Tlehhema'aá ya/Abuuse 1:4 - Ya/abtór hho' 1977

⁴ Tam qoomár inós nee ya/abuuse tiwa doogiyé', hara'aya gari dir'ín i haniís, iri oó', “Ma ti'iitara' baraá Yerusalemuwo, ala al'axweesantadá' ar Baabá na daamaak, tidá' taa axasé' dir'eé' wa ale.

Biblía Axweesantá Hhohho' ar Mungú 2004

⁴ Tam qoomár inós nee ya/abuuse tiwa doogiyé', giri hara'ayín, iri oó', «Ma ti'iitara' baraá Yerusalemuwo, ala al'axweesantá Baabá na daamaak, tidá' taa dir'eé' wa axasé'.

Tlehhema'aá ya/Abuuse 1:4 Iomraidhean Croise

Matayo 10:20

Asma heé axweés a kuungaeeká, ala a Qeeruú Baabuúhúng oo axweés baraahúng wa ale.

Luka 11:13

Ala kuungaásingá' tlakw muruú hhó' u xuá' kuwa na/'iihúng i hanmisa'. Xáy, Baabuúduú gawaá doorí dirií' i ak waaraáhhiíke Qeeruú hhoohhoó' nguwa haniisi dír kudá' ngu firiiriima'a.”

Luka 12:12

Asma Qeeruú hhoohhoó' kuungá' nu intsaahhatis siiwadaádae ar hariim ooaro.”

Luka 24:49

Nee ga/aawaagáy, tidá' Baabuúeé' naa oó' aníng ngin dirhúng i ya/aáw. Ala kuungá' iwiwiité' baraaká' gixsarí wa ale, ay dír /uuruú gawtá daáhh kway sleera'.”

Yohana 14:16

Án Baabá u firiím, nee inós alee/isusmoó hatlá' ngu haniis as iwa hooti dirhúng wa ale ay alhhe'eesay wasle.

Yohana 15:26

“Alee/isusmoodá' binda hardáh, kudá' aníng ni ya/aaw amór Baabá wa ale, inós aníng i lamabu'ún. Inós a Qeeruú looeema, kudá' amór Baabá daáhh.

Yohana 20:22

Aluuwo tí ooaro ngiwa hhe'eés, giri i hiínsl, giri báy, “Qeeruú hhoohhoó' ilaoohaak.

Yohana 7:39

Yesu axweesanaywí guna axweés daanduú Qeeruú hhoohhoó', kudá' ta haniisi dír mukdá' sleémeero oo inós gwa haratlintii'. Qeeru naa hardahiiká qoomaadae, asma qoomaadae Yesu xirfuuwós gwa slayká.

Tlehhema'aá ya/Abuuse 10:41

Ala a dír muu sleémeerowooká, a dír ateédá' Mungú aa qaroó tsawaár lamabu'uusér wa ale. Atén ana /ayiimaán nee ana wahaamaán nee inós, alaá inós niwa waasleé/ baraá múk aa qaátl wa ale.

Tlehhema'aá ya/Abuuse 2:33

Inós kuna tsa/aás ay dír dákw /iyáy oo Mungú, nee Qeeruú hhoohhoó' guri ilaóh dír Baabá wa ale adoodá' Baabá ngira oó'. Nee nguri ku'uús amoorén i alé. Nee hám an kaangwí kuungá' ta ga/eera' nee ta axamisa'.