Фӕтӕгтӕ 12:5 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁵ Галаадӕгтӕ Иорданы донуайӕнтӕ бацахстой. Чи аирвӕзт, уыцы ефремонтӕй-иу исчи доны фаллаг фарсмӕ бахизынмӕ куы хъавыд, уӕд-иу ӕй галаадӕгтӕ бафарстой: «Ефремон нӕ дӕ?» Уый-иу дзуапп радта: «Нӕ дӕн».

Фӕтӕгтӕ 12:5 Iomraidhean Croise

3 Паддзахӕдтӕ 11:26

Соломоны лӕггадгӕнджытӕй дӕр иу, Йоровам, зӕгъгӕ, ефремон, паддзахы ныхмӕ сыстади. Йоровам, Наваты фырт, уыди Цередайы сахарӕй, йӕ фыд ӕгас нал уыд ӕмӕ йӕ мад Цериа царди идӕдзӕй.

Нуны фырт Йешуа 2:7

Фӕдисӕттӕ Иорданы ’рдӕм атындзыдтой, донахизӕнты раз балӕууыдысты. Сахарӕй куыд федде сты, афтӕ сахары кулдуар ӕхгӕд ӕрцыд.

Нуны фырт Йешуа 22:11

Ӕмӕ уыцы хабар байхъуыст иннӕ израилӕгтӕм: уыдон базыдтой, Рувим ӕмӕ Гады байзӕддӕгтӕ, стӕй Менассиайы хӕдзарвӕндаджы ӕмбис Ханааны арӕныл, Иорданы раз чи ис, уыцы Гелилоты, израилӕгты ’рдыгӕй, нывондхӕссӕн кӕй сарӕзтой, уый.

Фӕтӕгтӕ 12:4

Йеффай Галаады ӕппӕт цӕрджыты ӕрӕмбырд кодта ӕмӕ Ефремы ныхмӕ схӕцыди. Галаадӕгтӕ ефремонты ныццагътой. Уыдон хъӕр кодтой: «Ефремонтӕ — лидзджытӕ! Галаад Ефрем ӕмӕ Менассиайы астӕу ис!» Уыцы ныхӕстӕм галаадӕгтӕн сӕ маст ссыгъди пиллон артау ӕмӕ ефремонты ӕфсад ныццагътой.

Фӕтӕгтӕ 12:6

Галаадӕгтӕ йын-иу загътой: «Зӕгъ-ма уӕдӕ „шибболет“». Ефремонӕн-иу уыцы дзырд йӕ дзыхы нӕ бадти, ӕмӕ-иу «сибболет» загъта. Уӕд-иу ӕм фӕлӕбурдтой ӕмӕ-иу ӕй Иорданы донуайӕны раз амардтой. Уыцы заман ефремонтӕй амардӕуыд дыууӕ ӕмӕ дыууиссӕдз минмӕ ’ввахс.

Фӕтӕгтӕ 17:7

Иудӕйы хӕдзарвӕндагӕй иу лӕппу, левит, уыцы заман царди иудейаг Вифлеемы ӕмӕ уырдыгӕй ног цӕрӕнбынат агурӕг ацыди. Ӕрбахӕццӕ ис Ефремы хохмӕ, Михайы хӕдзармӕ.

Фӕтӕгтӕ 3:28

Ехуд йӕ адӕмӕн загъта: «Цомут мӕ фӕдыл! Дунедарӕг уын уе знӕгты, моавӕгты, уӕ къухмӕ радта». Израилӕгтӕ Ехуды фӕдыл хӕхтӕй рацыдысты. Иорданы цӕугӕдоны донуайӕнтӕ бацахстой ӕмӕ се знӕгтӕй, моавӕгтӕй, фаллаг фарсмӕ бахизын никӕй уагътой.

Фӕтӕгтӕ 7:24

Ефремы хӕхтӕм дӕр Гедеон фӕдисӕттӕ арвыста: «Хӕхтӕй ӕрхизут ӕмӕ мидианӕгтӕн цӕугӕдонмӕ фӕндаг сӕхгӕнут! Иорданы былгӕрон суанг Бет-Барыйы онг бацахсут!» Ефремы байзӕддӕгтӕ ӕрбамбырд сты ӕмӕ цӕугӕдонмӕ фӕндаг сӕхгӕдтой, Иорданы былгӕрон Бет-Барыйы онг бацахстой.

1 Паддзахӕдтӕ 1:1

Ефремы хӕхбӕсты, Раматаим-Цофимы сахары, царди иу лӕг, ефремон, йӕ ном — Елкана. Йӕ фыд Йерохам уыди Елигуйы фырт, Елигуйы фыд Тоху — Цуфы фырт.