Yuda 1:1 - Ya/abtór hho' 1977

¹ Ánuú Yuda a lawaalmoó Yesu Kristo nee slám a hhiyoó Yakobo. Aníng barwaárí ngina gooiím dír mukdá' taa ateét nee Mungú, kudá' taa slaá' nee Mungú Baabá, nee kiri amohhe'eemiís as Yesu Kristo.

Biblía Axweesantá Hhohho' ar Mungú 2004

¹ Anuú Yuda a lawaalmoó Yesu Kristo nee slám a hhiyoó Yakobo. Aníng barwaárí ngina gooiím dír mukdá' taa ateét nee Mungú, kudá' taa slaá' nee Mungú Baabá, nee kiri amohhe'eemiís as Yesu Kristo.

Yuda 1:1 Iomraidhean Croise

Matayo 10:3

Filipo nee Bartolomayo; Tomaso nee Matayo, kuduú ohomusmoó koódi; Yakobó Alfayo nee Tadayo;

Matayo 13:55

Kwí a garmoó heedá' maraá tlehhahhítaáke? Nee aayoorós a tidá' ta babáyke Mariamu? Hhaeewós awa daaqaay a Yakobo nee Yosefúwoóke, nee Simoni nee Yuda?

Marko 3:18

Andrea, nee Filipo, nee Bartolomayo, nee Matayo, nee Tomaso, nee Yakobó Alfayo, nee Tadayo, nee Simonudá' yaamuuwós aleeslaáqw.

Marko 6:3

Kwí a kudá' oo maraá tlehhahhitakáhe? Aayoorós a Mariamu, hhaeewós a Yakobo nee Yose nee Yuda nee Simoni. Hhaeewós awa dasu a kudá' ayaarén i diriiá'áke?” Kuri insareéhh.

Luka 6:16

Nee Yuda oo Yakobo nee Yuda Iskariote. Kwí an kudá' Yesu gu sakií/.

Yohana 12:26

Aníng hee bir sagadiyuus, i eehari. Daqaní didaádá' aníng ni diriia, an didá' sagadiyusmooeé' sleeme i dirii'i. Slám aníng hee bir sagadiyuus, heewí ku ilaiwawaa/ nee Baabá.”

Yohana 14:22

Yudaduú Iskariotewooká iri oó', “Aáko, ahaá adór kuúng tir geehhoutis diirén i alé a adoomá, ala misti geehhoutiská dír múk aa haratlintii'iiká?”

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Yohana 17:15

Aníng a fiririimaaká gídaabá inooín kiwa hinges baraaká' yaamuuwo, ala kiwa de'een dír kudá' tlaakwe.

Yohana 17:17

Ala kuúng na hheehhe'eeseek ar looeemadá'. Axweesantók a looeema.

Yohana 17:19

Ala aníng ti amoorók i haniís as inooín, as inooín sleeme tawa kók tleehhiti ló'wa ale.

Yohana 6:39

Kudá' aníng iga ya/aaw gár i slai a tí, ‘Aníng tam heé wák muwa qwaareés baraá kudá' sleémeero awa naa aníng i hanmiisi, ala masók un waaslee/atís bál deelór alhhe'eesaywo.’

Tlehhema'aá ya/Abuuse 1:13

Tari dáh baraá do', tari tsa/án amór do'dá' taa daanduú kuqá' i tleéhh, amoodá' geeraawo tawa iwiwiít. Petro nee Yohana, Yakobo nee Andrea, Filipo nee Tomaso, Bartolomayo nee Matayo, Yakobó Alfayo nee Simonudá' yaamuuwós aleeslaáqw, nee Yuda oo Yakobo.

Tlehhema'aá ya/Abuuse 20:32

“Ala aníng hám daxta kuungá' nu qaás baraá dabaá Mungú i alé, nee dír axweesantadár gurtleemuú Mungú. Inós kuungá' kwa/asaro nu aleesláy, nee tsuuqaawós sleémeero ngiri haniis, kudá' i kon, as mukós sleémeero kudá' taa hhoohhoeés.

Tlehhema'aá ya/Abuuse 27:23

Asma xweeraaká' laarí malaykamoó Mungúdá' aníng naa haratlintií', slám naa ilaiwawaá/, nina bihhieé' i sihhiít,

Rumi 1:1

Ánuú Paulo barwaárí ngina gooiím. Aníng a lawaalmoó Kristo Yesu. Aníng tina ateét tawa ya/abusmo, nee tiri tsawaár as Ya/abtór hho' ar Mungú ngiwa alki/iit.

Rumi 1:6

Baraá tla/angw'ine kuungá' sleeme a deer, kuungaásingá' taa ateét amór Yesu Kristo.

Rumi 16:18

Asma múk adór kwí Aakoorén Yesu Kristo gu sagadiyuusiiká, ala a gur'er'ín kilós kan sagadiyuus. Inooín múk xu'uti waslén ngun al/aginá' ar axweesanay'ín oo tsatsaa'arén nee oo sla'atimís.

Rumi 6:22

Ala hamí, kuungá' bar tunda gweér baraá lawaali'iimár tlakweemaawo nee tunduri lawaalér Mungú tleéhh, gár ta sleera' a muruudá' hhoohhooeesár huwahuúw. Nee alhhe'eesaywós a slafíngw alhhe'eesay wásl un sleerá'.

