Йеремиа 17:22 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²² Уӕ хӕдзӕрттӕй дӕр мацы хӕссут сабаты ӕмӕ ӕппындӕр мацы кусут. Уӕ фыдӕлтӕн куыд бафӕдзӕхстон, афтӕ уын сабатбон уӕд уаз.

Йеремиа 17:22 Iomraidhean Croise

Неемиа 13:15

Уыцы бонты ӕз федтон: сабаты Иудейы сӕн дыгътой, куыристӕ ластой ӕмӕ хӕрджытыл сӕн, сӕнӕфсир, легъуи ӕмӕ ӕндӕр уӕргътӕ ӕвӕрдтой. Сабаты ӕппӕт уыдӕттӕ Йерусалиммӕ ластой. Тӕккӕ уыцы бон сын ӕз карзӕй загътон, цӕмӕй сабаты мацы уӕй кӕной.

Рацыд 23:12

Ӕхсӕз боны дӕргъы кӕнут уӕ хъуыддӕгтӕ, ӕвдӕм бон та уын уӕд ӕнцойы бон, цӕмӕй баулӕфой уӕ галтӕ ӕмӕ уӕ хӕрджытӕ дӕр, сӕ фӕллад суадзой уӕ цагъайраг сылгоймӕгты фырттӕ ӕмӕ ӕрцӕуӕггӕгтӕ.

Исайа 58:13

Дунедарӕг зӕгъы: «Сабат Мӕ уаз бон кӕй у, уый уӕ макуы ферох уӕд, ӕмӕ йӕ нымайут. Нымайут ӕй цытджын бӕрӕгбоныл ӕмӕ уӕхиуыл хӕцут, сабатбон мацы хъуыддаг кӕнут. Кад ын скӕндзыстут уымӕй дӕр, стӕй, уыцы бон уӕ алы зӕрдиаг фӕндтӕ куы аиргъӕват, ноджы ма ӕдзӕлгъӕд ныхӕстӕ дӕр куынӕ кӕнат, уӕд.

Йеремиа 17:24

Куы Мӕм байхъусат, — зӕгъы Дунедарӕг, — ӕмӕ сабаты ацы сахары кулдуӕртты уылты куы ницы хӕссат, сабат уын уаз куы уа ӕмӕ уыцы бон ӕппындӕр куы ницы кусат, уӕд, Давиды бадӕны цы паддзӕхтӕ сбадынц, уыдон, уӕздӕттӕ, стӕй Иудей ӕмӕ Йерусалимы иннӕ цӕрджытӕ бӕхтӕ ӕмӕ бӕхуӕрдӕттыл кӕддӕриддӕр ацы сахары кулдуӕртты уылты цӕудзысты, сахар та лӕудзӕни мыггагмӕ.

Езекиел 20:12

Бафӕдзӕхстон сын Мӕ сабаты уагӕвӕрдтӕ ӕххӕст кӕнын, Мӕн ӕмӕ уыдоны ӕхсӕн фидыды нысанӕн. Уадз ӕмӕ зоной, Ӕз Дунедарӕг кӕй дӕн, уыдоны Чи срухс кӕны, Уый.

Езекиел 22:8

Ды Мын Мӕ уаз ӕгъдӕуттӕ ницӕмӕ дарыс, Мӕ сабаты уагӕвӕрдтӕ Мын фӕчъизи кӕныс.

Левит 19:3

Алчидӕр уӕ нымайӕд йӕ мад ӕмӕ йӕ фыды, ӕххӕст Мын кӕнут Мӕ сабаты уагӕвӕрдтӕ. Ӕз Дунедарӕг дӕн, уӕ Хуыцау.

Левит 23:3

Ӕхсӕз боны кусут, ӕвдӕм бон та ӕнцойбон у — сабат, уыцы бон-иу уазӕмбырд скӕнут. Мацы-иу бакусут, кӕмфӕнды куы цӕрат, уӕд дӕр: уый Дунедарӕджы сабат у.

Захариа 1:4

Уӕ фыдӕлты хуызӕн ма ут, раздӕр цы пехуымпартӕ уыди, уыдон-иу сын дзырдтой: „Уӕларвӕфсады Бардарӕг афтӕ зӕгъы: уӕ фыдвӕндӕгтӕ ӕмӕ уӕ фыдбылызы хъуыддӕгтӕ ныууадзут“. Фӕлӕ Мӕм уыдон нӕ хъуыстой.

Лука 23:56

Куы раздӕхтысты, уӕд ӕрцӕттӕ кодтой хӕрздӕфгӕнӕнтӕ. Сабат сын, иудейаг Ӕгъдаумӕ гӕсгӕ, уыди ӕнцойбон.

Лука 6:5

Ноджы ма сын загъта: «Адӕймаджы Фырт сабатӕн йӕ хицау у».

Ӕргомад 1:10

Хуыцаубоны ӕз уыдтӕн Сыгъдӕг Удӕй разӕнгард ӕмӕ фӕстейӕ фехъуыстон нӕргӕ хъӕлӕс, сыкъауадындзы зӕлыны хуызӕн: «[Ӕз дӕн Альфӕ ӕмӕ Омегӕ, Фыццаг ӕмӕ Фӕстаг.]