Естер 3:4 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁴ Алы бон дӕр ын дзырдтой, фӕлӕ сӕ уый ницӕмӕ дардта. Уӕд бавдӕлдысты ӕмӕ Аманмӕ дзырд бахастой, уӕдӕ ныр та куыд кӕнид, зӕгъгӕ, уымӕн ӕмӕ, иудейаг у, уый Мардохейӕн йӕхицӕй зыдтой.

Естер 3:4 Iomraidhean Croise

Райдиан 39:10

Сылгоймаг ӕрвылбон уӕгъд нӕ уагъта Йосефы, фӕлӕ йын уый ком нӕ лӕвӕрдта — йе ’мгӕрон нӕ цыд.

Езра 1:3

Гъемӕ уӕ Йӕ адӕмӕй чи у, уыдонӕн Дунедарӕг ахъӕзгӕнӕг фӕуӕд ӕмӕ фӕцӕуӕнт Йерусалиммӕ, Иудейы бӕстӕм, ӕмӕ бавналӕнт Дунедарӕджы, Израилы Хуыцауы, Йерусалимы Чи ис, Уыцы Хуыцауы Кувӕндон аразынмӕ.

Естер 3:3

Паддзахы дӕлдӕртӕ, галуаны тӕрхонгӕнджытӕ, Мардохейӕн уайдзӕф кодтой, паддзахы бардзырды сӕрты цӕмӕн хизыс, зӕгъгӕ.

Естер 3:5

Аман куы федта, Мардохей йӕ разы нӕ зоныгыл кӕны ӕмӕ зӕххыл нӕ ныддӕлгом вӕййы, уый, уӕд фыр мӕстӕй рафыхти.

Даниил 3:12

Уӕдӕ Вавилоны хъуыддӕгтӕ кӕмӕн бабар кодтай, уыцы дзуттӕгтӕ, Шадрах, Мешах ӕмӕ Авед-Него, дӕу, паддзах, ницӕмӕ дарынц! Дӕ хуыцӕуттӕн дын табу нӕ кӕнынц, стӕй, кӕй саразын кодтай, уыцы сыгъзӕрин гуымирымӕ нӕ кувынц ӕмӕ йын нӕ лӕггад кӕнынц».

Даниил 6:13

Уыдон Дарийӕн загътой: «Паддзах, Иудейы бӕстӕй кӕй ӕрбакодтой, уыцы адӕмӕй иу, Даниил, дӕхи дӕр ӕмӕ дын дӕ бардзырд дӕр ницӕмӕ дары, бон ӕртӕ хатты кувы йӕ Хуыцаумӕ».

Ионӕ 1:9

Ӕмӕ сын уый загъта: «Ӕз дзуттаг дӕн, ӕмӕ кад кӕнын Дунедарӕгӕн, уӕларвы Хуыцауӕн, денджыз ӕмӕ сурзӕхх Сфӕлдисӕгӕн».