Yohana 10:3 - Ya/abtór hho' 1977

³ Heedaádá' afkuú doó xuúm, afkuú do' gu gweer dír heewihe. Nee bee/aangw afoorós gari axaas. Inós bee/aangós guri ateetín ar ume, nee guri tsee/aá i duux sleémeero.

Biblía Axweesantá Hhohho' ar Mungú 2004

³ Heedaádá' afkú doó xuúm, afkú do' gu gweer dír heewihe. Nee bee/aangw afoorós gari axaas. Inós bee/aangós guri ateetín ar ume, nee sleémeero guri tsee/í duux.

Yohana 10:3 Iomraidhean Croise

WARA'AMI 80:1

Kuúngusuú de'emusmoó múk Israeli, iia qaaseek, múk Yosefu geeraharahareek adór daqooroó bee/aangw. Kuúngudá' aga gawtí iwit dír malaykeero, xirfuuwók gwa/atiseek.

Yohana 10:14

Aníng a de'eamusmoó hhoó'. Aníng bee/angw'eé' u xuú', nee bee/angw'eé' aníng i xuu'.

Yohana 10:16

Bee/ángw hatlá' sleeme u koóm, ala i baraá daqtiheeká. Bee/angwí gár kuwa hariím a ngun huúw baraá daqtí alé. Inooín afor'eé' ngiri iiár i qaasiyá', aluuwo tari daqtá wák nee de'eamusmo tari wak.

Yohana 10:4

Qoomár bee/aangós sleémeero burngu duuxún, gun geerahaar, nee bee/aangw iri eeharín, asma afoorós ga xuu'.

Yohana 10:9

Aníng an afkuú do'. Hee bira dáh ar aníng, i ba/án. Inós in darah nee in ti'imiit, nee /aymisi ga sláy.

Yohana 6:37

Kudá' sleémeero Baabá naa aníng i haniís, i amor'eé' hardahiyá'. Slám umuúqo heewo oo amor'eé' hardáh, u baloó tsee/aá i kwahhaaká.

Yohana 6:45

Kaa gooín baraá gooír aaruuseero gídaabá, ‘Muu sleémeero ku intsaahhatis nee Mungú.’ Gawaá adoorihe, umuúqo heewo oo Baabá gwa axaas, nee gari intsatsaahh amoorós wa ale, i amor'eé' hardah.

Rumi 8:30

Nee kudá' iimír aange aa qaroó tsawaár, giri ateét, nee kudá' aa qaroó ateét, giri gan'amuú i harafaár. Nee kudá' aa gan'amuú i harafaár, giri xirfayeés.

1 Korinto 16:9

Asma afkuú doó úr kunga aníng i gweér oo gadiyér ur ngiwa ló'wa tleehh, nee slám múk yaariír oo aníng i baqamiím i deer.

Filipi 4:3

Nee kuúng sleeme, sla'aarusmooeé' oo sagadiyusmo dinkwa nee aníng, án kuúng u firiím, /ameenaasíng alee/iiseek. Asma inooín Ya/abtór hho' ngina sa slaqwiyé' nee aníng, nee Klementiwo, dinkwa nee kudá' hatlá' awa gadiyeét ngaa tleehhiye' nee aníng. Inooín umer'ín kaa gooín baraá kitaábuú slafiingw.

Kolosai 4:3

Atén sleeme ti aleefiriiriinde' gídaabá Mungú pa/aangw ngu haniisi, oo ya/abtoorós ar lu/aaroó Kristo kawa alki/iitaan. Lu/aaráywí an kudá' aníng tisa tseék.

2 Timoteo 2:19

Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, “Aako mukós gu xuu',” nee slám “Umuúqo heewo oo umuú Aako gu ateetiím, tlakweema ngi may.”

1 Petro 1:12

Kaangwí kuri dir'ín i gwa/atís gídaabá inooín iidíguuwí gár kus kaahi a inooineeká, ala as kuungá'. Nee hám daxta iidíguuwí kunga oó' dirhunge nee mukdá' Ya/abtór hhoo' ngaa alki/iit dirhúng i alé ar loohír Qeeruú hhoohhoó', kudá' tinda ya/aáw gawaá doorí wa ale. Muruuwí tam malayke sleeme gun ilatleerús nguwa artá wa sla'.

1 Yohana 4:6

Atén awa Mungú, umuúqo heé Mungú gu xuú', axweesantarén ga axamiis, múk Munguheeká axweesantarén ga axamiisiiká. Adoorihe a tsaahhaán tidár ló' nee tidá' tlakw.

3 Yohana 1:14

Asma baraá deeloorí tseewe aníng ni hardahamuú slaá' amoorók i alé, daqaní a afér ar axweesaán.

Geehhoeemaá 20:15

Nee Umuúqo heewo oo umuuwós taa gooiniká baraá kitaábuudú Slafíngw i alé, inós kuri kwaáhh baraá tlawtadá' asla iwa ohahiin.

Geehhoeemaá 3:20

Ga/aaweek, aníng a sihhimiít afkuú dó' wa ale, a ateetiím. Hee barnaxes afor'eé' gaa axaás, nee afkuú do' guri gweér, aníng a dáh amoorós, aníng niri al/ayiím nee inós, nee inós iri al/ayín dinkwa nee aníng.

Geehhoeemaá 7:17

Asma Deelmoó bee/i kwí tla/ángw kitángw aleesleemuú i dirií', inós inooín gi de'én, giri geeraharahaar didár kutltá ma'aá slafíngw koomá' i dirii'. Nee Mungú hhirhheeri'ín sleémeero gi fiits baraá ilaaine.”