Ӕмбисӕндтӕ 1:1 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Соломоны, Израилы паддзах Давиды фырты, ӕмбисӕндтӕ:

Ӕмбисӕндтӕ 1:1 Iomraidhean Croise

3 Паддзахӕдтӕ 2:12

Ныр йӕ фыд Давиды паддзахы бадӕны сбадти Соломон. Йӕ паддзахдзинад тынг фидар сси, йӕ ныхмӕ фӕлӕууын никӕй бон уыд.

3 Паддзахӕдтӕ 5:12

Дунедарӕг Соломонӕн радта куырыхон зонд, зӕрдӕ йын куыд бавӕрдта, афтӕ. Соломон ӕмӕ Хирамы ’хсӕн уыди фидыд, сӕ кӕрӕдзиимӕ цардысты хӕларӕй.

1 Азфыстытӕ 22:9

Фӕлӕ дын райгуырдзӕни фырт. Уыдзӕн ын сабыр уаг, ӕмӕ йӕ Ӕз йӕ алфамбылай знӕгтӕй се ’ппӕтӕй дӕр сӕнӕмӕт кӕндзынӕн. Йӕ ном уыдзӕни Соломон, ӕмӕ Израилӕн Соломоны заман ратдзынӕн фарн ӕмӕ ӕнцой.

1 Азфыстытӕ 28:5

Бирӕ фырттӕ мын радта Дунедарӕг, ӕмӕ ӕппӕт уыдонӕй равзӕрста мӕ фырт Соломоны, цӕмӕй Дунедарӕджы паддзахы бадӕны ӕрбада Израилы сӕргъы.

1 Азфыстытӕ 29:23

Соломон йӕ фыд Давиды бӕсты паддзахӕй ӕрбадти Дунедарӕджы бадӕныл. Уыд ӕнтыстджын, ӕмӕ йӕм хъуыстой ӕппӕт Израилы адӕм дӕр.

1 Азфыстытӕ 29:28

Амарди хӕрз зӕрондӕй, цардӕй дӕр, мулкӕй дӕр ӕмӕ кадӕй дӕр бафсӕсти, афтӕмӕй. Йӕ бӕсты паддзах сси йӕ фырт Соломон.

Ӕмбисӕндтӕ 10:1

Соломоны ӕмбисӕндтӕ. Куырыхон фыртӕй йӕ фыды зӕрдӕ райы, ӕдылы лӕппу та йӕ ныййарӕг мадӕн — масты хос.

Ӕмбисӕндтӕ 22:21

цӕмӕй сахуыр уай ӕцӕгдзинады ныхӕстыл ӕмӕ дӕ хицӕуттӕн дӕ бон дзуапп раттын уа.

Ӕмбисӕндтӕ 25:1

Мӕнӕ Соломоны иннӕ ӕмбисӕндтӕ, ӕрӕмбырд сӕ кодтой Иудейы паддзах Езекиайы барджынтӕ.

Экклесиаст 1:1

Давиды фырты паддзахы бадӕн Йерусалимы уыди. Хуыцауы ныхас хорз чи амыдта, ахӕм лӕгыл нымад уыд. Афтӕ-иу дзырдта:

Экклесиаст 12:9

Хуыцауы ныхас амонӕг куырыхон лӕг уыди, адӕмӕн-иу зонд амыдта; алцыдӕр бафӕлвӕрдта ӕмӕ басгӕрста, бирӕ ӕмбисӕндтӕ ныффыста.

Иоанн 16:25

Ӕз уын ныронг ӕмбисӕндтӕй дзырдтон. Фӕлӕ афон куы ’рцӕуа, уӕд уын Ӕз фӕсномыгӕй нал дзурдзынӕн, фӕлӕ уын ӕргомӕй Фыды тыххӕй зӕгъдзынӕн.