Ӕмбисӕндтӕ 24:28 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²⁸ Хионы ныхмӕ мӕнгӕвдисӕн ма ныллӕуу — сайӕн ныхас ма схауӕд дӕ дзыхӕй.

Ӕмбисӕндтӕ 24:28 Iomraidhean Croise

Иовы чиныг 2:3

«Ӕмӕ уӕд мӕ цагъар Иовыл дӕ цӕст не ’рхӕцыд? — бафарста йӕ Дунедарӕг. — Зӕххыл уый хуызӕн ӕнаипп ӕмӕ раст адӕймаг нӕй. Хуыцауы тас ӕм ис, ӕмӕ фыд ракӕнынӕй йӕхи хизы. Ныронг дӕр ӕнаипп у. Ды та Мӕ йӕ ныхмӕ ардыдтай, цӕмӕй йӕ Ӕз ӕнӕ исты аххосӕй бабын кӕнон».

Псаломтӕ 35:11

Дӕ хорзӕхы аккаг скӕн, чи Дӕ зоны, уыдоны, Дӕ рӕстады фарнӕй схайджын кӕн рӕстзӕрдӕты!

Псаломтӕ 35:7

Дӕ рӕстад — Хуыцауы хӕхтау бӕрзонд, Дӕ раст тӕрхон — ӕнӕбын хуыдымау! Адӕмыл дӕр ӕмӕ фосыл дӕр аудыс, Дунедарӕг!

Псаломтӕ 52:1

Зарӕггӕнджыты къорды разамонӕгӕн. «Махалат»-ы зӕлтӕм гӕсгӕ. Давиды зондамонӕн псалом.

Рацыд 20:16

Искӕй ныхмӕ мӕнгӕвдисӕн ма ныллӕуу.

Рацыд 23:1

Дам-думтӕ ма хӕлиу кӕн. Тӕрхондоны фыдгӕнӕджы фарс ма рахӕц — мӕнгӕвдисӕн ын ма ныллӕу.

Ӕмбисӕндтӕ 14:5

Рӕстӕвдисӕн сайгӕ нӕ кӕны, мӕнгӕвдисӕн мӕнгдзинадӕй улӕфы.

Ӕмбисӕндтӕ 19:5

Мӕнгӕвдисӕн ӕнӕ ’фхӕрдӕй нӕ баззайдзӕн, фӕлитой нӕ фервӕздзӕн.

Ӕмбисӕндтӕ 19:9

Мӕнгӕвдисӕн ӕнӕ ’фхӕрдӕй нӕ баззайдзӕн, фӕлитойӕн йе сӕфт ӕрцӕудзӕн.

Ӕмбисӕндтӕ 21:28

Мӕнгӕвдисӕн фесӕфдзӕн, фӕстаг ныхасы бар ӕрхаудзӕн, алцы чи фехъуыста, уымӕ.

Ӕмбисӕндтӕ 25:18

Йӕ хионы ныхмӕ мӕнгӕвдисӕн чи ныллӕууы, уый у старц, кард ӕмӕ цыргъ фаты ’нгӕс.

Ӕмбисӕндтӕ 26:19

уый ӕнгӕс у, йӕ хионы сайгӕйӕ, афтӕ чи дзуры: «Ӕз ӕрмӕстдӕр хынджылӕг кодтон».

Левит 19:11

Ма давут, ма сайут, кӕрӕдзиуыл хинӕй ма цӕут.

Левит 6:2

«Дунедарӕджы раз, исты фыдракӕнд саразгӕйӕ, тӕригъӕды чи бацӕуа: йӕ бӕрны йын кӕй бакодтой кӕнӕ йӕм бавӕрынмӕ кӕй радтой, науӕд давгӕ кӕй акодта, ахӕм истӕмӕй, нӕ федтон, зӕгъгӕ, чи ныллӕууа; искӕмӕй исты чи байса,

Левит 6:3

искӕй сӕфт дзаума чи ссара ӕмӕ йыл чи нӕ басӕтта — адӕм тӕригъӕды цӕй тыххӕй бацӕуынц, уыцы хъуыддӕгтӕй исты чи сараза ӕмӕ ма ноджы, нӕ уыдтӕн, зӕгъгӕ, мӕнг сомы чи ракӕна, —

Матфей 27:23

Пилат бафарста: «Уагӕр ӕвзӕрӕй цы ракодта?» Фӕлӕ уыдон ноджы тынгдӕр хъӕр кодтой: «Дзуарыл тыгъд ӕрцӕуӕд!»

Иоанн 15:25

Фӕлӕ афтӕмӕй хъуамӕ сӕххӕст уа, се ’Гъдауы цы фыст ис, уый: „Дзӕгъӕлы Мӕ уынынц се сӕфт“.

Эфесӕгтӕм 4:25

Уӕдӕ мӕнг ныхӕстӕ мауал кӕнут — алчидӕр йӕ хионӕн дзурӕд, ӕцӕг цы у, уый, уымӕн ӕмӕ мах стӕм иу буары уӕнгтӕ.

Колоссӕгтӕм 3:9

Кӕрӕдзийӕн мӕнг ныхӕстӕ ма дзурут, уымӕн ӕмӕ сымах фервӕзтыстут уӕ зӕронд ӕрдзыхъӕдӕй йӕ хъуыддӕгтимӕ

Ӕргомад 21:8

Нӕуӕндӕгтӕн ӕмӕ ӕцӕгадыл гадзрахатӕй рацӕуджытӕн, ӕнӕуагтӕн ӕмӕ лӕгмартӕн, хӕлд адӕмӕн ӕмӕ кӕлӕнгӕнджытӕн, мӕнгхуыцӕуттӕн кувджытӕн ӕмӕ ӕппӕт фӕлитойтӕн та сӕ бынат ис судзгӕ сондоны цады. Уый у дыккаг мӕлӕт».

Ӕргомад 22:15

Куыйтӕ ӕмӕ кӕлӕнгӕнджытӕ, хӕлд адӕм ӕмӕ лӕгмартӕ, мӕнгхуыцӕуттӕм кувджытӕ, стӕй, фӕливӕн митыл хӕст чи у ӕмӕ сӕ чи уарзы, уыдон та баззайдзысты ӕдде.