Yohana 13:3 - Ya/abtór hho' 1977

³ Yesu gaa xuú' ar gídaabá Baabá mura' sleémeero gwa dabaawós i qaás, nee ar gídaabá inós amór naa daáhh a amór Mungú, nee hám i amór Mungú káy.

Biblía Axweesantá Hhohho' ar Mungú 2004

³ Yesu gaa xuú' adór Baabá mura' sleémeero ngura gawaá dabaawós i qaás, nee adór inós amór naa daáhh tar amór Mungú, nee hám i amór Mungú káy.

Yohana 13:3 Iomraidhean Croise

Matayo 11:27

Iri oó', “Umuú gaaro kinga dabaaeén i qaás nee Baabuúeé'. Ala heé Garma gu xuú' i kaahh, aqo har Baabá kilós. Slám heé Baabá gu xuú' i kaahh, aqo har Garma kilós nee kudá' Garma xu'utisaro aa slaá'.

Matayo 28:18

Yesu iri tseewúy dir'ín i alé, giri báy, “Aleesleemu sleémeero oo gawaá doori nee oo baraá yaamu kunga aníng i haniís.

Luka 10:22

Iri oó', “Umuú gaaro kinga dabaaeén i qaás nee Baabuúeé'. Ala heé Garma gu xuú' i kaahh, aqo har Baabá kilós. Slám heé Baabá gu xuú' i kaahh, aqo har Garma kilós, nee kudaádá' Garma xu'utisaro aa slaá'.”

Yohana 1:18

Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhoutis.

Yohana 13:1

Qoomár deeloodá' ur ar Pasaáka iwa xeeriiká. Yesu gaa xuú' gídaabá qoomaarós aa xeér, tidá' iwa quutli baraaká' yaamuuwo, iwa tlay amór Baabá. Nee inós mukós kwí oo baraaká' yaamu guna slaá', slám guri ló'wa sla'ati hhe'eés ay alhhe'eesaay.

Yohana 17:2

adoodá' kuúng kura aleesleemuú i hanís daanduú muu sleémeerowo, asma sleémeero kudá' taa dirós i hanís ngiwa slafíngw alhhe'eesay wásl i haniisi.

Yohana 3:13

Slám heé aa gawaá doorí tsa/an i kaahh, aqo har Garmoó Hee kudá' naa gawaá doorí wa aweer.

Yohana 3:35

Baabá Garma gu slaa'. Inós mura' sleémeero gwa dabaá Garmaá i qaás.

Yohana 7:29

Inós aníng u xuú' asma aníng a amoorós daáhh. Inós an kudá' aníng iga ya/aaw.”

Yohana 7:33

Yesu iri oó', “Har qoomár niinawe án nee kuungá' a dinkwa. Aluuwo aníng a tláw amór kudaádá' aníng iga ya/aaw.

Yohana 8:14

Yesu iri oó', “Aníng tam ti kilooeé' lamabu'uuma, lamabu'ungw'eé' oo ló', asma aníng amór ni daahh a xuú', nee amór ni kaw sleeme. Ala kuungá' a xua'aaká amór ni daahh laqaá tam amór ni kaw.

Yohana 8:42

Yesu iri oó', “Mungú geera bar baabuúhúng, án geera kuungá' iga slaé'. Asma án amór ni daahh a amór Mungú. Niri hardáh amoorí alé. Ala naa hardahiiká as sla'aarir'eé', ala án Mungú ina ya/aáw.

Tlehhema'aá ya/Abuuse 2:36

“Gawaá adoorihe kuungá' múk Israeli, xuaak kángw kilá' wa ale, gídaabá Yesu kudá' kuungá' taa kikié' Mungú gwa Aako tleéhh, nee tawa Kristo.”

1 Korinto 15:27

Asma Gooi i kat, “Mungú mura' sleémeero gway baál, gway gawaá dabaá Kristó i qaás.” Ala gooirí iwa kat gídaabá, “Mura' sleémeero kwa gawaá dabaawós i qaás”, gaarí ka geehhoo' gídaabá Mungú i kaahh baraá muruudá' sleémeerowo. Asma Mungú an kudá' mura' sleémeero gwa baal guri qaás gawaá dabaawós i alé.

Ebrania 1:2

Ala de'emaarén kuká' alhhe'eesayhe aa diirén i axweés ar Garmaawós, kudá' aa aalusmoó wa qaás oo mura' sleémeero, slamí mura' sleémeero guna baraá inós ar tleéhh.