Yohana 1:1 - Ya/abtór hho' 1977

¹ Iimír iimu/uungo /aymu i daadeer. /Aymuuwí amór i dirii'i a amór Mungú. Nee /aymuuwí inós a Mungú.

Biblía Axweesantá Hhohho' ar Mungú 2004

¹ Iimír iimu/uungo /aymu i daadeer. /Aymuuwí amór i dirii'i a amór Mungú. Nee /aymuuwí an Mungú.

Yohana 1:1 Iomraidhean Croise

WARA'AMI 45:6

Mungú, kitaangók oo waawuti'iima i hotatin kureerisleém, Waawuti'iimarók a waawuti'iimár gan'amu.

Matayo 1:23

“Ga/aaweek, /amatliito'o i tsít, na/oó garma gu xwayluúr, ku umí tsaat, ku bay Imanueli” gídaabárós, “Mungú nee atén dinkwa.”

Luka 24:53

Umuúqo siiwaro inooín tana baraá Doó Mungú wa iwiwiít, tawa Mungú xirfayeemisi.

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurhhooaro nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 1:18

Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhoutis.

Yohana 1:2

Kwí iimu/uungo amór Mungú gan i dirii'.

Yohana 16:28

Aníng an amór Baabá daáhh, nay baraaká' yaamí hardáh, slám án daxta yaamu i geexáw, nay tláw amór Baabá.”

Yohana 17:5

Nee hám Baabá, án kuúng na xirfayeesáng amoorók wa ale, ar xirfuudá' ni amoorók wa koom iimír yaamu kiwa tleehhiiká.

Yohana 20:28

Tomaso iri oó', “Aakooeé' nee Mungúeé'.”

Yohana 8:58

Yesu iri oó', “Án a kah, iimír Abrahamu kuwa laqwaliiká, aníng a qaroó daadeer.”

Rumi 9:5

Inooín a laqwalór baabi'iidá' aáng. Nee Kristo dír naa daáhh a baraá tlahhay'ín xwaylár slaqwto. Inós a Mungú mura' sleémeero. Inós i xirfuuti ay alhhe'eesay wasle. Amin.

Efeso 3:9

Nee án gár tiwa hariím a lu/aaráydá' Mungú i tleehhamór wa slai, loohír ir tleehharuuti aníng an gwa/atimís dír múk i alé. Iimír iimu/uungo Mungú, kudá' mura' sleémeero gwa tleehh, kaangwí guna luú/.

Filipi 2:6

Inós iimír iimu/uungo tlehhemuuwós a adór kuquú Mungú. Inós nee Mungú i qoná'. Ala inós ina ya/án qoomtidá' nee Mungú tawa qon ngiwa geexay.

Kolosai 1:15

Kristo an slaqsoó geehhoó' oo Mungúdá' geehhooeeká. Inós kuna geerí laqwaál nee Mungú, qoomár mura' sleémeero kuwa tleehhiiká, kudá' sleémeero oo taa tleéhh.

Kolosai 1:17

Inós i daadeer dír iimu/úngw mura' sleémeerowo, nee baraawose mura' sleémeero in kumaamiit ar adoodá' ngura tleéhh.

1 Timoteo 3:16

Ar ló', lu/aaroó haratlintaaoorén ku ló'wa úr. Mungú kuna geehhooutís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Iidíguuwós kuri alki/iít dír xoorduuwo, inós kuri haratlintií' baraá yaamuuwo, kurir tláy gawaá doori.

Tito 2:13

qoomár boo/emisuú haraxu'utirén kuwa daamaaramaan. Haraxu'uti an tí gídaabá Mungúrén oo úr nee Ba/amusmoorén Yesu Kristo nin hardah ar baraá xirif.

Ebrania 13:8

Yesu Kristo inós an kuduú isá/ nee laarí tam ay alhhe'eesay wasle.

Ebrania 7:3

Inós i baabuú konká, slám i aayór konká, slám tlahhaywós i kaahh. Iimu/úngw deeloorós i kaahh, slám alhhe'eesoó slafiingós i kaahh. Ala inós a adór Garmoó Mungú. Inós a geeraharusmoó saaliingw ay alhhe'eesay wasle.

2 Petro 1:1

Ánuú Simoni Petro, lawaalmoó Yesu Kristo nee ya/abusmoowós, aníng barwaárí ngina gooiím amór mukdá' haratlintaaór gídaabár koom gaa slay, adór atén wa ale, ar loohír gan'amuú Mungú nee Ba/amusmoorén Yesu Kristo.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Mungú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Mungú ló' nee slafíngw alhhe'eesay wásl.

1 Yohana 5:7

Asma awa ngu lamabu'uumá' a tám [gawaá dooriwo, a Baabá, nee Axweesani, nee Qeeruú hhoohhoó', ala kuká' tám a wak.

Geehhoeemaá 1:11

Afoorí ina beér, “Gár kuúng ta aan gooiimeek baraá kitaábuú i alé, nee daqaní kay ya/áp amór múk Kríshaanáy oo baraá gixsadaá faanqw, gídaabá amór kuduú Efeso, nee Smirna, nee Pergamo, nee Tiatira, nee Sardi, nee Filadelfia, nee Laodikia.”

Geehhoeemaá 1:17

Aníng qoomár nguwa ár, niri huú' dír ya'aawós i alé adór heé aa gwaa'. Dakós oo doó /iyáy nguri qaás gawaaeé' i alé, iri oó', “Ma da'ayuumitaar. Aníng a kudá' oo geera nee kudá' oo alhhe'eesaay,

Geehhoeemaá 1:2

Nee Yohana muruudá' sleémeero aa ár guri alki/iít. Inós axweesantá Mungú gari lamabu'ún, nee lamabu'úngw Yesu Kristo sleeme.

Geehhoeemaá 1:8

Aakoó Mungú i kaahi gídaabá, “Aníng an Alfa nee Omega, aníng an iimu/uungw nee alhhe'eesaay.” Aníng an kudá' dáw, kudá' daadáw, nee kudá' hardáh, kuduú Aleesleemusmoó mura' sleémeero.

Geehhoeemaá 19:13

Inós kwaa tsiitiís ar inqwaarír taa tumquús ar baraá tseere, nee umuuwós ku babay Axweesantá Mungú.

Geehhoeemaá 2:8

“Gooiimeek amór malaykamooduú múk Kríshaanáy oo baraá Smirnár i dirií', “‘Axweesantí dír i dahh a dír kuduú geera nee oo alhhe'eesaay. Inós geeraawo ina gwaá' ala iri slaáf.

Geehhoeemaá 21:6

Nee inós aníng iri báy, “Aa tleehharút. Aníng an Alfa nee Omega, iimu/uungw nee alhhe'eesaay. Heé waxiít aníng u ma'aá slafíngw i haniís, as ngiwa wahi, slám awa bu'utu wasl.

Geehhoeemaá 22:13

Aníng an Alfa nee Omega, kuduú geera nee kuduú alhhe'eesaay. Nee slám aníng an iimu/uungw nee alhhe'eesaay.”

Geehhoeemaá 3:14

“Gooiimeek amór malaykamooduú múk Kríshaanáy oo baraá Laodikiár i dirií', “‘Axweesantí dír i dahh a dír kudá' ta babay Amin. Inós an lamabu'usmooduú inkihhimuú koóm nee oo looeemaá axweés. Inós an iimu/úngw muruudá' sleémeero Mungú aa tleéhh.