Естер 8:14 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁴ Паддзахы фӕндонмӕ гӕсгӕ фидиуджытӕ паддзахы дугъон бӕхтыл ӕвӕстиатӕй фӕцагайдтой. Уынаффӕ хъуыстгонд ӕрцыди Шушаны дӕр.

Естер 8:14 Iomraidhean Croise

3 Паддзахӕдтӕ 4:28

Бӕхтӕ ӕмӕ иннӕ хайуантӕн дӕр уыдонӕй алчидӕр сӕ бынӕттӕм йӕ рады ласта хъӕбӕрхор ӕмӕ хъӕмп.

2 Азфыстытӕ 30:6

Паддзах ӕмӕ йӕ барджынты номӕй фидиуджытӕ ӕгас Израил ӕмӕ Иудейыл фыстӕджытимӕ ӕрзылдысты ӕмӕ паддзахы бардзырд хъусын кодтой: «Израилы адӕм! Уе ’ргом раздахут Дунедарӕгмӕ, Авраам, Исаак ӕмӕ Израилы Хуыцаумӕ, ӕмӕ уӕд Уый дӕр Йе ’ргом раздахдзӕни сымахмӕ, Ассирийы паддзӕхтӕй ма уӕ чи аирвӕзти, уыдонмӕ.

Неемиа 1:1

Хакалиайы фырт Неемиа загъта. Кислевы мӕйы, Артаксеркс ссӕдзӕм аз паддзахиуӕг куы кодта, уӕд, ӕз уыдтӕн Шушаны сахары фидары, ӕмӕ мӕм ме ’фсымӕртӕй иу, Ханани, цалдӕр иудейагимӕ ’рбацыди. Ӕз сӕ бафарстон, уацары чи нӕ уыди, уыцы иудейӕгтӕй ма ӕгас чи уыди, уыдоны, стӕй Йерусалимы тыххӕй.

Естер 1:2

Уӕд Ксерксы паддзахы бадӕн Шушаны уыди.

Естер 2:3

Паддзах йӕ бӕстӕйы алы рӕтты снысан кӕнӕд, йӕ зӕрдӕ кӕуыл дары, ахӕм адӕймӕгты. Уыдон Шушанмӕ, сылгоймӕгты хатӕнмӕ, ӕрхондзысты ӕппӕты рӕсугъддӕр чызджыты. Паддзахы сылдоны хицау Хегайы бӕрны сӕ бакӕндзысты, цӕмӕй алы хӕрздӕфгӕнӕнтӕй сӕхимӕ базилой.

Естер 3:13

Фӕдисӕттӕ паддзахады алы кӕрӕттӕм тӕргӕбӕхӕй фӕхӕццӕ кодтой паддзахы уынаффӕ — дыууадӕсӕм мӕйы, ома адары, ӕртындӕсӕм бон дзуттӕгты иууылдӕр ӕмбойны — зӕрондӕй, ӕрыгонӕй, ӕд сабитӕ ӕмӕ сылгоймӕгтӕ — ныццӕгъдут, ныммарут, мыггагыскъуыд фӕкӕнут, сӕ исбон та сын хӕлӕттаг фӕкӕнут, зӕгъгӕ.

Естер 3:14

Уыцы уынаффӕ хъуамӕ хъуыстгонд ӕрцыдаид паддзахады алы ран дӕр, алы адӕмӕн дӕр, цӕмӕй уыцы бонмӕ алчи йӕхи бацӕттӕ кодтаид.

Естер 3:15

Фӕдисӕттӕ ӕвӕстиатӕй ацыдысты паддзахы бардзырд сӕххӕст кӕнынмӕ. Уыцы уынаффӕ фехъусын чындӕуыд Шушаны фидары. Паддзах ӕмӕ Аман куывды ӕрбадтысты, Шушаны сахар та схъомпал ис.

Естер 8:13

Уагӕвӕрды тых кӕмӕн уыд, уыцы уынаффӕйы халдихтӕ хъуамӕ фӕхӕццӕ уыдаиккой алы бӕстӕтӕм, стӕй алы адӕмыхатмӕ дӕр, цӕмӕй иудейӕгтӕ уыцы бонмӕ сӕхи цӕттӕйӕ дардтаиккой ӕмӕ се знӕгтӕй сӕ маст райстаиккой.

Естер 8:15

Мардохей Ксерксӕй рацыди паддзахау хъӕздыг арӕзтӕй: ӕрвхуыз ӕмӕ урс зынаргъ дарӕсты, бӕрзонд зӕрин худы, лыстӕг гӕн ӕмӕ сӕнт сырх тӕбын уӕлӕфтауы. Шушан ради ӕмӕ цин кодта.

Экклесиаст 9:10

Дӕ бон цыдӕриддӕр у, уый кӕн, уымӕн ӕмӕ мӕрдтыбӕстӕм куы ацӕуай, уӕд дын уым кусын, хъуыды кӕнын ӕмӕ куырыхон уӕвынӕн фадат нӕ уыдзӕн.

Даниил 8:2

Мӕ цӕстылуайӕны февзӕрдтӕн Еламы бӕсты, бырутӕй ӕхгӕд сахар Шушаны, Улайы доны был.

1 Паддзахӕдтӕ 21:8

Давид Ахимелехы бафарста: «Ам дӕм арц кӕнӕ кард нӕ разындзӕни? Мемӕ нӕдӕр мӕ кард райстон, нӕдӕр мӕ иннӕ хотыхтӕ, уымӕн ӕмӕ мын паддзахы фӕдзӕхст ӕвӕстиатӕй ӕххӕстгӕнгӕ уыд».