Yohana 1:4 - Ya/abtór hho' 1977

⁴ Slafíngw alhhe'eesay wásl in baraawós i dirii', nee slafiingwí an gwa/ateemaá muu.

Biblía Axweesantá Hhohho' ar Mungú 2004

⁴ Slafíngw alhhe'eesay wásl in baraawós i dirii', nee slafingwí an gwa/aateemaá muu sleémeero.

Yohana 1:4 Iomraidhean Croise

WARA'AMI 49:6

Inooín a múk harahhifor'ín gaa qaas gawaá daqaari'iimar'ín, slám tan waahhamín as daqaari'iimar'ín kawa yaariír.

WARA'AMI 84:11

Asma AAKOÓ Mungúrén an gwa/aateema nee an adór gaamboót, AAKOÓ MUNGÚ gurhhooa nee xirif gi kón. Inós ku hhoó' dír mukdaáduú gan'amuú kooma.

Matayo 4:16

mukdá' aa hoot baraá giwtír wa ale gwa/ateemaá ur kaa ár. Nee kudá' naa yaamaá geehhaantamoó gwa'arár wa hootiye', gwa/ateema ngaa i gwa/aatiyé'.”

Luka 2:32

tawa gwa/ateemaá gwa/aatá' dír xoorduuwo, nee tawa xirif dír mukók Israeliwo.”

Yohana 11:25

Yesu iri oó', “Aníng an waasle/ nee slafiingw. Heé aníng iga haratlintii', tim i gwaai, inós i slaaf.

Yohana 12:35

Yesu iri oó', “Qoomár niinawe gwa/ateema i kumiitiyá' iwa gwa/aatiya' dirhunge. Hi'iimité' ar baraá gwa/ateemaaká', giwti munduwa ót. Asma hee bir baraá giwtír wa hi'iimiit, amór i kay ga xuiiká.

Yohana 12:46

Aníng nina baraá yaamuú i hardáh, as niwa gwa/ateemaá yaamu tleehhiit, asma kudá' aníng iga haratlintii' miwa baraá giwtír wa hoót.

Yohana 14:6

Yesu iri oó', “Aníng an loohi nee looeema nee slafiingw. Heé naa dir'eé' ar oohiiká, i amór Baabá i hardihiiká.

Yohana 3:19

Sakwasleema an tí ar gídaabá gwa/ateema nina baraá yaamí hardihiyé', ala muu giwti gana slaá' ta gwa/ateemaawo, asma muruú ta tlehhahhiti ku tlákw.

Yohana 5:21

Asma adoodá' Baabá tu'u ngir waaslee/atimisi nee ngir slafimisi, Garma sleeme mukdá' inós aa tsawaár, gun slafimis.

Yohana 5:26

Asma adoodá' Baabá ir slafíngw kon, nee Garma sleeme gwa slafíngw i haniís.

Yohana 8:12

Yesu iri malé oó', “Aníng a gwa/ateemaá yaamu. Heé aníng iga eehaar, i baraá giwtír kayká baloó alé, ala inós gwa/ateemaá slafiingw gi kón.”

Yohana 9:5

Qoomaarí án niwa baraá yaamí dirii', aníng a gwa/ateemaá yaamu.”

Tlehhema'aá ya/Abuuse 26:23

Nee iidíguudá' a kwí, Kristo gár kuwa hariím a kun slahhe'eemiis, nee tari heé geera waasle/uuwo baraá múk aa qaátl wa ale. Nee iidíguú gwa/ateema guri huuw dír múk Israeli nee dír múk xoordaá hatlá'.”

1 Korinto 15:45

Adoorí an adoodá' Gooi i kat sleeme gídaabá, “Heeduú geera, Adamu, inós kuna slaqwtá slaáf i haniís.” Ala Adamuduú alhhe'eesaay inós aa Qeeru tleehhiít, kudá' slafíngw hanmiís.

Efeso 5:14

Gaarí an gár tasa oó', “Tláw, kuúnguudá' guaiím, waasleé/ baraá múk aa qaátl wa ale, daqaní Kristo kuúng u i gwa/aat.”

Kolosai 3:4

Kristo a slafingwhúng oo ló'. Inós bál binda male geehhooúy, kuungá' daqaní a geehhoouurá' dinkwa nee inós ar baraá xirif.

1 Yohana 1:1

Kángw axweesantá slafiingw ngun gooiimaán amorhúng, axweesantadá' qaroó daadáw iimír iimu/uungo, tidá' taa axaasaán, nee taa araán ar ilaarén, tidá' taa ga/aawaán kay kwatimiitaán ar dabaarén.

1 Yohana 1:2

Slafiingwí nina geehhooúy, atén kway araán, slám ngun dirhúng i lamabu'uumaán nee ngun alki/iitaán slafingwdá' alhhe'eesay wásl, kudá' geeraawo amór Mungú Baabá i dirií', tinda amoorén i geehhooutís.

1 Yohana 5:11

Lamabu'uungw an kwí, Mungú slafíngw alhhe'eesay wásl nguna haniís. Slafiingwí naa haniís i baraá Garmaawós i dirii'.

Geehhoeemaá 22:1

Aluuwo malaykamoodá' yaaér ma'aá slafíngw koom ngiri laqán. Yaaeedá' ma'aywós i gwa/aatiyá' adór looa. Yaaeerí dír i dahh a baraá kitangwduú aleesleemu oo Mungú nee oo Deelmoó bee/i,

Geehhoeemaá 22:16

“Ánuú Yesu malaykamooeé' nguna ya/aáw as muruuwí nguwa lamabu'un dirhúng i alé, kuungá' múk Kríshaanáy oo baraá gixsadaá dimbadimbé. Aníng a heedá' baraá tlahhoó Daudí daáhh. Aníng a xwaylár Daudi. Aníng a tsatsee/idá' gwa/aat ar matlatle ar ta babay Haymú.”