Фӕтӕгтӕ 16:20 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²⁰ Далилӕ та ныхъхъӕр кодта: «Самсон! Филистимӕгтӕ дӕм ӕрбацыдысты!» Самсон фехъал ӕмӕ йӕхинымӕр загъта: «Ницы кӕны, ацы хатт дӕр та аирвӕздзынӕн». Нӕма зыдта, Дунедарӕг ӕй кӕй ныууагъта, уый.

Фӕтӕгтӕ 16:20 Iomraidhean Croise

2 Азфыстытӕ 15:2

ӕмӕ уый Асайы размӕ рацыд ӕмӕ йын загъта: «Аса, стӕй Иудӕ ӕмӕ Бениамины адӕм, ӕрбайхъусут-ма уе ’ппӕт дӕр! Дунедарӕг уыдзӕни уемӕ, цалынмӕ уӕхӕдӕг Йемӕ уат, уӕдмӕ. Куы Йӕ агурат, уӕд уӕм раргом уыдзӕн. Фӕлӕ Йӕ куы ныууадзат, уӕд уыл Уый дӕр Йӕхи атигъ кӕндзӕн.

Исайа 42:24

Стигъджыты ӕмӕ абырджыты амӕттаг чи бакодта Израилы адӕмы, Йаковы байзӕддаджы? Уый Дунедарӕг уыд! — Йӕ разы кодтам тӕригъӕдджын митӕ. Йӕ амынд фӕндӕгтыл нӕ цыдыстӕм, Йе ’гъдау Ын не ’ххӕст кодтам.

Осиа 7:9

Ӕцӕгӕлӕттӕ йын йӕ хъару басастой, уый та йӕ ӕмбаргӕ дӕр нӕ кӕны. Йӕ сӕрыхъуынтӕ сурс сты, уый та йӕ нӕ фиппайы.

Нымӕцтӕ 14:9

Ӕрмӕст Дунедарӕджы ныхмӕ ма змӕнтут! Уымы адӕмӕй та ма тӕрсут — басӕтдзыстӕм сӕ. Уыдонӕн армдарӕг нал ис, махӕн та Дунедарӕг немӕ ис. Ма сӕ тӕрсут!»

Матфей 17:16

Ӕз ӕй ӕркодтон Дӕ ахуыргӕнинӕгтӕм, фӕлӕ йӕ сдзӕбӕх кӕнын сӕ бон нӕ баци».

Матфей 17:20

Йесо сын дзуапп радта: «Уӕ уырнындзинад лӕмӕгъ кӕй у, уый тыххӕй. Ӕцӕг цы у, уый уын зӕгъын: хъыцъыйы нӕмыджы йас уырнындзинад уӕм куы уа ӕмӕ мӕнӕ ацы хохӕн афтӕ куы зӕгъат: „Ардыгӕй уӕртӕ уырдӕм ацу“, уӕд ацӕудзӕн. Ӕмӕ ахӕмӕй ницы уыдзӕни, сымахӕн цы нӕ бантыса.

2 Коринфӕгтӕм 3:5

Уый тыххӕй нӕ, ӕмӕ нӕхӕдӕг истӕмӕн бӕззӕм. Мах афтӕ нӕ нымайӕм, ӕмӕ нӕм нӕхи цавӕрдӕр курдиат ис. Нӕ! Цы нӕм ис, уый Хуыцауӕй лӕвӕрд у.

Фӕлхатгонд ӕгъдау 32:30

Сӕ Хъахъхъӕнӕджы куынӕ бафӕндыдаид, Дунедарӕг сӕ куынӕ раттаид, уӕд ма искуыдӕр афтӕ уыдис, ӕмӕ иу адӕймаг мины йӕ разӕй айса, дыууӕйӕ та дӕс мины лидзӕг фӕкӕной?“

Нуны фырт Йешуа 7:12

Уымӕ гӕсгӕ израилӕгтӕн сӕ бон нӕ баци фыдгулты ныхмӕ фӕлӕууын, ӕмӕ лидзӕг фесты знӕгтӕй. Ныр сӕхӕдӕг дӕр ӕлгъыстаг фесты. Ӕлгъыстаг цы у, уый уе ’хсӕнӕй куынӕ фесафат, уӕд амӕй фӕстӕмӕ Ӕз нал уыдзынӕн уемӕ.

Фӕтӕгтӕ 16:14

Самсон куы бафынӕй, уӕд ын Далилӕ йӕ сӕрыхъуынтӕй авд дзыккуйы ног хъуымацы бабыдта ӕмӕ хъуымац телӕй уафӕн тӕрхыл ныххоста. Уый фӕстӕ Далилӕ ныхъхъӕр кодта: «Самсон! Филистимӕгтӕ дӕм ӕрбацыдысты!» Уый фехъал ӕмӕ тел ӕд хъуымац срӕдывта.

Фӕтӕгтӕ 16:19

Далилӕ Самсоны куы бафынӕй кодта, уӕд йӕ лӕггадгӕнӕгмӕ фӕдзырдта, ӕмӕ йын уый йӕ сӕрӕй авд дзыккуйы ралыг кодта. Самсон фыццаг хатт ӕрлӕмӕгъ ис, йӕ хъару фесӕфти.

Фӕтӕгтӕ 16:21

Филистимӕгтӕ Самсоны ӕрцахстой ӕмӕ йын йӕ цӕстытӕ скъахтой. Газӕйы сахармӕ йӕ акодтой, ӕрхуы хъадамантӕ йыл бакодтой ӕмӕ йӕ мӕнӕу ссыныл бафтыдтой.

Фӕтӕгтӕ 16:3

Самсон та ӕмбисӕхсӕвмӕ фӕфынӕй кодта, стӕй сыстади. Сахары кулдуар йӕ дыууӕ цӕджындзимӕ ӕд ӕвдузӕнтӕ рарӕдывта, йе ’ккоймӕ йӕ систа ӕмӕ йӕ, Хевроны акомкоммӕ цы хох ис, уый сӕрмӕ схаста.

Фӕтӕгтӕ 16:9

Уыдон та ӕрӕмбӕхстысты йӕ уаты. Далилӕ Самсонмӕ дзуры: «Самсон! Филистимӕгтӕ дӕм ӕрбацыдысты!» Самсон нуӕрттӕ, гӕн ӕндахыл арт куыд сирвӕзы, уыйау ӕрбаскъуыдта, ӕмӕ йӕ тыхы сусӕгдзинад нӕ раргом ис.

1 Паддзахӕдтӕ 16:14

Дунедарӕджы Уд ныууагъта Саулы, ӕмӕ йӕ Дунедарӕгӕй ӕрвыст фыдмон удхарӕй мардта.

1 Паддзахӕдтӕ 18:10

Дыккаг бон та Саулыл, йӕхи хӕдзары уыди, афтӕмӕй Хуыцауы ӕрвыст фыдмон тых кӕнын байдыдта, ӕмӕ Саул феррайау ис. Давид ӕй раздӕрау сабыр кодта йӕ цагъдӕй. Саулы къухы уыди арц,

1 Паддзахӕдтӕ 18:12

Саул тарсти Давидӕй, уымӕн ӕмӕ йыл Дунедарӕг аудыдта, Саулы та ныууагъта.