Амос 2:10 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁰ Сымах та Мысыры зӕххӕй рахуыдтон ӕмӕ уӕ дыууиссӕдз азы дӕргъы ӕдзӕрӕг быдыры фӕкодтон, цӕмӕй уын сӕ зӕхх исбонӕн радтон, уый тыххӕй.

Амос 2:10 Iomraidhean Croise

Неемиа 9:21

Дыууиссӕдз азы сӕ фӕхастай ӕдзӕрӕг быдыры, хъуаг ницӕмӕй ӕййӕфтой. Сӕ дарӕс нӕ ихсыди, сӕ къӕхтӕ нӕ рӕсыдысты.

Псаломтӕ 95:10

Фехъусын кӕнут адӕмтӕн: «Дунедарӕг паддзахиуӕг кӕны!» Дун-дуне Уый фӕрцы у фидар, нӕ фенкъуысдзӕн; Дунедарӕг адӕмтӕн раст тӕрхон кӕндзӕн.

Рацыд 12:51

Тӕккӕ уыцы бон Дунедарӕг израилӕгты ӕфсад ракодта Мысыры зӕххӕй.

Рацыд 20:2

«Ӕз Дунедарӕг дӕн, дӕ Хуыцау, Мысыры зӕххӕй дӕ Чи ракодта, цагъары ӕфсондзы бынӕй, Уый.

Рацыд 3:8

ӕмӕ ӕрхызтӕн, цӕмӕй сӕ мысырӕгты къухтӕй суӕгъд кӕнон ӕмӕ сӕ, ӕхсыр ӕмӕ мыд кӕцӕй хъары, уыцы сойджын ӕмӕ парахат зӕхмӕ, ханаанӕгтӕ, хеттӕгтӕ, аморӕгтӕ, периззӕгтӕ, хиввӕгтӕ ӕмӕ йевусӕгты зӕхмӕ акӕнон.

Йеремиа 2:6

Дунедарӕджы не ’рцагуырдтой ӕмӕ афтӕ нӕ загътой: «Уый нӕ ракодта Мысыры зӕххӕй; ӕдзӕрӕг быдыры, ӕнӕдон ӕмӕ саудалынг бӕстӕйы, лӕджы къах кӕм никуы ’рлӕууыд ӕмӕ цӕрӕг кӕм нӕ уыди, уым-иу нӕ размӕ кодта».

Езекиел 20:10

Ӕз сӕ рахуыдтон Мысыры зӕххӕй ӕмӕ сӕ акодтон ӕдзӕрӕг быдырмӕ.

Амос 3:1

Израилӕгтӕ! Байхъусут Дунедарӕджы ныхасмӕ, сымах тыххӕй цы зӕгъы, уымӕ! Ӕз, Мысыры зӕххӕй цы адӕмы ракодтон, уыдонӕн се ’ппӕтӕн дӕр зӕгъын:

Амос 9:7

Израилӕгтӕ, сымах Мын эфиопӕгтӕй уӕлдай не стут, — зӕгъы Дунедарӕг. — Ӕз израилӕгты ракодтон Мысырӕй, филистимӕгты — Кафторӕй, арамейӕгты — Кирӕй.

Михей 6:4

Ӕз уӕ ракодтон Мысырӕй, цагъайрӕгтӕ цы зӕххыл уыдыстут, уым уын бафыстон уӕ ахӕстаргъ, уӕ разӕй уын арвыстон Моисей, Аарон ӕмӕ Мариамы.

Нымӕцтӕ 13:32

Фӕлӕ, уырдӕм йемӕ цы лӕгтӕ ацыд, уыдон дзырдтой: «Уыцы адӕмы ныхмӕ мах ницы бакӕндзыстӕм, уыдон махӕй тыхджындӕр сты!»

Нымӕцтӕ 21:25

Басаста Израил уыцы сахартӕ иууылдӕр ӕмӕ ӕрбынат кодта аморӕгты ӕппӕт сахарты, Хешбон ӕмӕ йӕ алфамбылӕйтты.

Нымӕцтӕ 32:13

Ӕмӕ рафыхти Дунедарӕджы маст израилӕгтӕм, ӕмӕ сӕ дыууиссӕдз азы ӕдзӕрӕг быдыры фӕракӕн-бакӕн кодта, цалынмӕ, Дунедарӕджы цӕсты фыдгӕнӕг чи уыди, уыдоны мыггаг сыскъуыди, уӕдмӕ.

Апостолты хъуыддӕгтӕ 13:18

Дыууиссӕдз азы дӕргъы сын быхста ӕдзӕрӕг быдыры.

Апостолты хъуыддӕгтӕ 7:42

Хуыцау сӕ Йе ’ргом аздӕхта, цӕмӕй кувой, арвыл цы ис, уыдонмӕ, пехуымпартӕм куыд фыст ис, афтӕ: „Израилы адӕм, ӕдзӕрӕг быдыры дыууиссӕдз азы дӕргъы кусӕрттӕ Мӕнӕн кодтат ӕмӕ нывӕндтӕ Мӕнӕн хастат?

Фӕлхатгонд ӕгъдау 1:39

Уӕ цот, афтӕ кӕмӕй дзырдтат, фыдгулы амӕттаг фӕуыдзысты, зӕгъгӕ, уӕ фырттӕ, хорз ӕмӕ ӕвзӕр ӕмбарынхъом чи нӕма у, уыдон та бацӕудзысты уыцы бӕстӕм. Ӕз сын ӕй ратдзынӕн, ӕмӕ йӕ сӕхи бакӕндзысты.

Фӕлхатгонд ӕгъдау 2:7

Дунедарӕг, уӕ Хуыцау, арфӕ ракодта сымахӕн уӕ алы хъуыддаджы дӕр. Уый уын уӕ фӕндаджы хабӕрттӕ хорз зоны ацы ӕгӕрон ӕдзӕрӕг быдыры. Ныр дыууиссӕдз азы дӕргъы Дунедарӕг, уӕ Хуыцау, уемӕ ис, ӕмӕ сымах хъуаг ницӕмӕй ӕййафут“.

Нуны фырт Йешуа 13:4

Ноджыдӕр бацахсинаг у ханаанӕгты зӕхх амораг арӕныл лӕууӕг сидойнӕгты сахар Арайӕ Афекы сахары онг,

Нуны фырт Йешуа 24:8

Уый фӕстӕ уӕ Ӕз ӕрбакодтон Иорданы фале цӕрӕг аморӕгты зӕхмӕ. Уыдон уемӕ схӕцыдысты, фӕлӕ уын сӕ Ӕз радтон уӕ къухтӕм. Ныццагътон сӕ уӕхи цӕстыты раз, ӕмӕ сын сымах бацахстат сӕ зӕхх — сси уын фыдӕй-фыртмӕйы исбон.