Ӕмбисӕндтӕ 15:18 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁸ Мӕстыгӕр хъаугъатӕ тауы, фӕразон загъд басабыр кӕны.

Ӕмбисӕндтӕ 15:18 Iomraidhean Croise

2 Паддзахӕдтӕ 19:43

Израилӕгтӕ дӕр загътой иудейӕгтӕн: «Махмӕ сымахӕй дӕс хатты фылдӕр бартӕ куы ис, цӕмӕй Давид мах паддзах уа; ноджы ма уӕ хистӕр ӕфсымӕртӕ дӕр куы стӕм, уӕд нӕ цӕмӕн бафхӕрдтат? Нӕ паддзахы фӕстӕмӕ раздахыны охыл дӕр фыццаг ныхас махӕй нӕ рацыди, ӕви?» Фӕлӕ дзыхӕй уӕддӕр иудейӕгтыл нӕ тых кодтой израилӕгтӕ.

Ӕмбисӕндтӕ 10:12

Ӕнӕуынондзинад хъаугъа расайы, уарзондзинад алы тӕригъӕд дӕр бары.

Ӕмбисӕндтӕ 14:29

Фӕразон адӕймаг — стыр зонды хицау, мӕстыгӕр та йе ’дылыдзинад равдисы.

Ӕмбисӕндтӕ 15:1

Сабыр ныхас маст уромы, цӕхгӕр ныхас загъд къахы.

Ӕмбисӕндтӕ 15:19

Зивӕггӕнагӕн йӕ фӕндаг — сындзытӕй йедзаг, рӕстудты фӕндаг лӕгъз у.

Ӕмбисӕндтӕ 16:14

Паддзахы маст — мӕлӕты уацхӕссӕг, фӕлӕ йӕ куырыхон басабыр кӕны.

Ӕмбисӕндтӕ 16:28

Мӕнгард лӕг хъаугъатӕ тауы, дам-думтӕ фӕхицӕн кӕнынц ӕмбӕлтты.

Ӕмбисӕндтӕ 22:24

Мӕстыгӕримӕ ма лымӕн кӕн, загъдӕргомӕй дӕхи дард лас,

Ӕмбисӕндтӕ 25:15

Бирӕбыхст хицауы зӕрдӕ ӕртасын кӕны, фӕлмӕн ныхас стджытӕ дӕр сӕтты.

Ӕмбисӕндтӕ 26:21

Тӕвдӕн — ӕвзалы, артӕн — сугтӕ, загъдӕргом та — загъд къахынӕн.

Ӕмбисӕндтӕ 28:25

Кӕрӕф адӕймаг загъд къахы, Дунедарӕгыл йӕ зӕрдӕ чи дары, уый та — фӕрнӕйдзаг.

Ӕмбисӕндтӕ 29:22

Мӕстыгӕр загъд къахы, загъдӕргом йӕ тӕригъӕдтӕ сбирӕ кӕны.

Экклесиаст 10:4

Дӕ паддзах дӕм куы смӕсты уа, уӕд дӕ куыстӕй ма алидз; сӕрныллӕгӕн бирӕ рӕдыдтӕ ныххатыр кӕнынц.

Матфей 5:9

Тӕхудиаг сты фидауынгӕнджытӕ — Хуыцауы хъӕбултӕ сӕ схондзысты.