Marko 8:2 - Ya/abtór hho' 1977

² “Aga gurhaamuút asma boo/aywí wa ale, asma deeloorí tamaawo án nee inooín a dinkwár i diriaán, ala daxta muruú /ayma aa faák.

Biblía Axweesantá Hhohho' ar Mungú 2004

² «Aga gurhaamuút asma boo/aywí, asma deeloorí tamaawo án nee inooín a dinkwárií diriaán, ala daxta muruú /ayma aa faák.

Marko 8:2 Iomraidhean Croise

WARA'AMI 103:13

Adoodá' baabá na/'iiwós ngir gurtlatlay, an adoodá' AAKOÓ MUNGÚ mukdá' ngu ilaiwawa/á' ngur gurtlaatlay.

WARA'AMI 145:15

Muruú slaáf sleémeero kuúng un ga/áy ar harahhifo. Nee kuúng un muruú /aymár i hanmís qoomár hariima.

WARA'AMI 145:8

AAKOÓ MUNGÚ ku gurhhoó' nee i gurtleemuú kón. Muneero ku inslahheeká, inós in haats sla'aarír warqawaakahe.

Matayo 14:14

Yesu niwa ti'iít baraá miringamoó wa ale, boo/oó muu oo yaariír guri ár, guri gurtláy. Tiqtuuser'ín gari hungu/uumiís.

Matayo 20:34

Yesu guruuwós iri tláy, ilaaín giri kwatiít. Hamtidár kilae ilaaín niri qaytsitiyé', Yesu kuri eehaár.

Matayo 9:36

Yesu boo/oó muu nguwa ár, iri gurhaamuút, asma boo/aydá' aa slaaqamiít nee taa diyaayaa/aát adór bee/ángw de'eamusmo wásl.

Marko 1:41

Guri gurtláy, guri dakós i gan'aás guri kwatiít guri báy, “Án a slaá', hhoohhooúw.”

Marko 5:19

Ala Yesu gwa ya/aniká nee inós tiwa kona'. Guri báy, “Tláw amór doohúng nee amór mukók, gár afhhamít ar Aako naa kuúng i tleéhh alki/iiteek dir'ín i alé, nee adór inós ura gurtláy.”

Marko 6:32

Tari tláy gawaá miringamo inooín kilooín amoodá' muu iwa kahhi.

Marko 6:34

Inós iwa gawaá miringamoó wa aweér, múk yaariír guri ár, guri gurtláy, asma ngiwa ár a adór bee/ángw de'eamusmoó koomaaká. Muruú yaariír guri intsaahhatimís dir'ín i alé.

Marko 8:3

Án bira geemáw tawa watli ar qwari, /ara/eeri gi loohír i eér, asma bahh'alé amór ta dahhi ka saaw.”

Marko 9:22

Nee daqtá yaarire gu dararáhh baraá asla, nee baraá ma'aay, as ngwa gaasár wa sla'. Adór ta aleesleer bir deer, ti gurtleer nee ti alee/is.”

Luka 15:20

Iri tláy, iri amór baabuúwós káy. “Iwa amorqá' saáw i kahhi, kuri ár nee baabuúwós, kuri gurtláy. Baabá iri amoorós i ta'aín, guri slaqwtós i óh, guri ma'aás.

Luka 7:13

Aako ngiwa ár, gari gurtláy, gari báy, “Ma /aa/amiimaar.”

Ebrania 2:17

Gawaá adoorihe inós gár kuwa hariím, a inós kuwa adór hhaeewós tleehhi baraá mura' sleémeerowo. Gár kusa adoorí laáq a inós masók a geeraharusmooín oo úr oo saaliingw, kudá' gurtleemuú koóm nee inkihhimu baraá kángw Munguhe, as tlakweemaá mukós ngiwa hingeesi.

Ebrania 4:15

Geeraharusmoorén kudá' úr oo saaliingw, inós atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.

Ebrania 5:2

A gár ya/aam inós tawa heé tsatsa'aár dír mukdá' liitlakwene nee oo aa dakuus. Asma inósuú kilá' ku liitlaákw baraá muruú yaarire.