Yohana 2:2 - Ya/abtór hho' 1977

² Yesu sleeme kuna dahi'ís dinkwa nee eeharuuseerós baraá duuxoodí alé.

Biblía Axweesantá Hhohho' ar Mungú 2004

² Yesu dinkwa nee eeharuuseerós sleeme kina dahi'is baraá duuxoodá'.

Yohana 2:2 Iomraidhean Croise

Matayo 12:19

Inós i kaantinká, nee i tseeiiká ar afór ur. Slám hee afoorós ga axaasiiká loohiro.

Matayo 25:40

Nee waawutmo iri ooi, ‘Án a kah, umuúqo gaaro ar taa tlehhé' dír oo wák baraá hhaee'eé' kudá' ninakwe, a ngina aníng i tlehhé'.’

Matayo 25:45

Inós iri ooi, ‘Án a kah, umuúqo gaaro ar taa tlehhi'iiká dír oo wák baraá hhaee'eé' kuká' ninakwe, a ngina aníng i tlehhi'iiká.’

Yohana 2:12

Aluuwo iri aweér ay Kapernaumu, inós nee aayoorós nee hhaeewós nee eeharuuseerós. Tari amoodá' wa hoót deelór niinawe.

Yohana 2:17

Eeharuuseerós gari insleér gídaabá kaa gooín, “Aníng doó Baabuúeé' u ló' wa slaá'. Sla'aarirí aníng in tliiw/iín nguwa xuum.”

Yohana 2:22

Aluuwo qoomár inós niwa waasleé/ baraá múk aa qaátl wa aleeró, eeharuuseerós iidíguudá' Yesu aa káh guri insleér. Gooidá' gari haratlintí', nee /aymuudá' Yesu aa kaahi.

Yohana 2:3

Difaái iwa aleén, aayór Yesu iri hardát dír Yesu, iri ó', “Difaái aa aleén.”

Yohana 3:22

Aluuwo Yesu iri tláy nee eeharuuseerós ay yaamaá Yudea, iri amoodá' wa hoót deelór niinaawe nee inooín, iri baatimiís.

Yohana 4:2

(Ala Yesu inósuú kilá' aa baatimiisiiká, eeharuuse ina baatimís).

Yohana 4:33

Eeharuuse iri kilooín axwés iri ó', “Heé gwa muruú /aymár i huuw in deéro?”

Yohana 4:8

Asma eeharuuseerós aa muruú /aymár tlaxór eér baraá gixsa.

Yohana 6:12

Tam qoomár tawa aáx, Yesu eeharuuseerós gari báy, “Parhheemoodá' naa meetiye' burumburaak, tam parhhamtá wák miwa qwát.”

Yohana 6:16

Tsiindo niwa xayé', eeharuuseerós iri awét ay afaá tlawi.

Yohana 6:60

Múk yaariír baraá tla/ángw eeharuusér Yesuwo axweesanaydá' kuwa axaás, tari oó', “/Aymuuwí ku gawít, heé ya/aamaro gu aleesláw a heemá?”

Yohana 6:66

Iimír qoomaadae múk yaariír baraá eeharuuseerose iri alí kií/, Yesu kwa sangw eehariiká.

Yohana 6:67

Yesu iri oó' dír eeharuuseerós tidá' miba nee tsár, “Xáy, kuungá' sleeme aníng i geexeemuú wa sla'á'a?”

Yohana 6:70

Yesu iri oó', “Xáy, án kuungaásingá' mibá nee tsár naa tsawaáriíke? Nee oo wák baraahunge a neetlaangw.”

Yohana 6:71

Gawaá axweesantihe daanduú Yuda guna axweés, garmoó Simoni Iskariote, asma inós an kudá' gu sakií/, nee inós an heé wák baraá eeharuuseedá' mibá nee tsare.

Yohana 6:8

Eeharusmoowós oo hatlá', Andrea, hhiyoó Simoni Petro, iri oó',

Yohana 7:3

Hhaeewós nguri bayé', “Quútl diirihe, tláw baraá Yudea, as eeharuuseerók tlehhemi'iiwók kudá' ta tlehhahhit, ngiwa ariya'.

Tlehhema'aá ya/Abuuse 11:26

Nguwa sláy nguri huúw ay Antiokia. Inooín kurkú wák kuri al faák nee eeharuuse, tidá' baraá Antiokiár i dirii', múk yaariír kuri intsaahhatimís. Yaamaá Antiokia an dír geera ar haratlintaauuse kawa báy Kríshaanáy.

Tlehhema'aá ya/Abuuse 11:29

Eeharuuse iri al'axwés iri ó', “Umuúqo heewo alee/isoó i aleeslay ngu haniisi, as kuwa huwi amór hhaeerén kudá' yaamaá Yudeár i diriiá'.”

1 Korinto 10:31

Án gár ni kah a tí gídaabá, kuungá' barnaxes a /ayiindá', laqaá bar wahaandá', laqaá umuúqo gaaro ar ta tlehha'a, sleémeero tlehhiitaak ar Mungú iwa xirfuuti.

1 Korinto 7:39

/Ameenír taa duúx, hhawaatuuwós bir slaaf, /ameenidá' makawa duúx. Ala bar hhawaatuuwós aa gwaá', i ya/aán inós kawa duuxi nee heé inós i sla'. Ala adoorí ka tleehhi ar baraá Aako.

Kolosai 3:17

Nee umuúqo gaaro ar ta tlehha'a ar axweesani laqaá ar tlehhma, sleémeero ka tlehhá' ar umuú Aako Yesu, nee Mungú Baabá kuwa sluufimisa' ar inós.

Ebrania 13:4

Muu sleémeero duuxo ngi ilaiwawa/i. Hhawaata nee hareerós masók a múk inkihhimuú koóm baraá duuxor'ine. Asma Mungú fuquuse nee tsaatuuse ga sakwasleemuut.

Geehhoeemaá 3:20

Ga/aaweek, aníng a sihhimiít afkuú dó' wa ale, a ateetiím. Hee barnaxes afor'eé' gaa axaás, nee afkuú do' guri gweér, aníng a dáh amoorós, aníng niri al/ayiím nee inós, nee inós iri al/ayín dinkwa nee aníng.