Апостолты хъуыддӕгтӕ 1:26 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²⁶ Хӕлттӕ сӕппӕрстой, Матфийы хал схаудта, ӕмӕ иуӕндӕс апостолимӕ бамбал ис.

Апостолты хъуыддӕгтӕ 1:26 Iomraidhean Croise

1 Азфыстытӕ 24:5

Иуты дӕр ӕмӕ иннӕты дӕр равзӕрстой хӕлттӕ сӕппаргӕйӕ, уымӕн ӕмӕ Кувӕндоны барджынтӕ ӕмӕ Хуыцауы барджынтӕ уыдысты Елеазары байзӕддӕгтӕй дӕр ӕмӕ Итамары байзӕддӕгтӕй дӕр.

Неемиа 10:34

Сауджынтӕ, левиттӕ ӕмӕ дзыллӕ хӕлттӕ сӕппӕрстой, нысангонд рӕстӕгмӕ нӕ хӕдзарвӕндӕгтӕй суг кӕцы хъуамӕ ӕрбаласа нӕ Хуыцауы хӕдзармӕ, уый тыххӕй, цӕмӕй, Ӕгъдауы куыд фыст ис, афтӕ, арт судза Дунедарӕджы, нӕ Хуыцауы, нывондхӕссӕныл.

Неемиа 11:1

Адӕмы хицӕуттӕ ӕрцардысты Йерусалимы, иннӕ адӕм та хӕлттӕ сӕппӕрстой, цӕмӕй дӕс адӕймагӕй иу Йерусалимы уаз сахармӕ цӕрынмӕ ацӕуа, фарастӕй та иннӕ сахарты баззайой.

Ӕмбисӕндтӕ 16:22

Зонд кӕмӕ ис, уыдонӕн уый — царды гуырӕн, зондцухӕн та йе ’дылыдзинад — йӕ азар.

Ӕмбисӕндтӕ 16:33

Адӕм хӕлттӕ сӕппарынц, фӕлӕ алы уынаффӕ дӕр Дунедарӕгӕй рацӕуы.

Левит 16:8

Цӕуты тыххӕй хӕлттӕ сӕппарӕд: иу дзы хъӕуы Дунедарӕгӕн нывондӕн ӕрхӕссын, иннӕ та — ӕдзӕрӕг быдырмӕ, Азазелмӕ, аскъӕрын.

Ионӕ 1:7

Уӕд науы кусджытӕ кӕрӕдзийӕн загътой: «Цӕй ӕмӕ хӕлттӕ сӕппарӕм, ацы бӕллӕх кӕй азарӕй ӕййафӕм, уый базонынӕн». Сӕппӕрстой, ӕмӕ Ионӕйы хал схаудта.

Марк 6:30

Апостолтӕ фӕстӕмӕ ӕрбаздӕхтысты ӕмӕ Йесойӕн, цы сарӕзтой ӕмӕ адӕмы цӕуыл сахуыр кодтой, ӕппӕт уыдӕттӕ радзырдтой.

Апостолты хъуыддӕгтӕ 1:23

Бахастой фӕндон дыууӕйы — фӕсномыгӕй Варсавӕ кӕнӕ Иуст кӕй хуыдтой, уыцы Йосефы, ӕмӕ Матфийы тыххӕй.

Апостолты хъуыддӕгтӕ 13:19

Ӕмӕ Ханааны бӕстӕйы авд адӕмыхатты куы ныццагъта, уӕд сын сӕ зӕхх израилӕгтӕн радта.

Апостолты хъуыддӕгтӕ 2:14

Уӕд Петр иннӕ иуӕндӕс апостолимӕ ӕрлӕууыд адӕмы раз ӕмӕ сын, алчидӕр ӕй куыд хъуса, афтӕ хъӕрӕй дзурын райдыдта: «Иудейӕгтӕ ӕмӕ Йерусалимы ӕппӕт цӕрджытӕ! Лӕмбынӕг мӕм ӕрбайхъусут ӕмӕ йӕ бамбарат.

Нуны фырт Йешуа 14:2

Дунедарӕг Моисейӕн куыд бафӕдзӕхста, афтӕ сӕ фараст хӕдзарвӕндагӕн ӕмӕ Менассиайы хӕдзарвӕндаджы ӕмбисӕн байуӕрстой, хӕлттӕ сӕппаргӕйӕ.

Нуны фырт Йешуа 18:10

Силомы, Дунедарӕджы раз, Йешуа хӕлттӕ сӕппӕрста ӕмӕ Израилы хӕдзарвӕндӕгтыл зӕхх байуӕрста.

Ӕргомад 21:14

Сахары къулӕн ис дыууадӕс бындуры, уыдоныл фыст сты Уӕрыччы дыууадӕс апостолы нӕмттӕ.