Естер 9:26 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

^26-27 Уымӕн хуыйнынц уыцы бонтӕ Пурим: дзырд «пур»-мӕ гӕсгӕ. Фыстӕджы цы дзырдӕуыди ӕмӕ сӕхӕдӕг цы федтой ӕмӕ бавзӕрстой, уыдон бахынцгӕйӕ, иудейӕгтӕ уынаффӕ рахастой: сӕхицӕн, сӕ байзӕддӕгтӕн ӕмӕ сын сӕ дин чи райса, уыцы ӕцӕгӕлӕттӕн се ’ппӕтӕн фӕткӕн баззайӕд ӕрвылаз уыцы дыууӕ боны, ӕгъдау куыд амоны, афтӕ бӕрӕг кӕнын.

Естер 9:26 Iomraidhean Croise

Естер 9:20

Уыцы хабӕрттӕ иууылдӕр Мардохей фӕфыста ӕмӕ йӕ фыстӕг Ксерксы паддзахады цӕрӕг иудейӕгтӕм — дард ран уой, хӕстӕг ран уой — се ’ппӕтмӕ дӕр фервыста, цӕмӕй ӕрвылаз адары мӕйы цыппӕрдӕсӕм ӕмӕ фынддӕсӕм бонтӕ бӕрӕг кӕной.

Естер 9:32

Фыстыты баззади, Естер йӕ уынаффӕйӕ сфидар кодта Пуримы бӕрӕгбон, зӕгъгӕ.

Езекиел 39:11

Уыцы бон Гогӕн Израилы зӕххыл мӕрдтӕ ӕвӕрынӕн Бӕлццӕтты дӕлвӕз ратдзынӕн, денджызӕй скӕсӕнӕрдӕм. Уыцы дӕлвӕзыл ацӕуӕн нал уыдзӕн, уымӕн ӕмӕ иууылдӕр суыдзӕни уӕлмӕрдты бынат. Уым ныгӕд ӕрцӕудзысты Гог ӕмӕ йе ’ппӕт ӕрдонгтӕ, ӕмӕ йӕ схуындӕуыдзӕн Гогы ӕрдонгты дӕлвӕз.

Нымӕцтӕ 16:40

Дунедарӕг Моисейӕн куыд загъта, афтӕ. Уыцы ӕмбӕрзӕны нысан — израилӕгтӕ сӕ зӕрдыл куыд дарой: Аароны байзӕддӕгты йеддӕмӕ Дунедарӕджы раз буд судзынмӕ чи бацӕуа, ууыл Корах ӕмӕ йӕ хъузӕтты бон акӕндзӕн.