Фӕтӕгтӕ 21:1 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Израилӕгтӕ Мицпайы куы ӕрӕмбырд сты, уӕд ард бахордтой: «Нӕ чызджыты Бениамины мыггагӕн моймӕ нал ратдзыстӕм».

Фӕтӕгтӕ 21:1 Iomraidhean Croise

Экклесиаст 5:2

Лӕг бирӕ цӕуылдӕрты куы фӕтыхсы, уӕд фынтӕ фӕуыны, афтӕ ӕдылы дӕр йӕ бирӕдзурагӕй бӕрӕг дары.

Йеремиа 40:6

Йеремиа ацыди Мицпамӕ, Ахикамы фырт Гедалиамӕ, ӕмӕ ма адӕмӕй сӕ бӕстӕйы кӕй ныууагътой, уыдоны ’хсӕн царди йӕ разы.

Марк 6:23

Сомы дӕр ма йын ракодта: «Цыдӕриддӕр мӕ ракурай — мӕ паддзахады ӕмбис дӕр дын ратдзынӕн».

Апостолты хъуыддӕгтӕ 23:12

Куы сбон ис, уӕд иудейӕгтӕй иуӕй-иутӕ сусӕгӕй баныхас кодтой ӕмӕ ард бахордтой, цалынмӕ Павелы амарой, уӕдмӕ хӕргӕ дӕр ӕмӕ нуазгӕ дӕр кӕй нӕ бакӕндзысты.

Ромӕгтӕм 10:2

Хуыцауыл ӕнувыд кӕй сты, уымӕн ӕз мӕхӕдӕг дӕн ӕвдисӕн, фӕлӕ сын зонындзинӕдтӕ нӕ фаг кӕны.

Фӕтӕгтӕ 20:1

Израилӕгтӕ, ӕгас дзыллӕ, Данӕй Беер-Шевӕйы онг чидӕриддӕр царди, стӕй Галаады цӕрджытӕ, — иууылдӕр иу лӕджы хуызӕн Мицпайы сахармӕ ӕрбацыдысты ӕмӕ Дунедарӕджы раз ӕрлӕууыдысты.

Фӕтӕгтӕ 20:10

Израилӕгты мыггӕгтӕй алы сӕдӕйӕ дӕр дӕс, минӕй — сӕдӕ, дӕс минӕй мин адӕймаджы равзарӕм, цӕмӕй нын не ’фсады фаг хӕринаг ӕрбахӕссой. Бениамины зӕхмӕ, Гевӕйы сахармӕ, бабырсдзыстӕм ӕмӕ йын йӕ адӕмӕй, Израил ахӕм ӕлгъаг хъуыддагӕй кӕй сӕгад кодтой, уый тыххӕй нӕ маст райсдзыстӕм».

Фӕтӕгтӕ 20:48

Израилӕгтӕ фӕстӕмӕ раздӕхтысты, Бениамины мыггаджы зӕххытӕм бабырстой ӕмӕ адӕмӕй, фосӕй — се ’ппӕты дӕр ныццагътой, хъӕутӕ та иууылдӕр судзгӕ бакодтой.

Фӕтӕгтӕ 20:8

Израилӕгтӕ иууылдӕр, иу лӕджы хуызӕн, загътой: «Мах нӕ аздӕхдзыстӕм нӕ цатыртӕм, нӕ хӕдзӕрттӕм!

Фӕтӕгтӕ 21:18

Нӕ чызджыты сын моймӕ раттын махӕн нӕ бон нӕу, уымӕн ӕмӕ израилӕгтӕ сомы ракодтой, йӕ чызджы Бениамины мыггагӕй искӕмӕн чи радта, уый ӕлгъыст уыдзӕни, зӕгъгӕ».

Фӕтӕгтӕ 21:22

Сӕ ныййарӕг фыдтӕ ӕмӕ нӕм се ’фсымӕртӕ хъаст кӕнынмӕ куы ’рбацӕуой, уӕд сын зӕгъдзыстӕм: „Батӕригъӕд нын кӕнут, ныууадзут нын уӕ чызджыты. Хӕсты рӕстӕг нӕ алкӕмӕн ус ссарын нӕ бантысти. Стӕй кӕд уӕ чызджытӕ сӕ къухы уӕхи фӕндонӕй нӕ бафтыдысты, уӕд тӕригъӕдджын не стут“».

Фӕтӕгтӕ 21:5

Адӕм фарстой кӕрӕдзийы: «Дунедарӕджы раз куы ӕрӕмбырд стӕм, уӕд Израилы хӕдзарвӕндӕгты ’хсӕн, чи не ’рбацыдис, ахӕм разынди?» Афтӕ та уымӕн фарстой, ӕмӕ стыр ард бахордтой, Мицпамӕ Дунедарӕджы раз ӕрлӕууынмӕ чи не ’рбацӕуа, уыдоны удӕгасӕй нӕ ныууадздзыстӕм, зӕгъгӕ.

Фӕтӕгтӕ 21:7

Чи ма дзы аирвӕзт, уыдонӕн устытӕ кӕм ссардзыстӕм? Мах Дунедарӕджы раз сомы куы ракодтам, нӕ чызджыты сын моймӕ нал ратдзыстӕм, зӕгъгӕ!»

1 Паддзахӕдтӕ 14:24

Уыцы бон израилӕгтӕ тынг бастадысты, фӕлӕ Саул басомы кодта: «Ӕлгъыст фӕуӕд, изӕрмӕ къӕбӕры хъӕстӕ чи фӕуа, уый! Хъуамӕ уал раздӕр ме знӕгтӕй мӕ маст райсон». Ӕмӕ адӕмӕй хойраг йӕ дзыхмӕ ничи схаста.