Yohana 4:3 - Ya/abtór hho' 1977

³ Yesu adoodá' ngiwa tsaáhh, yaamaá Yudea gay geexáy, iri tláy malé alé ay yaamaá Galilaya.

Biblía Axweesantá Hhohho' ar Mungú 2004

³ Yesu adoodá' ngiwa tsaáhh, yaamaá Yudea gay geexáy, iri malé tláy ay yaamaá Galilaya.

Yohana 4:3 Iomraidhean Croise

Matayo 10:23

Kuungá' bartunda guús baraá gixsarí wa ale, ta gobá' baraá gixsár hatlá'. Asma án a kah, gixsadaá múk Israeli i fak'aaká tam ay dír Garmoó Hee nay ki/i.

Marko 3:7

Yesu tiri paraátl, inós nee eeharuuseerós, iri tláy amór tlawi, kuri eehaár nee boo/oó yaariír oo muu. Mukwí sleémeero amór i dahhi a amór yaamaá Galilaya nee yaamaá Yudea,

Luka 17:11

Qoomár iwa loohír i dirii'i iwa Yerusalémú kay, ina waaraáhh ar baraá tla/ángw Samaria nee Galilaya.

Yohana 1:43

Looitleérose Yesu iwa Galilayár keemuú wa slai, Filipo guri ár. Yesu iri oó', “Aníng eeharáng.”

Yohana 10:40

Yesu iri malé tláy ay gayuú Yordani, ay didár aáng Yohana iwa geerí baatimiís, iri amoodá' i deél.

Yohana 11:54

Ala gawaá adoorihe Yesu aa hi'imiitiiká malé alé ar geehhoeema baraá tla/ángw múk Yahudiro. Iri quútl amoodae, iri tláy bihhaá xanxaay, ay dír gixsarka ta babay Efraimu, iri amoodá' wa hoót nee eeharuuseerós.

Yohana 2:11

Layaarí Yesu aa tleéhh amór Kanár Galilayár wa ale, a layaarós ar har geera. Aleesleemuuwós guri geehhooutís, nee eeharuuseerós guri haratlintí'.

Yohana 3:22

Aluuwo Yesu iri tláy nee eeharuuseerós ay yaamaá Yudea, iri amoodá' wa hoót deelór niinaawe nee inooín, iri baatimiís.

Yohana 3:32

Muruudá' aa ár nee aa axamiís an kudá' i lamabu'un, ala heé lamabu'uungós gu ya/a/aám i kaahh.

Yohana 4:47

Heewí nguwa axaás gídaabá Yesu naa amór yaamaá Galilayár i hardáh i yaamaá Yahudí daahh, guri i daqáy, guri harhheehhe'eés tiwa kona', as na/aywós nguwa hungu/uusi, asma i ló'wa slahhaa' tiqtiro.

Yohana 7:1

Aluudaádae Yesu ina hi'iimiít baraá yaamaá Galilayár wa ale, asma gaa slaiiká iwa hi'iimiiti baraá yaamaá Yudeár wa ale, asma múk Yahudi i inós leelehhiit, as kuwa gaasár wa slai.