӕй Мысыры арӕнты онг цыдӕриддӕр зӕххытӕ уыди, уыдон Вавилоны паддзахы къухмӕ бахаудтой.

Исайа 57:13

Дзыназын куы байдайай, уӕд дӕм бакӕсдзыстӕм, кӕддӕра дӕ куыд фервӕзын кӕндзысты дӕ бирӕ гуымирытӕ. Се ’ппӕты дӕр дымгӕмӕ ныддардзысты, Йӕ зӕрдӕ Мӕныл чи дары, уыдоны хай бауыдзӕни зӕхх, Мӕ уаз хох бауыдзӕни сӕ исбон».

Йеремиа 2:25

Дӕхи бахъахъхъӕн — бӕгъӕввадӕй куы аззайай, мыййаг, куы бахус уа дӕ ком! Фӕлӕ ды загътай: «Уыдон сты ӕнӕпайда ныхӕстӕ! Ӕз ӕцӕгӕлӕтты уарзын ӕмӕ сӕм цӕудзынӕн».

Йеремиа 2:36

Ӕппынӕдзух цӕмӕн тындзыс кӕдӕмдӕр, дӕ фӕндӕгтӕ цӕмӕн ивыс? Ассири дӕ сӕгад кодта, Мысыр дӕр дӕ фӕхудинаг кӕндзӕн,

Йеремиа 2:37

дӕ сӕрыл хӕцгӕ, лидздзынӕ Мысырӕй. Дӕ зӕрдӕ кӕуыл дардтай, уыдонӕй Дунедарӕг Йе ’ргом аздӕхта, ӕмӕ семӕ ӕнтыстджын нӕ уыдзынӕ.

Йеремиа 22:22

Дӕ фыййӕутты дын дымгӕ ахӕсдзӕн, дӕ цӕдисонты дын уацары акӕндзысты. Дӕ фыдракӕндты аххосӕй фӕхудинаг уыдзынӕ ӕмӕ ницӕйаджы бынатмӕ ’рхаудзынӕ!

Йеремиа 25:9

уый тыххӕй Ӕз фӕсиддзынӕн цӕгаты ӕппӕт адӕмтӕм, стӕй Мӕ цагъар Навуходоносормӕ, Вавилоны паддзахмӕ, — зӕгъы Дунедарӕг, — ӕмӕ сӕ ацы зӕххы, йӕ цӕрджыты ӕмӕ, сӕ алыварс цы адӕмтӕ цӕры, ӕппӕт уыдоны ныхмӕ схӕцын кӕндзынӕн. Быныскъуыд сӕ фӕкӕндзынӕн, адӕмыл ӕвирхъау тас куыд бафтауой ӕмӕ хынджылӕггаг куыд суой, афтӕ; гӕныстонмӕ ӕрцӕудзысты мыггагмӕ.

Йеремиа 3:1

Лӕг йӕ бинойнаджы куы ауадза ӕмӕ уый ӕндӕрмӕ куы смой кӕна, уӕд ма йӕм йӕ фыццаг лӕг раздӕхдзӕн? Ӕмӕ ахӕм хъуыддаг цы зӕххыл ӕрцӕуа, уый ӕгасӕй дӕр нӕ фӕчъизи уыдзӕн? Дӕуӕн та хӕзгултӕ бирӕ уыди, фӕлӕ Мӕм раздӕх! — зӕгъы Дунедарӕг. —

Йеремиа 4:30

О, удхарӕй кӕй амардтой, уыцы зӕхх! Цы кӕндзынӕ ды та? Дӕхи-иу сӕнт сырх ӕмӕ сыгъзӕрин дарӕстӕй сфӕлыстай, сахуырстай-иу дӕ цӕстытӕ. О, дзӕгъӕлы-иу сфӕлыстай дӕхи! Дӕ хӕзгултӕ дыл ӕлгъ кӕнынц, дӕ мӕлӕтмӕ бӕллынц».

Хъарӕг 1:19

Хӕзгултӕм сидтӕн — сивтой мыл сӕ зӕрдӕтӕ! Уӕ, сӕфынц сахары Мӕ сауджынтӕ, мӕ хистӕртӕ! Къӕбӕргур зилынц — фервӕзой мӕлӕтӕй!

Хъарӕг 1:2

Ӕхсӕвы тары сау цӕссыг куы згъалы, йӕ рагуарзӕттӕй иу куы нӕй йӕ цуры! Гадзрахатӕй йыл рацыдысты ’рдхӕрдтӕ, уӕ, систы йе знӕгтӕ!

Езекиел 23:22

Уымӕ гӕсгӕ, Охолива, афтӕ зӕгъы Дунедарӕг Хуыцау: «Ӕз дыл сардаудзынӕн дӕ хӕзгулты, дӕхи кӕуыл атигъ кодтай, уыдоны. Алырдыгӕй сӕ ӕрбакӕндзынӕн дӕ ныхмӕ хӕцынмӕ:

Езекиел 23:9

Уый тыххӕй йӕ Ӕз радтон, мондаджы уарзтӕй кӕй уарзта, уыдоны, йӕ ассириаг хӕзгулты, къухтӕм.

Езекиел 27:6

башайнаг тулдзӕй дын донфыййӕгтӕ скодтой, тӕрс бӕласӕй дын сарӕзтой дӕ бандӕттӕ, сфӕлыстой дӕ киттимаг пылыстӕгӕй.

Нымӕцтӕ 27:12

Ӕмӕ загъта Дунедарӕг Моисейӕн: «Мӕнӕ Аваримы хохмӕ ссу ӕмӕ, израилӕгтӕн цы зӕхх радтон, уымӕ акӕс.

Фӕлхатгонд ӕгъдау 32:49

«Аваримы хӕхтӕм фӕцу. Моавы, Йерихоны бакомкоммӕ, цы хох ис — Нево, уырдӕм ссу ӕмӕ Ханааныл, израилӕгтӕн кӕй хай кӕнын, уыцы бӕстыл дӕ цӕст ахӕсс.