Yohana 1:9 - Ya/abtór hho' 1977

⁹ Ala gwa/atamaayér ló' ar umuúqo heewo gu gwa/atis, i hi'ít baraá yaamí alé.

Biblía Axweesantá Hhohho' ar Mungú 2004

⁹ Ala gwa/aateemaá ló' kudá' umuúqo heewo ngu gwa/atamiisá', i baraá yaamií hi'iitiyá'.

Yohana 1:9 Iomraidhean Croise

Matayo 6:23

Ala iltók bar ka tlaakw, slaqwtók sleémeero i gíp. Ala gwa/atamaayeedá' baraawók i dirii' bir gíp, gaasíng a umú giwtirooká.”

Luka 11:36

Ala slaqwtók bar gwa/atamaayeero i háts, tam dír giwtír koom i káhh, daqaní slaqwtók sleémeero i gwa/át, adoodár tsaa'asi ir gwa/at amoorók i alé ar gwa/atamaayeerós.”

Yohana 1:4

Slafíngw alhhe'eesay wásl in baraawós i dirii', nee slafiingwí an gwa/ateemaá muu.

Yohana 1:7

Heewí nina hardáh as lamabu'uungw, gwa/atamaayeedá' ngiwa lamabu'un, as muu sleémeero i haratlintii'i ar inós.

Yohana 12:46

Aníng nina baraá yaamuú i hardáh, as niwa gwa/ateemaá yaamu tleehhiit, asma kudá' aníng iga haratlintii' miwa baraá giwtír wa hoót.

Yohana 14:6

Yesu iri oó', “Aníng an loohi nee looeema nee slafiingw. Heé naa dir'eé' ar oohiiká, i amór Baabá i hardihiiká.

Yohana 15:1

“Aníng a xa'anoó sabiíbu kuduú ló', nee Baabuúeé' an dooslitmo.

Yohana 6:32

Yesu iri oó', “Án a kah, Musa mikaátér dooraá daahh ngaa haniisiiká, ala a Baabuúeé' mikaátér ló' ar dooraá daahh, ngin hanimiis dirhúng i alé.

Yohana 7:12

Múk yaariír iri qununuú/ baraá boo/aydae daanduú Yesuwo. Bahh'alé tari oó', “A heé hhoó'.” Bahh'alé ta kaahi, “Aasla'áy, in múk al/agín.”

1 Yohana 1:8

Atén bar kaahaan tlakweema i koomanaaká, ti kilootén al/agiimaán, tam looeema baraarene i kahhiyá'.

1 Yohana 2:8

Ala inós ka /aben sleeme, axweesantadár ló' baraawose nee baraahunge, tidá' kah, giwti i waaráhh, nee gwa/ateemaadá' awa ló' naa qaroó gwa/aatiyé'.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Mungú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Mungú ló' nee slafíngw alhhe'eesay wásl.