Rumi 8:30

Nee kudá' iimír aange aa qaroó tsawaár, giri ateét, nee kudá' aa qaroó ateét, giri gan'amuú i harafaár. Nee kudá' aa gan'amuú i harafaár, giri xirfayeés.

Rumi 9:24

Tam atén sleeme tina ateét tawa xooslár adór tí. Ala múk taa ateét a har múk Yahudi kiloseeká, a múk xoordaá hatlá' sleeme.

1 Korinto 1:2

amorhúng i alé, kuungaásingá' Kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.

1 Korinto 6:11

Baraá tla/angwhunge bahh'alé aáng a múk adór kwí. Ala kuungá' tunda hamaátl, tunda hhoohhooeés, tunda gan'amuú i harafaár ar /uuruú Aakoorén Yesu Kristo nee ar /uuruú Qeeruú Mungúrén.

Efeso 5:26

Adoorí gana tleéhh as mukós nguwa hhoohhooeesi nee nguwa hamaatli ar ma'aay ar /uuruú axweesantós.

1 Tesalonike 2:12

Nuna gurkwa/amiisaán nee nuri naanaaqaán, nuri harhhehhe'eemiisaán as tawa hota' ar slafíngw hariím dír Munguhe, kudá' kuungá' naa ateet tawa data' baraá waawuti'iimaarós tidá' xirfuú koom.

1 Tesalonike 5:23

Mungú inós u kilá', kudá' atén ti wayduú i hanimiís, inós kuungá' nu hhoohhooeesi kángw kilá' wa ale. Nee slám inós munerhúng nee qeeruuhúng nee slaqoohúng ngi xun as gár tlaakw munduwa sleér, ala kuungá' masók a múk xaslxaansli wásl ay bál deeloodár Aakoorén Yesu Kristo nay hardat.

2 Timoteo 1:9

Inós atén tina ba/amís, tiri ateét ar ateetamór hhohho'. Adoorí gana tleéhh, a gídaabaheeká as tlehhemi'iirén, ala gana tleéhh as adoodá' inós aa slaá', nee as gurtleemuuwós. Gurtleemuuwós kwí nguna haniís ar baraá Kristo Yesu iimír qoomaadá' gár taa iimu/ún iwa kahh.

2 Timoteo 4:18

Aako aníng i ba/amis baraá umuúqo /aymuú tlaakwe, nee iwa amohhe'eemisi ay dír ni hardah baraá waawuti'iimarós ar gawaá doori. Inós i xirfuuti ay alhhe'eesay wasle. Amin.

Ebrania 3:1

Hhaee'eé', kuungá' awa hhohho', kuungá' sleeme tunda ateét nee Mungú. Yesu ga/aawaak. Inós an ya/abusmo nee an geeraharusmoó úr oo saaliingw, kudá' atén ta lamabu'uumaan gídaabá u haratlintiaán.

Yakobo 1:1

Anuú Yakobo, lawaalmoó Mungú nee oo Aako Yesu Kristo barwaárí ngina gooiím amór tlahha'aá mibá nee tsár awa naa diyaya/aatiye' baraá yaamaá dimbadimbé. Laawaay.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i tsifaqamiisi. Tsuuqaá Mungú nee wayduuwós i ló'wa doogine' dirhunge.

1 Petro 1:5

Kuungá' tundun de'én nee /uuruú Mungú ar loohír haratlintaao, as ba/amadá' taa qaroó amohhe'eés kawa ilaota', tidá' tindi geehhooutisi bál deelór alhhe'eesaywo.

1 Petro 2:9

Ala kuungá' a xoorór taa tsawaár, geeraharuusér saaliingw ar doó waawutmo, xoorór hhoohhoo', xooroodár Mungú aa tós tleéhh, as kuungá' tlehhemi'iiwós kudá' xirfayen kuungá' kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/atamaayeerós tidár waa/oo/amór koom.

1 Petro 5:10

Mungúdá' tsuuqa sleémeero gi tawó hanmiís, inós kuungá' naa ateét as xirfuuwós kudá' alhhe'eesay wásl kuwa sleera' ar loohír Kristo. Kuungá' burtunda slahhe'eemiís deelór niinawe, daqaní Mungúdá' oo kuungá' naa ateet, gadiyeérós ga alhhe'ees baraahúng wa ale. Inós kuungá' nu aleesleemuú i haniis nee nu gawdees, nu /uuruú i haniis, nee nu sihhitis baraá haratlintaaooro.

2 Petro 1:1

Ánuú Simoni Petro, lawaalmoó Yesu Kristo nee ya/abusmoowós, aníng barwaárí ngina gooiím amór mukdá' haratlintaaór gídaabár koom gaa slay, adór atén wa ale, ar loohír gan'amuú Mungú nee Ba/amusmoorén Yesu Kristo.

Yuda 1:21

Kuungá' kumiité' baraá sla'aarír Munguhe, nee slafíngw alhhe'eesay wásl kuwa daamaaraanda', kudá' Aako Yesu Kristo ni haniisi ar gurtleemuuwós.

Yuda 1:3

Sla'aaruúse, aníng iidíguú ba/ama nguwa dirhúng i gooiim una ló'wa slaá'. Nee ba/amarí a toorén atén sleémeero. Ala aníng ana tsaáhh gídaabá gár hariím gooiro a kuungá' nun gurbuú'. Gurbu'ungw'eé' a kwí gídaabá kuungá' haratlintaao sageeslaqwaak, tidá' Mungú aa saayín amór mukós sagaáwa wák wa ale.