Апостолты хъуыддӕгтӕ 28:3 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³ Павел ӕрбахаста пыхсытӕ ӕмӕ сӕ артыл куы ӕвӕрдта, уӕд калм тӕвдмӕ рабырыд пыхсытӕй ӕмӕ йын ацауындзӕг йӕ цонгыл.

Апостолты хъуыддӕгтӕ 28:3 Iomraidhean Croise

Иовы чиныг 20:16

Калмы марг цъиры, ӕмӕ калмы ’взагӕй йӕ мӕлӕт ссардзӕн.

Исайа 30:6

Рагуац Негевы цӕрӕгойты тыххӕй: «Уӕззау ӕргъӕмтты бын тӕссаг фӕндагыл хуссармӕ фӕцӕуынц хайуантӕ. Сӕ размӕ ӕвиппайды фӕвӕййынц домбӕйттӕ, маргджын кӕлмытӕ ӕмӕ фат-кӕлмытӕ. Адӕм хӕрджытӕ ӕмӕ теуатыл ласынц хъӕздыг лӕвӕрттӕ, хӕзнатӕ — пайда кӕмӕй нӕ фендзысты, уыцы адӕмӕн лӕварӕн.

Исайа 41:24

Фӕлӕ сымах уӕхӕдӕг дӕр ницы стут, ӕмӕ уӕ митӕ дӕр ницы сты. Чи уӕ нымайы, уый та ӕлгъаг у.

Исайа 59:5

Сӕ къухы цӕфтӕ — гуыппытӕ маргджын кӕлмыты ӕйчытау мӕлӕтдзаг сты: уыдонӕй чи сахода, уый амӕлдзӕн, чи сӕ асӕтта, уыдонмӕ та сӕ хуылфӕй рабырдзысты маргджын кӕлмытӕ. Цыма хӕлуарӕджы тынтӕ уафынц, уыйау сты сӕ митӕ,

Амос 5:19

Уыцы бон, цыма адӕймаг домбайӕ фӕцӕйлыгъд ӕмӕ ӕвиппайды йӕ размӕ арс фӕци, хӕдзармӕ балыгъд, йӕ къухӕй къулыл андзӕвыд ӕмӕ йыл калм фӕхӕцыд, уый хуызӕн у.

Матфей 12:34

Калмы цот! Фыдзӕрдӕ уӕвгӕйӕ, уӕ бон хорзӕй исты зӕгъын куыд хъуамӕ уа? Уымӕн ӕмӕ адӕймагӕн йӕ зӕрдӕ цӕмӕй дзаг у, йе ’взагӕй дӕр уый рацӕуы.

Матфей 23:33

Кӕлмытӕ ӕмӕ калмы цот! Тӕрхон ӕмӕ зындонӕй куыд фервӕзынмӕ хъавут?

Матфей 3:7

Фарисейтӕ ӕмӕ йӕм саддукейтӕй саргъауынмӕ бирӕтӕ кӕй цӕуынц, Иоанн уый куы федта, уӕд сын загъта: «Калмы цот! Чи уын загъта, ӕмӕ сымах сомбоны азарӕй аирвӕздзыстут?

Марк 16:18

кӕлмыты исдзысты сӕ къухтӕм ӕмӕ, марг куы бануазой, уӕд дӕр сын ницы уыдзӕн; рынчынтыл сӕ къухтӕ ӕвӕрдзысты, ӕмӕ-иу уыдон адзӕбӕх уыдзысты».

Апостолты хъуыддӕгтӕ 28:2

Сакъадахы цӕрджытӕ разындысты тынг адӕмуарзаг. Уарыд, ӕмӕ уыди уазал; уымӕ гӕсгӕ арт бандзӕрстой ӕмӕ не ’ппӕты дӕр бахуыдтой.

Апостолты хъуыддӕгтӕ 28:4

Сакъадахы цӕрджытӕ йын йӕ цонгыл калмы ауыгъдӕй куы федтой, уӕд кӕрӕдзийӕн дзырдтой: «Ацы адӕймаг, ӕнӕгуырысхойӕ, лӕгмар у. Денджызӕй фервӕзт, фӕлӕ йын раст тӕрхоны сылгоймаг-хуыцау удӕгасӕй баззайыны бар нӕ дӕтты».

2 Коринфӕгтӕм 11:23

Чырыстийы кусджытӕ сты? Мӕ зонд цыма фӕцыд, ӕз уыйау зӕгъын: ӕз уыдонӕй уӕлдӕр дӕн. Ӕз дзӕвгар фылдӕр бафыдӕбон кодтон, дзӕвгар фылдӕр уыдтӕн ахӕстӕтты, надтой мӕ ӕнӕвгъаудӕрӕй, бирӕ хӕттыты кастӕн мӕлӕты дзыхмӕ.

2 Коринфӕгтӕм 6:9

ӕнӕхъуыстгонд нӕ хонынц, фӕлӕ нӕ бирӕтӕ зонынц; нымайынц нӕ мардыл, фӕлӕ удӕгас стӕм; мардӕфхӕрд нӕ кӕнынц, фӕлӕ нӕ мӕлӕм.