Yuda 1:4 - Ya/abtór hho' 1977

⁴ Asma muu i deer oo aa qawti dah. Mukwí kuna sakwasleemarí i gooín iimír aáng wa ale. Inooín a múk Mungú da'ayuumitaaká, slám a múk tsuuqaá Mungú harneét ar hotángw tlákw. Nee inooín kudá' úr oo kilós, Aakoorén Yesu Kristo, ngu sa tlaankiyá'.

Biblía Axweesantá Hhohho' ar Mungú 2004

⁴ Asma mukko i deer oo naa qawti dah. Mukwí kuna sakwasleemarí i gooín iimír aáng wa ale. A múk Munguú da'ayuumitaaká, slám a múk tsuuqaá Mungú harneét ar hotaá tlákw. Nee inooín kudá' úr oo kilós, Aakoorén Yesu Kristo, ngu sa tlaankiyá'.

Yuda 1:4 Iomraidhean Croise

WARA'AMI 1:1

Heé amohhoó' a kudá' axweesantá múk tlákw ga iiárií qamimaaká, slám i tlakuusér eeharahariiká, laqaá aa iwiitiiká dír dinku'uumár múk niquuse.

WARA'AMI 62:2

Inós kilós an tlaa/ar'eé' nee ba/amar'eé', a koo/ír gawit ar iga harwet, ti baloó dingisiiká.

Matayo 13:25

Qoomár xweeraawo tawa guú' sleémeero, wakusmooko wák nina hardáh, sla/a gari dahaás baraá tla/ángw angaáno, iri quútl.

Yohana 17:3

Nee slafíngw alhhe'eesay wásl an kwí, kuúng uwa xuiya', Mungúduú ló', kudá' wák, nee Yesu Kristo, kudá' naa ya/áp.

Tlehhema'aá ya/Abuuse 11:23

Nee inós iwa hardáh, tsuuqaá Mungú ngiwa ár, ina qwalaá/, giri báy, “Aako oha hhe'eesaak baraá munerhunge.”

Tlehhema'aá ya/Abuuse 15:24

Atén aga axaasaán gídaabá, mukko amoorén daáhh kuungá' nuna daawitimiís ar axweesanay'ín, nee munerhúng ngaa xurér i qaasiyé'. Ala atén inooín ngaa ya/aawaniiká.

Galatia 2:4

Ala hhaeekaari awa loeká, inooín ngina iinuusiyé' gídaabá Tito ku al/utli. Ala inooín laatí tina qawti dahaasiyé' baraá dinkwaadá' i alé, as amohhooaadá' atén ta koomaan baraá Kristo Yesuwo ngiwa tsee/aarina'.

Galatia 5:13

Ala kuungá', hhaee'eé', kuungá' tunduna ateét baraá lawaali'iimár Neetlángw wa ale as tawa hota' ar amohhooa. Ala a gídaabaheeká amohhooarhúng tisíng an ar hotá' as ilatleerír slaqwa kawa eeharahada'. Ala ti sagadiyuse' ar sla'aari.

Efeso 4:14

Daqaní atén a kumiitaanaaká adór na/'aá ninákw wa ale, tiwa kwakwaahhi nee gwanduú ma'aay umuúqo barto, nee tiwa huwahuwi nee fur'ár intsaahhatimisuú dimbadimbé oo lama, oo mukdá' ti al/agiím. Inooín an kudá' atén ti qwaareesár wa sla'á' ar al/aymar'ín.

1 Timoteo 5:8

Ala umuúqo heewo oo mukós gu amohhe'eemisaaká, ak alé múk do'ós oo kilá', heé adoorí haratlintaao gaa sií', nee inós a heé tlaákw kángw kilá' wa aleeró ta kudá' aa haratlinti'iiká ba/a.

2 Timoteo 2:12

Atén bar aga qiitlaán, a alwaawuti'iimaán dinkwa nee inós sleeme. Atén inós bura sa tlaankaán, inós sleeme atén ti sa tlaank.

