Yohana 3:2 - Ya/abtór hho' 1977

² Heewí ina amór Yésú káy xweeraá ale, guri báy, “Intsaahhatusúmo, a xuaán gídaabá kuúng a intsaahhatusmo, a amór Mungú dáhh, asma heé muruuwí xuawaslén kuúng ta tlehhahhit gu aleesláw i kaahh, aqo har heé nee Mungú dinkwa.”

Biblía Axweesantá Hhohho' ar Mungú 2004

² Heewí ina amór Yésú káy xweeraá ale, guri báy, «Intsaahhatusámo, a xuaán adór kuúng tar intsaahhatusmoó amór Mungú daáhh, asma heé muruuwí xuawaslén kuúng ta tlehhahhit gu aleesláw i kaahh, aqo har heé nee Mungú dinkwa.»

Yohana 3:2 Iomraidhean Croise

Matayo 22:16

Eeharuuser'ín kari ya/aáw amoorós i alé dinkwa nee múk Herode, tari oó', “Intsaahhatusúmo, atén a xuaán gídaabá kuúng a heé ló', nee loohír Mungú adoodá' ir gana' tinar intsaahhatimís, tam kángw uroó hee u yaahamisaká, asma hhohhoartá muu a ga/eeraaká.

Matayo 23:7

Inooín kan slaa' kiwa taaqweemisi dír boo/oó muu barkaa áy. Slám ka slaa' muu ngiwa intsaahhatuusér ar ateetin.

Matayo 23:8

Ala kuungá' mutunduwa intsaahhatuusér ar ateetín asma Intsaahhatusmoohúng a wak, nee kuungá' sleémeero a hhae.

Marko 12:14

Tawa dirós i hardáh, kuri báy, “Intsaahhatusúmo, a xuaán gídaabá kuúng a heé ló', tam kángw uroó hee u yaahamisaká, tam hhohhoartós, ala loohír Mungú adoodá' ir gana' tinar intsaahhatimís. Xáy, i ganá'a waawutmoó múk Rumi kuwa koódír i hanisaan, laqaá i gan'aká?

Yohana 1:38

Yesu iri warqáy, eeharuuseedá' gu eeharahaar gari ár gari báy, “Gár ta leelehhita' a milá?” Eeharuuseedá' iri ó', “Intsaahhatusúmo, kuúng dír ta hot a diimá?”

Yohana 10:38

Ala án bar gadiyeét aga tleéhh, ala án tim haratlintatia'aakahe, gadiyeédá' naa tleéhh na haratlintiaak. Asma kuungá' kawa xua' nee kawa tsahha' gídaabá Baabá i baraaeé', nee aníng a baraá Baabá.”

Yohana 12:37

Yesu tam layaá yaariir gaa tlehhahhiiti geeraaín wa ale, ala kwa haratlinti'iiká.

Yohana 14:10

Kuúng aga haratlintiakáhe gídaabá aníng a baraá Baabá, nee Baabá i baraaeé'? Axweesanaywí ni kuungá' i kah, u kahaaká ar aleesleemuueé'. Ala Baabuúdá' baraaeé' i dirií', in gadiyeérós tleehh.

Yohana 15:24

Aníng tlehhemi'i ina tla/angw'ín wa tleéhh, tam heé hatlá' i kaahh oo tlehhema'aá adór kudá' gaa tleehh. Adoorí geeraawo bar aga tleehhiiká, inooín alók geera ta tlakweemaá konká. Ala daxta inooín tlehhemi'iieé' kaa ár, tam adoorihe aníng nee Baabuúeé' taa aahhiyé'.

Yohana 2:11

Layaarí Yesu aa tleéhh amór Kanár Galilayár wa ale, a layaarós ar har geera. Aleesleemuuwós guri geehhooutís, nee eeharuuseerós guri haratlintí'.

Yohana 20:16

Yesu iri oó', “Mariámu.” Mariamu iri warqeér, iri ilawáts ar tsifrír Ebrania, iri ó', “Raboni.” (Gídaabárós a “Intsaahhatusúmo”.)

Yohana 3:26

Yohana kuri i daqáy kuri báy, “Intsaahhatusúmo, heedá' nee kuúng ti koomá' gayuú Yordaniro, kudá' kuúng taa lamabu'uún, ga/aaweek hamí i múk baatimiis, nee muu sleémeero i amoorós i daqaqáy.”

Yohana 4:31

Qoomár muu iwa hii'iiti, eeharuuseerós guna harhheehhe'eemís guri beér, “Intsaahhatusúmo, ala /ayiím.”

Yohana 5:36

Ala lamabu'úngw án ni koom ku ak úr ta kuduú Yohanuwo. Asma gadiyeédár Baabuúeé' naa haniís ngiwa alhhe'ees. Nee gadiyeédár kilá' án ni tleehh, aníng i lamabu'uún sleeme gídaabá aníng Baabá iga ya/aáw.

Yohana 6:2

Boo/oó úr oo muu Yesu gway eehaár, asma muruú taa ár, oo Yesu aa tleéhh dír tiqtuusér i alé.

Yohana 7:31

Ala múk yaariír baraá boo/aydae Yesu guri haratlintií' tari oó', “Ahaá, Krísto bál bindi hardah, layár yaariir ar tír heewí ga baa/ ga tleéhhi?”

Yohana 9:16

Múk Farisayo bahh'alé tari oó', “Heesíng i amór Mungú dahhiiká, asma hara'ayár deelór hungu/uma ga eeharahariiká.” Bahh'alé tari oó', “Heé tlakweemaá koóm, layár adór tí tleehhamooro, adór ngir aleeslay a adoomá?” Tari afoo dakumiisiyé' tla/angw'ine.

Tlehhema'aá ya/Abuuse 10:38

Kuungá' iidíguú Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hii'imiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahhe'eemiís. Asma inós nee Mungú a dinkwa.

Tlehhema'aá ya/Abuuse 2:22

“Kuungá' múk Israeli, axweesanaywí iiár i qaasaak, Yesu, heé yaamaá Nasareti, Mungú nguna dirhúng i laqaqán ar loohír muruú xuawaslén, nee layu nee muruú waa/oo/amór koóm. Muruuwí Mungú guna tleéhh ar dákw Yesu tla/angwhúng wa ale, adoodá' kuungá' kar xua'.

Filipi 1:14

Nee tseegamor'eé' hha'aá yaariir awa Kríshaanáy gaa haratlintaao gawdés baraá Aakoowo, tari uraaráy baraá pihhu'uumaaro ar Ya/abtór hho' kawa alik/iiti ar dae wasle.