11 уӕд дӕм дзӕгъӕлдзуйау фӕзындзӕнис мӕгуырдзинад, абырӕгау ӕрбацӕудзӕни гӕвз.
Зивӕггӕнаг къухтӕ мӕгуырмӕ ’ркӕнынц, кусаг къухтӕ — хъӕздыгдзинадмӕ.
Магуса цӕмӕдӕрты бӕллы, фӕлӕ дзӕгъӕлы, ӕнӕзивӕгӕн йӕ фӕндтӕ йӕ къухы бафтынц.
Адӕймаджы йӕ зивӕг хуыссӕгхъӕлдзӕг скӕны, зивӕггӕнаг стонг ӕййафдзӕнис.
Кӕд фынӕй кӕнын уарзыс, уӕд мӕгуырмӕ ’рцӕудзынӕ, дӕ цӕстытӕ ма бацъынд кӕн ӕмӕ ӕфсӕст уыдзынӕ.
Зивӕггӕнаг йӕ афоныл хуым нӕ кӕны ӕмӕ хуымгӕрдӕн афон ницы ссары.
уымӕн ӕмӕ расыггӕнаг ӕмӕ гуыбындзӕл мӕгуырмӕ ’рцӕудзысты, дӕ зивӕджы тыххӕй бызгъуырты цӕудзынӕ.
иу чысыл афынӕй кӕндзынӕ, чысыл арӕдзӕ-мӕдзӕ кӕндзынӕ, иу чысыл ницы кусгӕйӕ абаддзынӕ,
ӕмӕ дӕм дзӕгъӕлдзуйау фӕзындзӕн гӕвз, абырӕгау — мӕгуырдзинад.
Афтӕ фӕзӕгъынц: «Ӕдылы магуса у ӕмӕ сыдӕй мӕлдзӕнис».