2 Timoteo 3:6

Asma baraá múk adór kwihe, hhawaate i dayá' awa ti dahamiisá' baraá maraá múk i alé, nee /ameenár daktanaay kawa afa /aslin, tidá' tlakweema ngaa al'iilouye', nee kiwa uuruxun nee ilatleerír dimbadimbé.

1 Petro 2:16

Kuungá' a múk taa gweér baraá lawaali'iimár wa ale. Gawaá adoorihe gweermoosíng tunduwa gweér masók a Mungú un sageegadiyusá', ala a gídaabaheeká a tlakweema in tlehhitá' ar tawa axwesa' gídaabá atén taa gweér.

1 Petro 2:8

Nee kaa malé gooín gídaabá tlaa/arí a, “tlaa/ár inooine a dukuutsmo, nee tlaa/ár inooín ta i huui.” Inooín Axweesantadá' haratlintaaooro kan siaasii'. Gawaá adoorihe axweesantadá' iri dukuutsmo tleehhít dir'ine, asma gaarí an gár Mungú aa slaá' daandeemaaine.

1 Petro 4:18

Asma Gooi i kat, “Ala ba/amár heedaáduú gan'amuú koóm barnaxes a gár gawit, xáy, a adoomá dír heedaádá' Mungú ilaiwawa/aakahe nee oo tlakusmoowo.”

2 Petro 2:10

ak alé mukdá' ilatleerír slasla/aren ar slaqooín ga eeharahaár, kudá' aleesleemuú Mungú waaqaqaá'. Intsaahhatuuseerí ar lama inooín a afakaharuusér sidór koom, slám a takaahuuse, slám ta daaraxiiká, ala tam malaykeedár aleesleemuú koom kan /ooslislín.

2 Petro 2:7

Ala Mungú Lutu guna ba/amís. Inós a heé gan'amuú koóm. Inós kuna daawitimiís nee slafíngw slasla/arén oo mukdá' tlákw oo yaamuudá' wa hoót.

2 Petro 3:7

Doori nee yaamu kuká' hamí daawá' kina amohhe'eés nee kin xún ar axweesantá Mungú sleeme, nee in kumiitiyá' ar adoorós tidá' i dirii'iya' ay bál deeloodár sakwasleema. Baldá' bira xeér, kiri daa/ ar asla, nee múk tlakuuse kuri sakwasleemuut nee kuri qwaarees.

1 Yohana 2:22

Heé lamusmoó kilá' an kwí káh, Yesu a Kristowooká. Kwí an Wakusmoó Kristo, kudá' Baabá nee Garmaawo gi sa tlaank.

Yuda 1:15

Inós nina hardáh as sakwasleema ngiwa tleehhi gawaá daanduú muu sleémeero. Mukdá' sleémeero oo Mungú gwa ilaiwa/iiká guri doohhimiis, as gawaá daanduú tlehhemi'ii'ín kudá' sleémeero awa qwanaay taa tlehhiít, kudá' Mungú kuwa ilaiwawa/iiká. Kiri malé doohhimiis as gawaá daanduú axweesanaydá' xaraásl sleémeero awa tlakuuseedá' Mungú ilaiwawa/aaká aa kát daanduuwós i alé.”

Yuda 1:18

Inooín tana oó', “Qoomár alhhe'eesaywo waniquuse i deerút awa ilatleerir'ín tidár qwanaay ngi eeharahará'.”

Geehhoeemaá 15:4

Aáko, heé kuúng u da'ayumiitaaká a heemá, nee heé umuuwók xirfayeemiisaaká a heemá? Asma oo hhoohhoó' a kuúng kilók. Xoordu sleémeero ni hardahiyá' nee niri dír geeraawók i tumbarara'amitiyá', asma tlehhemi'iiwók awa ganaa'á' naa geehhouyé'.”