Marko 7:5 - Ya/abtór hho' 1977

⁵ Mukdaáduú Farisayo nee intsaahhatuusér hara'ayár Musa kuri yaahaás gídaabá, “Ahaá, eeharuuseerók unaá múk urén misngi eeharahatká, masta /ayín ar dabaá taa hamatliiká?”

Biblía Axweesantá Hhohho' ar Mungú 2004

⁵ Mukduú Farisayo nee intsaahhatuusér hara'ayár Mosewo Yesu kuri yaahaás, kuri báy, «Ahaá, eeharuuseerók uunuú múk urén misngi eeharahatká, masta /ayín ar dabaá taa hamatliiká?»

Marko 7:5 Iomraidhean Croise

Matayo 15:2

“Ahaá baré eeharuuseerók i unaá múk urén giqeér. Asma daba' ki hamtliitiiká qoomár barta /ayín.”

Marko 7:13

Axweesantá Mungú kari warqesé', as unuuhúng kuwa intsaahhatimisa', kudá' taa ilaoté' amór múk urén wa ale. Muruú hatlá' oo yaariír sleeme i deer oo ta tlehhahhita' oo adór kwí.”

Marko 7:8

“Kuungá' hara'ayár Mungú ana meeré', unaá muu kiri eehadé'.”

Marko 7:9

Giri báy, “Ka hhoo'. Mungú ugwa sié' asma unuuhúng kiwa ota'.

Tlehhema'aá ya/Abuuse 21:21

Inooín kaa kaangók báy ar gídaabá kuúng mukduú Yahudi oo baraá tla/ángw xoorduú i dirií', in intsaahhatimís ar gídaabá hara'ayár Musa makawa eehaár. Slám na/'ii'ín mikiwa al/utlín, nee unuurén mingiwa eehariyé'.

Tlehhema'aá ya/Abuuse 21:24

Mukwí ar tlaweek, ti alhhohhoese', nee kuúng slaqwér deeqomór sager'ín ka bu'. Adoorí bara tléhh, muu sleémeero daqaní ga tsaahh gídaabá, iidíguudá' kaa báy gawaá daanduuwoge a lama, nee gídaabá kuúng a kumít hara'ayár Musa eeharahaduuwo.

Rumi 4:12

Slám inós a malé baabuú mukdá' taa al/utlín. Ala a as al/utlo kiloseeká, ala a asma inooín baraá slafingw'ine haratlintaaoodár Abrahamu ngaa eehariyé', tidá' Abrahamu i kon iimír inós kuwa al/utliiká.

Galatia 1:14

Aníng niri kumiít baraá diinír Yahudiro ta múk yaariír ba/a baraá qartadár tlahhay'eene. Aníng ilakaaharu una tleéhh ló'wa ale asma unuudá' baabi'iirén.

2 Tesalonike 3:11

Ala daxta hamí aga axaasaán gídaabá baraá tla/angwhunge mukko i deer oo tli/uuse. Inooín gadiyér i tleehhiya' i káhh, ala gár i tleehhiya' a gadiyeedá muu ngin amoqwaaremisiyá'.

2 Tesalonike 3:6

Hháe, atén kuungá' nu hara'ayiimaán ar aleesleemuudá' taa atén i haniís nee Aako Yesu Kristo, ti paratle' nee hhae sleémeero awa tli/uuse, kudaádá' hara'ayaarén ngaa si'iye'.