Biblia Todo Logo
Bìoball air-loidhne

- Sanasan -




Yohana 1:12 - Ya/abtór hho' 1977

12 Ala kudá' sleémeero ngwa ilaoohiye', gina aleesleemuú i haniís, tawa na/'aá Mungú tleehhiti. Inooín an kudá' inós ngwa haratlintii'iye'.

Faic an caibideil Dèan lethbhreac

Biblía Axweesantá Hhohho' ar Mungú 2004

12 Ala kudá' sleémeero ngwa ilaoohiye', gina aleesleemuú i haniís, tawa na/aá Mungú tleehhiti. Inooín an kudá' inós ngwa haratlintii'iye'.

Faic an caibideil Dèan lethbhreac




Yohana 1:12
27 Iomraidhean Croise  

“Heé kuungá' naa ilaoh, a án ina ilaóh, nee heé án iga ilaoh, a kudá' án iga ya/aaw guna ilaóh.


Nee múk xoordu inós guri haraxuu'.”


Hee bar na/oó wák oo adór kwí gwa ilaóh ar umuueé', a aníng iga ilaóh.”


Inós nina ayaawós i hardáh, ala kwa ilaoohiiká nee mukós.


Heewí nina hardáh as lamabu'uungw, gwa/atamaayeedá' ngiwa lamabu'un, as muu sleémeero i haratlintii'i ar inós.


Ala as xooroorí kiloseeká. Nee tam as mukdá' Mungú haratlintií' baraá xoorduuwo nguwa burumburi as tawa wák tleehhiti.


Nee qoomár Yesu iwa baraá Yerusalemúr i dirii'i, bál deelór ur ar Pasakuwo, múk yaariír inós guri haratlintií', layuudá' inós aa tleéhh kiwa ár.


Ala kuká' kingina gooín, asma kuungá' kawa haratlintia' gídaabá Yesu a Kristo, Garmoó Mungú, nee sleeme slafiingw kuwa sleera' baraá umuuwós wa ale asma kuwa haratlintié'.


“Heé Garma gwa haratlintii' ku sakwasleemuutiiká. Heé Garma gwa haratlintii'iiká, kwa hhe'eés sakwasleemaro, asma Garmaadá' kilós oo Mungú gwa haratlintii'iiká.


Heewí kuungá' ta ga/eera' nee oo ta xua', heé inós gwa /uuruú i haniis a Yesu, asma haratlintaao. Heewí kuri hungu/uús ar /uuruú haratlintaaoorí amór Yesú daahh, adoorí kuungá' sleémero kur ga/eera'.


Mukdá' sleémeero oo Qeeruú Mungú i geeraharahari, inooín a na/'aá Mungú.


Qeeru i lamabu'ún dinkwa nee qeeruurén gídaabá atén a na/'aá Mungú.


Nee mura' sleémeero sleeme kudá' Mungú aa tleéhh, ku daamaarán ar haraxu'uti, gídaabá na/'aá Mungú ki geehhooeesi baraá xirfuú wa ale.


Asma kuungá' sleémeero a na/'aá Mungú asma Yesu Kristo ugwa haratlintié'.


Asma adoodá' kuungá' tawa na/'iiwós, Mungú Qeeruú Garmaawós nguna ya/aáw baraá muneerén i aleeró, kudá' ateetiím, “Baabá, Baabá.”


Kuungá' Kristo una ilaoté' tawa Aako. Nee ala daxta hooté' baraá slafingwhunge, tawa aldinku'uumisa' nee inós.


Gawaá adoorihe tam al'axweesanoó urén nee oo gídaabár koóm atén ugwa slawaán ar xirfuuwós nee /uuruuwós. Kuungá' al'axweesanaywí bura haratlintié', hhitiru'uumár baraaká' yaamu daqaní ilagowto a aleesleerá', nee tlehhmuú munguiima u sleerá'.


Sla'aarír Baabá adór kar úr áx ga/aawaak, tí ar atén tiwa na/'aá Mungú ar ateetin, anqo adór hamí ta i diriiaan. Gaarí an gár múk aa haratlintii'iiká atén tis tsatsahhanká, asma Baabá sleeme kwa tsaahhiiká.


Gawaá adoorihe na/'aá Mungú ki geehhoo', tam na/'aá Neetlaangw sleeme. Asma heé tlakweemaá tlehhaahhiít kwa laqwaaliiká nee Mungú, tam kudá' hhiyaawós ahhiít sleeme.


Sla'aaruúse, daxta atén a na/'aá Mungú, ala adór aluuwo ta laqaan hamírihe naa gehhoouuriká, ala tí a xuaán gídaabá Yesu bir na wayaá', atén a adór inós tleehhitaán. Asma un araán adoodá' inósuú kilá' i dirii'i.


Hara'ayaarós a tí, “Garmaawós Yesu Kristo ku haratlintiaán, nee atén nee hhaeerén ti sla'asla'aané' adoodá' tira hara'ayín.”


Lean sinn:

Sanasan


Sanasan